Бүтээлийн нэр "Захиргааны гэрээ, түүний эрх зүйн зохицуулалтын онцлог"
Зохиогч Баатар Сүндэръяа
Хамтран зохиогчид
Бүтээлийн хэлбэр Бакалаврын төгсөлтийн ажил
Бүтээлийн ангилал Нийтийн эрх зүй
Бүтээлийн дэд ангилал Захиргааны эрх зүй
  • Захиргааны үйл ажиллагааны хэлбэр (акт, гэрээ, хэм хэмжээний акт, бусад хэлбэр)
Бүтээлийн товч Захиргааны эрх зүйн шинжлэх ухаанд захиргааны эрх зүйн гэрээний тухай онол XIX зууны хоёр дахь хагаст бүрэлдэн нэвтэрсэн хэмээн үздэг байна. Энэ үеэс хойш уг онол нь багагүй хугацааг туулан өнөөдрийн байдлаар нэгэнт хүлээн зөвшөөрөгдсөн ойлголт болтлоо хөгжсөн. Эх газрын эрх зүйн тогтолцоотой хөгжингүй орнуудад захиргааны гэрээг хуульчлан бие даасан эрх зүйн институтын түвшинд авч үзэх болсон бол Монгол Улсын хувьд төдийлөн хангалттай сайн судлагдаагүй буюу шинэлэг ойлголтод тооцогдож байна. Гагцхүү 1992 оны шинэ Үндсэн хууль батлагдсаны дараах үеэс хууль тогтоомжинд захиргааны гэрээний шинэ практик үүсч хөгжих болсны зэрэгцээ манай эрх зүйн тогтолцоо эх газрын эрх зүйн бүлд шилжиж эхэлснээр захиргааны гэрээ өргөжих нэн чухал нөхцөл бүрэлдсэн.
2002 онд ЗХХШтХууль батлагдан, 2004 онд шинээр захиргааны төрөлжсөн шүүх байгуулагдсанаар Монгол улсын орчин үеийн захиргааны эрх зүй нь эх газрын эрх зүйн бүлийн захиргааны эрх зүйн сонгодог онолыг баримжаалан хөгжих эхлэл тавигдсан. Харин өдгөө Захиргааны ерөнхий хуулийг 2015 оны 6 дугаар сарын 19-ний өдөр баталж, 2016 оны 7 дугаар сарын 1-ний өдрөөс эхлэн мөрдөж буй бөгөөд уг хуулийн тавдугаар бүлэгт “Захиргааны гэрээ”-тэй холбогдох харилцааг тусгайлан зохицуулж өгсөн нь эрх зүйн хувьд дэвшилттэй алхам болсон юм. Үүний үндсэн дээр хуульч, эрх зүйчид болон хуулийн чиглэлээр суралцаж буй оюутнуудын хувьд “Захиргааны гэрээ”-ний талаар зохих хэмжээний мэдээлэлтэй байгаа хэдий ч уг ойлголтын хүрээнд хангалттай мэдлэгийг төдийлөн олж авч чадаагүй байна.
Мөн Захиргааны ерөнхий хуулинд тусгай бүлэг болгон зохицуулсан хэдий ч цаашид нарийвчлан судлах, эрх зүйн зохицуулалтыг боловсронгуй болгохоос гадна хуульч, эрх зүйч болон хуулийн салбарт ажиллаж, суралцаж буй хэн бүхэнд эрх зүйн мэдлэгийг нэг мөр ойлгуулах хэрэгтэй байгаа нь ажиглагдсаар байна. Иймд захиргааны гэрээний ерөнхий онолын ойлголт, түүний онцлог, захиргааны акт болон иргэний эрх зүйн гэрээнээс ялгагдах онцлогийг тодорхойлж, түүний эрх зүйн зохицуулалтын онцлогийг судлах, мөн практикт хэрэгжиж буй захиргааны гэрээнд эрх зүйн дүн шинжилгээ хийн боловсруулснаар судалгааны ажлын шинэлэг тал болно.
Түлхүүр үг Захиргааны үйл ажиллагааны хэлбэр
Захиргааны гэрээ
Захиргааны ерөнхий хууль
Зохицуулалт
Бүтээл бичигдсэн огноо 2017.05.31
Хуудасны тоо 79
Хэл Монгол
Үнэ Үнэгүй
Бүтээл Бүтээлийг бүрэн эхээр нь үзэхийн тулд веб сайтад энд дарж нэвтэрнэ үү
Байршуулсан огноо 2017-06-25
Товч мэдээлэл үзсэн 2333
Татаж авсан 424