Энэ илтгэлээр хуулийг сахиулдаг уу, тийм бол хэрхэн сахиулдаг, хуулийг сахиулах шаардлага нь юу болох, онолын үндэслэл, орос хэлнээ правоохранительные, англи хэлэнд law enforcement гэх тогтолцоо, үйл ажиллагааг бид хэрхэн ойлгож хэрэгжүүлэх талаар харьцуулалт хийж судлаач эрдэмтэд хэрхэн үздэг талаар судалж үр дүнг нь танилцуулна.
Судалгаагаар хууль сахиулах гэдэг нь эрх зүйн хэм хэмжээг хамгаалахад чиглэсэн өөр хоорондоо харилцан холбоотой үйл ажиллагааны хэсгүүдийн олонлог буюу систем болох тухай, түүний мөн чанарыг эрх зүйн ерөнхий онол, криминологийн шинжлэх ухааны тулгуур ойлголтуудад түшиглэн тайлбарласан болно.