Мэдээ, мэдээлэл

“Шүүгчийн сонгон шалгаруулалт, томилгоо” сэдвээр хэлэлцүүлэг зохион байгуулав

2020-05-06

Нээлттэй Нийгэм Форум (www.forum.mn) “Оюуны Инноваци” ТББ хамтран УИХ-ын хаврын чуулганаар Шүүхийн тухай хуулийн шинэчилсэн найруулгын төслийг хэлэлцэж байгаатай холбогдуулан Шүүхийн тухай хуулийн төслийн талаарх бодлогын цуврал хэлэлцүүлэг зохион байгуулж байна. Эхний хэлэлцүүлгийг "Шүүхийн ерөнхий зөвлөлийн бүтэц бүрэлдэхүүний талаарх зохицуулалт" сэдвээр зохион байгуулсан бол хоёр дахь хэлэлцүүлгийг “Шүүгчийн сонгон шалгаруулалт, томилгоо” сэдвээр зохион байгууллаа.

Энэхүү хэлэлцүүлэгт “Шүүгчийн сонгон шалгаруулалт, томилгоо” сэдвийн хүрээнд “Оюуны-Инноваци" ТББ-ын гүйцэтгэх захирал, хуульч, судлаач П.Баттулга, Шүүхийн ёс зүйн хорооны гишүүн, хуульч, судлаач Л.Галбаатар, МУИС-ийн Хууль зүйн сургуулийн профессор, доктор О.Мөнхсайхан, ХЗДХЯ-ны Хууль зүйн бодлогын газрын дарга П.Сайнзориг нар оролцож шинээр өргөн барьж буй хуулийн төслийн хүрээнд ямар өөрчлөлт орж байгаа талаар санал солилцсон юм.

Шүүхийн хараат бус байдлыг хангах асуудал нь шүүгчийн томилгоотой шууд холбоотой судлаачид хэлж байна. Шүүгчийн сонгон шалгаруулалтын  үйл явцыг 1993-2012 он хүртэл хэсэгчлэн авч үзэж болох бөгөөд 2012 онд шүүхийн тухай багц хууль батлагдаж, шүүгчийн сонгон шалгаруулалтад тодорхой хэмжээний өөрчлөлтүүд  орсон байна. 1993-2012 онд шүүгчийн сонгон шалгаруулалтад голлох үүрэгтэй оролцож байсан байгууллага нь Шүүгчийн мэргэжлийн хороо байжээ. Тус хороо нь шалгалт авч, тэнцүүлсэн нэр дэвшигчдээс Шүүхийн Ерөнхий зөвлөл нэр дэвшигчээ тодруулан Ерөнхийлөгчид санал болгодог байсан бол 2012 онд шүүхийн  мэргэжлийн хорооны үнэлгээнээс гадна Монголын хуульчдын холбоо шүүгчид нэр дэвшигчдийн талаарх ур чадварын талаар дүгнэлт гаргадаг болсон нь томилгооны явцад ахиц гаргасан гэж  үзэж буй юм.

Онцлох эшлэлүүд:

 

 

 

 

 

 

 


Манай цахим хуудас нь Монгол Улс дахь хууль зүйн судалгааны бүтээлүүдийг нэгтгэн цахим сан бүрдүүлж, судалгааны эргэлтэнд оруулах зорилготой.

Та өөрийн хийсэн судалгааны бүтээлээ манай цахим хуудсанд байршуулж Монгол Улсын хууль зүйн шинжлэх ухааны хөгжилд хувь нэмрээ оруулна уу.

Холбоо барих

“Оюуны-Инноваци” Эрх зүйн судалгааны төв

Монгол Улс, Улаанбаатар хот,
Сүхбаатар дүүрэг, Оюутны гудамж 16/03,
Unity center, 4 давхар 405 тоот.
Э-мэйл: contact@legaldata.mn