Шинжлэх ухаан, танин мэдэхүй

Дэлхийн уран барилгын сор бүтээлүүдийг шинжлэн тайлбарлав
    ГАДНАХ ХЭЛБЭР
Барилгууд гурван хэмжээст орон зайд оршдог бөгөөд гаднаасаа бидэнд хатуу биет мэт харагддаг. Байгууламжийн энэхүү гурван хэмжээст шинж чанарыг хэлбэр гэж гол төлөв нэрлэх ба хэлбэр нь тухайн барилга хүнд ямар сэтгэгдэл төрүүлэхэд асар нөлөөтэй бөлгөө. Барилга эргэн тойрноо ноёлсон байна уу эсвэл түүнд ууссан байна уу; өндөр сүглийсэн байна уу эсвэл газартай наалдсан байна уу; нүүрэн тал нь тэгш хэмтэй байна уу өөр байна уу; дотроо цэцэгт талбайтай юу зэрэг нь цөм байшингийн олон хэлбэр ажгуу.

Авсаар хийгээд сунайсан хэлбэр
Ижил зорилготой хоёр байшин хүртэл, жишээ нь эдлэнгийн байшингууд эзэн, архитекторууд нь өөрөөр барихыг хүссэнээс болоод огт өөр хэлбэртэй болдог. Палладиогийн вилла тун ч авсаар, тэгш хэмт хэлбэртэй бөгөөд голлосон үүдний баганат асар юм уу бөмбөгөр орой гол шинж чанар нь болсон байдаг. Хэдийгээр иймэрхүү хаусууд аугаа том бөгөөд албан ёсны байх нь бий ч басхүү баригдмал, харьцангуй даруухан, цөөн хүн амьдран суухаар баригдсан ч байж бас болдог. Үүнээс огт өөр эдлэнгийн байшингууд ч бий. Тиймүүд нь бүр хэдэн зуун метр урт сунайн үргэлжилдэг ба дотроо үйлчилгээний жигүүрүүд, дотор талбай, үүдний хаус зэрэг олон элементтэй. Парисын гаднахан байдаг Версалын ордон шиг ийм барилгууд тун ч урт, ээдрээтэй нүүрэн талтай агаад асар том талбай хамарсан байдаг. Хэлбэрүүдийн ийм өөр өөр байдал амьдралын өөр хэв маягуудыг илтгэдэг. Вилла нь хөдөөгийн орчин дахь соёлтой тав тухыг илтгэх бол Версал хамгийн тансаг хангалуун байдал, үйлчлэгчид бүхий хөл хөдөлгөөнтэй амьдралыг харуулна. Вилла эргэн тойрноо өнгийн тольдох бол ордон харин эргэн тойрноо өөрийн хэлбэрээр ноёлон, эрхшээх авай.

Хэлбэр хийгээд итгэл үнэмшил
Шашны барилгууд мөн ийм хэлбэрийн эсрэгцлүүдтэй. Мечетүүд ихэнхдээ залбирлын уужим танхимтай ба нэг юм уу түүнээс олон туяхан минареттай; харин заримдаа бөмбөгөр оройтой байдаг. Томоохон мечетэд өөр байшин, өрөөнүүд рүү хөтөлсөн дотор талбай ч бас байдаг. Христийн сүмд, ялангуяа нүсэр хийд, хүрээнүүдэд тэнгэр рүү өлийсөн шовх орой, сүмийн нүсэр хийцтэй нийцсэн жижиг цамхаг, ганжирууд  (хойно тайлбарлах болно) байдаг. Харин дорнын шашинтай холбоотой байшингуудад, ялангуяа буддын бунханууд ихэвчлэн төвлөрсөн бүтэцтэй ба хэдийгээр заримдаа дээшээ өлийдөг ч тэдэнд Гот хийдүүдийнх шиг өндөр, туяхан шовх оройнууд байдаггүй юм. Шашны эдгээр олон янзын хэлбэр загварууд он удаан жилийн явцад хувьсан хөгжсөн ажээ. Мечет нь залбирал үйлдэгч түмэн хүнийг агуулах орон зай хийгээд залбирлыг зарлах орон зай агуулах хэрэгцээтэй уялдан зохицжээ.  Нүсэр том баруун үүд болон шовх оройнуудаараа хийд зочлогчийн харцыг дээш тэнгэр рүү болон доторх ёслолын уужим орон зайн зүг хандуулдаг. Үүнээс ялгаатай нь харин буддын бунхан буюу сүмүүд олон нарийхан тавцантай байдаг нь гэгээрэл лүгээ очих замыг бэлгэддэг ажээ. Алхлан ойртох зуураа мөргөлчид Буддагийн сийлбэрүүдийг тольдохын хамт сургаалуудыг нь бясалгадаг болой.

Хэлбэр хийгээд нөлөөлөл
Байшин уруу орохын өмнө болж өгвөл түүнийг тойрон үзвэл зүгээр. Ингэснээр хэлбэрийнх нь талаар илүү ихийг мэдэж, барилгачид нь чухам юу руу тэмүүлж байсныг мэдэж болдог. Байшингийн нүүрэн талууд биенээсээ ямагт өөр байдаг. Тэдгээрийн хэлбэр, ширхэглэг нь уулга алдам агаад байшингийн ар нь нүүрэн талаасаа ихэнхдээ эрс өөр байдаг.  Байшингийн гаднах бүх зүйл түүний ерөнхий байр байдалд нөлөө үзүүлдэг. Жишээ нь цайзны цамхаг, тэнгэр баганадсан барилга хоёр хоёулаа эргэн тойрноо ноёлдог агаад харсан хүмүүс шагшин бахдахын хамт тийм барилгын эздийн зиндааг илэрхийлэхээр бүтээгддэг ажээ. Энэ зорилгодоо тэд өөр өөр замаар хүрдэг. Гадагш цухуйсан жижиг цамхаг, тагтууд нь цайзанд ийм сүрлэг байдал оруулдаг бол тэнгэр баганадсан барилга тийм сэтгэгдлийг дээшлэх тусам шатлан нарийссан (догол) загвараар төрүүлэх ажээ. Хаалга, цонхны орон зайн хэлбэр, тулгуур хана, сонгодог үүдний баганат асар зэрэг хийцүүд мөн сонирхол төрүүлнэ. Тэд харагдах хэлбэр эвддэг агаад тэнгэр баганадсан барилгуудын цонхнууд, дундад зууны хийдийн эгнэсэн тулгуур хана нь гаднах төрхөнд хэмнэл оруулж нэмэлт өнгө аяс үүсгэдэг. Иймэрхүү чимэг, хийцүүд цөм барилгын хэлбэрийн бүрдэл хэсгүүд агаад түүний төрх, шинж чанарыг улам тодотгодог бөлгөө. 
    ДОТООД ОРОН ЗАЙ
Архитекторууд барилгыг цуварсан олон орон зай гэж хардаг. Шинэ барилга барихдаа тэд тухайн барилга ямар үүрэгтэйг тодруулж, түүнд нь зориулан орон зай төсөөлөхөөс ажлаа эхэлдэг. Дараа нь хана, цонх, дээврээр тэрхүү орон зайгаа томьёолдог. Тиймээс барилгуудын дотоод орон зай бие биенээсээ асар өөр, ялгаатай байдаг ажээ.

Энгийн болон ээдрээтэй орон зай
Орон зайн хувьд зарим барилга эгэлгүй энгийн. Тийм барилгын хаалгыг нээгээд дотогшоо орохдоо ганц харц чулуудаад л доторхийг цөмийг нь харж болдог. Ялангуяа шашны барилгууд, тэр дундаа сүм хийдүүд иймэрхүү. Түүнчлэн дундад зууны холл хаус хэмээх танхиман байшингууд ч бас ийм. Ийм энгийн байшингуудад амьдрагчдын идэх, ажиллах, унтах гээд амьдралын бүхий л хэмнэл ганц том өрөөн дотор өрнөдөг. Гэлээ ч ихэнх байшин хооронд нь нуман хонгил, залгаасаар холбосон тусдаа өрөөнүүд юм уу орон зайнаас бүрддэг. Хамгийн ээдрээтэй нарийн байшингуудад Версал зэрэг албан ёсоор, тун ч нарийн дэг горимтойгоор байрлуулсан хэдэн зуун өрөөтэй их ордонгууд ордог. Цэлгэр өрөөнүүд нь нэг орон зайнаас өөр орон зай руу хөтөлдөг. Хамгийн эхний өрөө нь хамгийн том, ихэнхдээ албан ёсны шинжтэй байдаг бөгөөд үүнд нийтийн танхим багтдаг. Харин хамгийн сүүлийнх нь хамгийн жижиг, тун ч хувийн шинжтэй агаад тэнд харшийн эзэн ойр дотны нөхөд, ажилтнуудаа хүлээн авдаг. Орон зайнууд ямар хэмжээ дамжаатай байгаа нь тэдгээрийн төрүүлэх сэтгэгдэлд нөлөөлдөг. Сонгодог архитектурын өрөөнүүд ихэвчлэн шоо юм уу хос шоон хэлбэртэй байдаг. Харин зарим нь төгс дугуй юм уу алтан секц гэх мэт сонгодог томьёолол дээр суурилсан байдаг. Энэхүү суурь геометрлэг байдал нь өрөөнд албан ёсны, дэгтэй өнгө аяс оруулдаг агаад үүгээрээ тэд энгийн хаус, коттэйжоос ялгардаг юм.

Дэг ба давтагдалт
Орон зайг дэглэх өөр нэг арга нь жигд хэмжээ, хэлбэртэй элементүүдийг, тухайлбал сүм, хийдэд арк, тулгуур, цонх зэргийг дахин дахин давтаж оруулах явдал бөгөөд ингэх нь хийцийн бат бэх байдлыг баригдмал албан ёсны мэдрэмжтэй хослуулж байгаа юм. Ялангуяа аркууд дотоод засалд янз бүрийн өөр хэмжээс, тэр бүү хэл нууцлаг ч юм шиг мэдрэмж шингээдэг юм. Барилгын арк яагаад ч юм тухайн нумны цаана юу байгааг мэдэх хүсэл төрүүлэн далладаг юм. Визант, Гот барилгуудын аркууд шинэ харааны өнцөг үүсгэж, өөр зорилготой өөр орон зай руу, тухайлбал сүмд бол хажуугийн дуган, эгнээ рүү хөтөлдөг. Хийдийн дотоод засал хэрвээ нарийн дэг баримтлан хийгдсэн бол түүнд тахилын ширээ рүү хөтөлдөг гол тэнхлэг ямагт байдаг юм. Энэхүү тэнхлэгийг сүмүүд дотоод заслыг уртаа сунайлгах байдлаар тодруулж өгдөг бөгөөд нүд өөрийн эрхгүй арк, тулгуур пиерүүдийг алгасан тээр тэнд байгаа тахилын ширээний зүг нисдэг. Ийм орон зайг өөрөөр зохион байгуулах өөр нэг арга нь дотоод заслыг төвлөрүүлэх. Эртний сүмүүдэд, тухайлбал Истанбулд байдаг Айя Софиягийн голд асар том бөмбөгөр орой байдаг.
Энэ бүх жишээнд барилгын дотоод орон зайг нүдэнд илхэн байдлаар янз бүрээр загварчилсан байна. Харин зарим барилгад орон зайг илүү уян налархай дэглэсэн байдаг ба тэдгээр нь ихэнхдээ орчин үеийн барилгууд байдаг. Ле Корбюзье хаусуудаа нээлттэй-плантай буюу нэг орон зай нөгөө рүүгээ байгалилагаар, зөн мэдрэмжээрээ урсан ордог байлгахыг зорьдог байсан ба энэ хандлагыг Фрэнк Ллойд Райт ч бас хаусны дизайнууддаа баримтлахыг хичээдэг байв. Холбогдсон орон зай, уян налархай шатны гишгүүр, гадна дотнохыг холбосон том тагт, дээврийн тавцанууд ийм байшингуудын онцлог шинж бөлгөө. Сүүлийн үед модерн хийцтэй нийтийн зарим байшингуудыг ч ийм маягаар барьдаг болсон байна. Өрөө гэж юу болох тухай ойлголтыг тал тал тийш нь татан сунгаснаараа ийм барилгуудын налархай дотоод зай архитектур ямар шинэ сэдэлтэй, сэтгэл булаам байж чадахыг бидэнд сануулдаг.

    АРХИТЕКТУРЫН НАРИЙВЧЛАЛ
"Нарийвчлалд л Бурхан оршдог”. Германы модернист архитектор Людвиг мис ван дер Роэ ингэж хэлсэн гэдэг. Энэ үг байшингийн бүх зүйл, тэр бүү хэл хамгийн жижиг зүйл хүртэл маш чухал гэсэн утга илэрхийлж байгаа юм. Энгийнээр өгүүлбэл дан ганц аугаа санаатай байх хангалтгүй: архитектор хүн чулуун хавтан бүр нь зөв байрласан, гялалзах саваа бүр зөв өнгөлөгдсөн, хаалганы бариул бүр зөв хэлбэртэй байхад анхаарах ёстой бөгөөд – барилгыг бүрдүүлж буй энэ бүх нарийн ширийн зүйлс бие биентэйгээ хорших ёстой гэсэн үг юм. Байшин бол нэг бүхэл цул зүйл, бүх зүйл нь үүнийг дэмжиж байх ёстой гэсэн эл санаа архитектурын тулгуур үзэл байсаар иржээ.

Итгэл үнэмшлээ илэрхийлэх нь
Нум ч бай, сийлбэртэй баганын толгой ч бай, цонхны түгжээ ч бай, хээтэй шил, фреско юу ч байлаа гэсэн архитектурын нарийвчлалыг шинжих туйлын таашаалтай. Тэдгээр нь барилга баригчид тухайн байгууламжийн талаар юу бодож байсан, хэрхэн хэрэглэж байсан, яагаад барих болсон, хүн амьдарсан эсэх, анх барьсан хүмүүс нь ямар итгэл үнэмшилтэй байсан зэргийг хэлж өгдөг юм. Чухам тийнхүү дундад зууны чулуучид, урчууд ур, ухаанаа цутган байж бүтээн урлагийн бүтээл болгон хувиргаж, газар дэлхий дээрх диваажингийн төсөөллөө илэрхийлсэн болохоор Гот сүм хийдүүд архитектурын нарийвчлалын хамгийн шилдэг жишээ болдог юм. Үүд, баганын толгой, хээтэй шил, ханын зураг, хоор (номлогч нар суудаг сүмийн хэсэг) зэргийн хээ сийлбэрүүд библийн түүхийг амь оруулж, уг газрыг мөргөл, шүтлэгийн онгод дуудах газар болгон хувиргасан байдаг. Хинду сүмүүд болон буддын бунханууд ч бас ийм баялаг дүрслэлтэй. Лал зэрэг зарим шашин, уламжлал харин илэрхийллэг урлагийг хориглон түүнээс зайлсхийдэг ч асар том мечетүүд угалзарсан хээ болон Кораны бичээсүүдээр чимэглэгдсэн байдаг нь христийн хийд, хинду сүмүүдийнх шиг л хараа булаадаг юм.

Хэв маяг ба илэрхийлэл
Сонгодог багануудаас рококо шохойдолт хүртэлх нарийвчлалууд бүтээсэн архитекторуудынхаа сонирхол, эх сурвалжийг илэрхийлдэг. Зарим архитектор сонгодог архитектурын хатуу чанд зарчмуудыг баримталсан байдаг бол зарим нь илүү уян хатан барокко хэв маяг сонгодог. Чимэглэсэн хэв маяг нь ч бас архитектор тухайн барилгаа ямар байгаасай гэж, ямар тодорхой зорилгод ашиглавал зохистой гэж бодож байсан талаар хэлж өгдөг. Тухайлбал XIX зууны үед хүмүүс сүм Гот хэв маягтай байх нь зүйтэй; харин хотын захиргааны байр зэрэг төр засгийн зориулалттай олон нийтийн барилгууд илүүтэй сонгодог хэв маягтай байх нь зүйтэй гэж үздэг байжээ.  Ийм хэв маягийн нарийвчлалууд нь сүсэг бишрэл юм уу, эх оронч бахархал төрүүлэхэд чиглэсэн байдаг юм. XIX зууны сүүлээр Европын барилга загварлагч нар өнгөрсөн үеээ хойноо үлдээн шинээр Ар нуво (“Шинэ урлаг”буюу “Art Nouveau”) хэв маяг цогцлоосон юм. Тэр цаг үед өргөн байсан хуучнаа сэргээх хэв маягуудаас ялгаатай нь Ар нуво урсгал ургамлын мушгиа хэлбэр, угалзарсан мушгиа зэрэг түүхэн бус хэлбэр рүү хандсан юм. Модернистууд тэдэнтэй хамт алхсанаа яваандаа тэднийг ч хойноо хаян урагшилсан агаад тэгэх зуураа чимэглэлийн элементүүдийг бүрэн хаясан. Гэсэн ч тэдний цулгуй байгууламжуудад хүртэл функцуудийн тухай хэлж өгсөн зүйлс байдаг бөгөөд тэдгээр нь нямбайлан загварчилсан угаалгын өрөө; төгс харьцаатай, нүдэнд үзэмжтэй хаалга, цонхноос хүртэл харагддаг юм. 
Шалны эгэл тайлаас дээр байгаа шувуу нурууны чулуун товруун чимэглэл, муруй тааз зэрэг архитектурын нарийвчлалууд хараанаас гадна өнгөрчих гээд байдаг. Гэсэн ч тэднийг олж харахыг зорих хэрэгтэй. Учир нь тэдгээр нь бидэнд аугаа барилгууд ер бусын урлагийн бүтээл байгаад зогсохгүй тоо томшгүй барилгачин, загварлаач, урчуудын нөр их хөдөлмөрийн үр дүн юм шүү гэдгийг сануулдаг юм. Уртаа сунайсан нүүрэн талаас цонхон дээр байгаа өчүүхэн сийлбэр хүртэл үргэлжлэхдээ барилгууд ийнхүү эцэс төгсгөлгүй баяр бахдал, таашаалын эх булаг болсоор байна. 

75,000 ₮

Дорно дахины анагаах ухааны мянган нууц руу өнгийх цонх
Уламжлалт эмт бодисын эрт, эдүгээгийн тайлал
Домогт хээр талын эмт ургамлын ертөнц

Олон зуун жилийн туршид нүүдэлчин монгол түмний эрүүл мэндийн хэрэгцээг хангаж байсан уламжлалт анагаах ухааны гол хэрэгсэлд эртний судар, номуудад зааж оршоосон уламжлалт эм, тан юуны түрүүнд хамаарна.

Уламжлалт эм, тангийн эрдэм, чадал, үйлдэл нь түүний найрлаганд орох амьтан, ургамал, эрдсийн гаралтай түүхий эдүүдийн оноолт, танилт, бэлтгэх, хадгалах, хортой хэсгийг нь номхотгох, жорын найрлагын нарийн технологийг баримтлахаас шууд шалтгаалдаг.

Цаашдаа энэхүү бэлэн болсон эм танг өвчтөн дээр өвчний ямар үед ямар идээ ундаа явдал мөрийн ёсыг баримтлан хэрхэн дангаар буюу хавсарган хэрэглэж өвчтөн эдгээх нь өнөө цагт Өрнө Дорнын анагаах ухааны эмнэл зүйн ур чадварыг чадварлаг эзэмшсэн, мэдлэг туршлага бүхий сэтгэлтэй эмчээс, эмчдээ итгэсэн өвчтөний итгэл сэтгэлээс шууд хамаардаг ажил...

Монголын эрдэмт  өтгөс,  лам  эмч нар голдуу цаст төвдийн мэргэдийн шаштир, сударт заасан эмт бодосуудыг амт, чадал, үйлдлээрээ ижил төстэй, өөрийн оронд ургадаг эмт бодисуудаар чадамгай орлуулж ирсэн байдаг. Жишээлбэл:  Дүгмонүн  буюу  Тэмээн хөх хэмээх ургамлыг аюурвед, төвд эмнэлэгт Holarrhena antidysenteriaca Wall ex. A.DC гэх зүйл өндөр модны уутлаг үрийг авч ашигладаг байхад монгол эмч, лам нар өөрийн оронд ургадаг Vincetoxicum sibiricum (L) Desne хэмээх тохой орчим өндөртэй, энэтхэг, төвдүүдийн хэрэглэдэг шиг уутандаа үртэй ургамлаар гайхалтай орлуулан  хэрэглэж  ирсэн  байдаг. Энэ мэтчилэн тропик бүс нутгийн эмт ургамлуудыг өөрийн орны ургамлуудаар чадварлаг орлуулан хэрэглэж ирсэн жишээ цөөнгүй.

130,000 ₮

шинжлэх ухаан, танин мэдэхүйн бүтээлүүдээрээ дэлхийд алдартай Их Британийн Дорлинг Киндэрсли (DK) хэвлэлийн газраас эрхлэн гаргасан энэхүү нэвтэрхий тольд хүн төрөлхтөн гал ашиглаж эхэлсэн үеэс XXI зууны нанотехнологи хүртэлх шинжлэх ухаан, технологийн дэвшлийг он дараалан танилцуулжээ. Үүнд эртний Герегийн геометр, квантын физикээс өгсүүлээд даян дэлхийн вэб хүртэлх бүх л салбар ухааны ололт, нээлтүүд багтсан. Аугаа нээлтүүд хэрхэн төрсөн тухай өгүүлэхээс гадна тэдгээртэй холбоотой үзэл, ойлголт, бүтээл, туурвил болон эрдэмтэн мэргэд хорвоо дэлхийг хэрхэн өөрчлөн хувиргасныг харуулсан байна.

81,000 ₮

Амьсгал бол төрсөн цагаасаа л зөнгөөрөө хийдэг хүн бүрийн чаддаг зүйл байтал зөв амьсгалах, буруу амьсгалах гэж юу яриад байна гэж та гайхаж магадгүй. Амьсгал бидний төсөөлж байгаа шиг тийм энгийн, ач холбогдолгүй үйлдэл биш билээ. Бидний авсан амьсгал бүрээр биед орох хэдэн тэрбум молекул биеийн эд эсэд нэвчиж, хаа хүрэх вэ гэдэг нь агаар хамраар орж ирсэн үү, амаар орж ирсэн үү, хэр хурдан, удаан, хүчтэй, гүн амьсгалж байгаагаас хамаардаг. Хамраар, эсвэл амаар амьсгалахад хүний биед ямар нөлөө үзүүлдэг, ямар ялгаатай гэдгийг батлан харуулахаар Жэймс Нэстор Стэнфордын судлаачидтай хамтран өөрийн бие дээр туршилт явуулж, шинжлэх ухааны үндэслэлтэй тайлбар өгөхийг зорьжээ. Цаашлаад буруу амьсгалаас үүдэлтэй асуудлууд хэзээнээс эхлэв, үүний уг үндэс юу байв гэдгийг эрж хайх явцдаа эртний хүмүүсийн амьдралын хэв маяг, хооллолт, эрүүл мэнд ямар байсныг судалж мэдэн, эрдэмтэн мэргэд, судлаачдын бий болгож хөгжүүлсэн амьсгалын дасгал техникүүд хүний биед хэрхэн ач тусаа өгдгийг шинжлэх ухааны үндэслэлтэй, туршилтын үр дүнтэй нь хамтатган тайлбарлажээ. 
Зохиолч энэхүү номдоо хөндөж гаргасан асуудал бүрийг олон арван судлаачдын хийж байсан туршилт, эрдэм шинжилгээний өгүүлэл, судалгаанд тулгуурлан бичсэн байна. Номтой холбоотой баримт нотолгоог цааш дэлгэрүүлэн судлах сонирхолтой хэн бүхэнд хэрэг болох үүднээс 300 орчим шинжлэх ухааны материалын жагсаалтыг ном зүй хэсэгт тайлбарын хамт оруулсан болно. 
Бид яаж амьсгалж байгаагаа ч анзаарах сөхөөгүй яваа өнөөгийн завгүй нийгмийн эрүүл мэндийн нийтлэг асуудлын шалтгааны нэгээхэн хэсгийг Амьсгал-аас олж авна гэдэгт итгэлтэй байна. 
    “Энэхүү ном хүн төрөлхтний хувьсал, анагаах ухааны түүх, тамирчдын тэсвэр тэвчээр зэрэг маш олон зүйлийн талаар эрэл хайгуул хийсэн. Гэхдээ үүнээс илүүтэйгээр та номоос өөрийгөө шинжилж таних болно” хэмээн зохиолчийн  хэлсэнчлэн буруу амьсгалснаас үүдэх нойргүйдэл, харшил, багтраа, шүд амны гаж хөгжил, цаашлаад стресс бухимдал, сэтгэлзүйн асуудлын уг үндэс чухам юу вэ гэдгийг та мэдэх болно. 

28,000 ₮

“Өнөө үеийн хамгийн шинэлэг биологийн технологи, түүнийг бий болгоход тусалсан бүтээгчдийн тухай өгүүлсэн ер бусын ном. Энэхүү гайхалтай ном бол бидний эрин үед унших зайлшгүй шаардлагатай бүтээл" юм.
“Тэр үүнийг дахин хийлээ.
Волтэр Айзэксоны Геномын код тайлагч бол заавал
унших ёстой бас нэгэн зохиол юм. Энэ удаад тэрээр олон
зууны туршид алдарших баатартай, бидний амьдралыг
iPhone-оос илүү өөрчлөх нээлтээр сэтгэл гижигдэм үлгэр өгүүлжээ.”
~ Атул Гавандэ 

“Өнөө үеийн хамгийн шинэлэг биологийн технологи, түүнийг бий болгоход тусалсан бүтээгчдийн тухай өгүүлсэн ер бусын ном. Энэхүү гайхалтай ном бол бидний эрин үед унших зайлшгүй шаардлагатай бүтээл юм.” 
~ Мүхэржи Сиддарта 

“Хос эрчлээс номыг залгамжлах байдлаар бичигдсэн энэхүү чухал, хүчирхэг бүтээл нь бидэнд гайхалтай, урам зоригтой түүхийг мөшгөх боломжийг олгоно. Байгалийн гайхамшиг, танин
мэдэхүйн баяр баясгаланг мэдрүүлэх ширүүн өрсөлдөөнд манлайлах эрдэмтэн эмэгтэйн эгэл түүх юм.”
-Дорис Кэрнс Гүүдвин 

40,000 ₮

Хурц тод гэрэл зураг, энгийн ойлгомжтой тайлбар сэлтээрээ энэ ном зүйл бүрийн амьтдын биеийн бүтэц, зан ааш, гоо үзэмж бүхнийг дэлгэн харуулж үс, хайрс, сахал, сүүл, гээд эд эрхтэн бүгдийн үүрэг, шинж чанарыг тайлбарлан таниулж байна. Амьтдын ертөнцийн ид шидийн гэмээр гайхамшиг бүхнийг эндээс уншаарай!

68,000 ₮

Оксфордын тун товчхон танилцуулга цуврал
1995 оноос Оксфордын их сургуулийн хэвлэлийн газраас эрхлэн гаргасан Тун товчхон танилцуулга цуврал нь эрүүл мэндээс буддын шашин, материал судлалаас сонгодог бүтээл, урлагийн түүхээс даяаршил хүртэлх өргөн хүрээний сэдвүүдийг богино хэлбэрээр утгыг бүрэн илэрхийлдэг. Боть бүр нь үзэл баримтлал, хамрах хүрээ болон сэдвийн талаар сонирхолтой үнэлэмж, гол санаа, сэдэв, аргачлалын тухай ойлголт өгдөг. Оксфордын шилж сонгосон мэргэжилтэн, зохиолчид нь мэдлэгээ хөгжүүлэхийг эрмэлзэгчдэд хүндхэн сэдвүүдийг ойлгоход хялбар байдлаар бичдэг.
Орчин үеийн уншигчдын сонирхлыг татсан энэ цуврал 700-д сэдвээр бичигдэн гарч, өргөжин тэлж, тогтмол шинэчлэгддэг бөгөөд ямарч ойлголт, сэдвийн товч гарын авлага болно.

190,000 ₮

Амьд байгалийн өвийг дээд эрдэнэс хэмээн шүтэн биширч, хайрлан хамгаалж ирсэн буурал уламжлал, соёл, зан заншлын улбаа монголчуудын хувьд аль эртнээс бий. Гэвч энэхүү улбаа эдүгээ бүдгэрч, баларч тасрах аюулд учраад буй нь харамсалтай. 
Үүр гийхтэй зэрэгцэн гэрийнхээ тооноор харагдах янгир, хажуу бэлд исгэрэх хойлгийн сүрэг цочроохгүйг хичээж эмээ минь тогоо, шанагаа зөөлөн хөдөлгөж, өвөө минь залбирч суудагсан. Тэдний минь хувьд амьтан, жигүүртэн л эрдэнэс байсан юм. Буурлуудын минь гэрт ийм л заншил амьд байж билээ. Их Алтайн өндөр хөх уулсын дунд төрж өссөн молхи миний бие бээр үүнийг л өвлөж үлдсэн ухаантай. 
Амьтан ба жигүүртэн бүр хэлтэй, дуутай, зан араншинтайг дурдах нь илүүц буй заа. Тэд дурлаж, хосолж, үр удмаа төрүүлж, тэднийхээ гарыг нь ганзаганд, хөлийг нь дөрөөнд хүргэхийн тулд амаргүй зам туулдаг. 
Бурхан тэднийг урлан бүтээж, энэ ертөнцөд эзлэх орон зай, амьдрах нутаг нуга, гол мөрөн, нуур, тэнгис заяажээ. Гэвч орчин цагийн хөгжил дэвшил, дэлхийн дулаарал халуурал, хүмүүний ховдог шуналын уршиг, техник, малын хөлд амьтан, шувуудын амьдрах орчин сүйрсээр байна. Үүнээс улбаалж хөхөө донгодох, гургалдай дуулах, буга урамдах, чоно улих, арслан архирах хүртэл нь цөөрч, шувууд бүжих, дэвэхдээ ч эмээж түгших цаг иржээ. 
Тийм учраас амьтад, шувуудын зовлон зүдгүүрийг хуваалцахыг эс хүсвэл homo sapiens өөрөө мөхнө. Монголд хонь, ямааг чоно зооглоход харамсаж эмгэнэдэг мөртөө янгир, аргаль буудаж хүртэхдээ нууцхан баясдаг нь хоржоонтой. 
Гэтэл Кени, Танзани, Намиби, Өмнөд Африк, мөн Канад, Америк, Японд бол амьд байгаль, түүний өвтэй харьцах ойлголт, хандлага, соёл нь олон нийтийн ухамсар, аж амьдралын хэв маяг болж тогтсон байна. 

55,000 ₮

Энэхүү ном нь менежментийн хувьсан өөрчлөгдөж буй ертөнцийг энгийн, график аргаар тайлбарлана. Мөн менежментийн онолын үүсэл гарлыг өгүүлж, төрөл бүрийн арилжааны, ашгийн бус, төрийн байгууллагын жишээгээр дамжуулан менежментийн олон төрлийн үүрэг хариуцлагыг судална. Зорилго нь оюутан сурагч хийгээд хүсэл эрмэлзэлтэй хувь хүмүүст менежмент гэж юу болох, хэрхэн ажилладгийг ойлгоход нь туслах юм.

59,000 ₮

Шинжлэх ухааны товч түүх номын зохиогч Билл Брайсон энэ удаа биднийг хүний бие хэмээх гайхамшигт аялалд урьж байна. Өөрийн биед эзэн болсон хүн болгон эл номыг Бхайсоны адал явдалт тайлбартайгаар уншиж танилцах хэрэгтэй. 

48,000 ₮

Логик: Логикийг хүмүүс философитой тийм ч холбоотой биш, тэр тусмаа амьдралаас маш тасархай зүйл гэж боддог. Логик: Тун товчхон танилцуулга ном нь энэхүү ойлголт огт буруу гэдгийг харуулах болно. Эл ном логикийн философийн суурийг харуулахын хамт орчин үеийн логик хэрхэн Бурхан байдаг уу гэх асуултаас авхуулаад магадлалын онолын дотоод зөрчлүүд, шийдвэр гаргалтын онолуудыг ч авч үздэгийг харуулна. Тэгэхдээ логикийг хэт мэргэжлийн биш энгийнээр тайлбарлах ба логик бол орчин үеийн философийн нэг хэсэг бөгөөд асар хүчирхэг салбар гэдгийг үзүүлдэг.

12,000 ₮

Тоглоомын онолыг орчин үед олон салбарт хэрэглэж байна. Тухайлбал, улс төрийн шинжлэх ухаанд гэхэд улс төрийн хүчин сонгуулийн сурталчилгаа хэрхэн, хэнд зориулан чиглүүлж явуулбал илүү их дэмжлэг авч өрсөлдөгчөө ялах магадлалтай эсэхийг шинжилдэг. Бизнесийнхэн өрсөлдөгчийнхөө шийдвэрийн боломжит хувилбаруудыг судлахад хэрэглэдэг.

20,000 ₮