Бүтээлийн нэр үнэний философи
Зохиогч Хаянхярваа Сэлэнгэ
Хамтран зохиогчид
Бүтээлийн хэлбэр Илтгэл, өгүүлэл, эссэ
Бүтээлийн ангилал Эрх зүйн бусад салбар
Бүтээлийн дэд ангилал Эрх зүйн философи
Бүтээлийн товч Эрх зүйн философийн зорилго нь эрх зүйд үнэний хайгуул хийх явдал билээ. Иймд эрх зүйн философийн орчин үеийн нэг гол онол нь “Үнэний онол” юм.
Германы сонгодог философич И. Кант философийн зорилгыг: “танин мэдэхүйг яаж үнэн зөв явуулах вэ?”, “яаж үнэн зөв судалсанаараа үнэн зөв дүгнэлтэнд хүрэх вэ?” гэсэн арга зүйн асуудалд анхаарлаа хандуулах явдал хэмээн үзэж, трансцендент шинжлэх ухааныг бий болгосон билээ. Иймд аливаа философийн судлагдахуун нь үнэний философи байдаг бөгөөд философийн олон чиг хандлагууд “үнэн гэж юу вэ” гэсэн асуултанд өөр өөрийн онол – арга зүйн үүднээс янз бүрийн хариултыг өгч, үнэний арга зүйн шалгуурыг бий болгосон байдаг. Тухайлбал, шашны философи нь танин мэдэхүйн уг сурвалжийг эзэн тэнгэр хэмээн үздэг учраас бурхан, түүний оюун санааны зарчмыг үнэний шалгуур болгодог.
Философийн сэтгэлгээний хөгжлийн явцад үнэний хэд хэдэн шалгуурууд бий болсон билээ. Тухайлбал, гагцхүү туршлагын шалгуурт өгөгдөж буй мэдлэгийн үнэн худлыг ярьж болно, өөрөөр хэлбэл туршлагын явцад сэрэл мэдрэхүйд өгөгдөж буй мэдлэгийн үнэн худлыг ярьж болно хэмээн үздэг верификацийн зарчим, онолын физикийн хэлнээ хөрвүүлэгдэж байвал үнэн хэмээн үздэг физикализмын зарчим гэх мэт.
Философийн үнэний шалгууруудаас түгээмэл хэрэглэгддэг / олонхи эрдэмтэдийн хүлээн зөвшөөрдөг / үнэний шалгуур нь конвенциализмын зарчим юм. Конвенциализмын зарчмаар олонхи эрдэмтэдийн хүлээн зөвшөөрсөн өгүүлбэрийг үнэн гэж үздэг. Өөрөөр хэлбэл, тухайн асуудлаар судалгаа хийдэг, голлох эрдэмтэдийн ихэнхи нь хүлээн зөвшөөрч буй өгүүлбэрийг үнэн гэж үздэг байна.
Түлхүүр үг эрх зүй, эрх зүйн философи, эрх зүйн философийн зорилго, үнэний философи, үнэн, үнэний онол
Бүтээл бичигдсэн огноо 2014
Хуудасны тоо 2
Хэл Монгол
Үнэ Үнэгүй
Бүтээл Бүтээлийг бүрэн эхээр нь үзэхийн тулд веб сайтад энд дарж нэвтэрнэ үү
Байршуулсан огноо 2017-04-13
Товч мэдээлэл үзсэн 1768
Бүрэн эхээр нь үзсэн 89
Цуглуулганд нэмэх(удахгүй нэмэгдэнэ)