“Легал дата”-аас сонгуульд оролцогч улс төрийн нам, эвсэл, нэр дэвшигч, тэдгээрийн сонгууль эрхэлсэн байгууллага, хуульч нарт зориуулсан “Монгол Улсын Их Хурлын 2024 оны ээлжит сонгууль: Эрх зүйн баримт бичиг, хууль хэрэглээ” бүтээлийг эрхлэн гаргалаа.

Уг бүтээлд сонгуулийн харилцаанд оролцогчдод өдөр тутам зайлшгүй хэрэглэгдэх хууль тогтоомж болоод холбогдох журам, маягт загварууд цөм нэг дор багтсан бөгөөд сонгуулийн хэрэг маргаан шийдвэрлэсэн шүүхийн шийдвэрийг унших боломжтой. Түүнчлэн сонгуулийн тухай хууль тогтоомжоор хориглосон үйлдэл, эс үйлдэхүйн жагсаалт, хүлээлгэх хариуцлага, маргаан хянан шийдвэрлэх харьяаллыг гаргаж, Зөрчлийн тухай хуультай харьцуулсан болно.

Энэхүү эмхэтгэлийг гаргахдаа хэрэглэгч таны хэрэглээний хялбар байдлыг харгалзан тухайн хуульд өөр хуулиас иш татсаныг ишлэлээр, хууль бүрийн “бүлэг”-ийг хуудасны дугаараар хайх боломжтой байдлаар, сонгуулийн харилцаанд хэрэглэгдэх “маягт, загвар”-ын тухайд татан авч, нөхөх шаардлагатай тул QR кодыг уншуулан албан ёсны эх сурвалжаас татах боломжтой байдлаар оруулснаар онцлогтой.

Ямаач Одонхүүгийн Мөнхсайхан нь МУИС-ийн Хууль зүйн сургуульд профессор, МУИС-ийн Үндсэн хуулийн эрх зүйн хүрээлэнгийн захирлаар ажилладаг. Үндсэн хуулийн эрх зүй, хүний эрх, шүүх, хуульчийн ёс зүй, эрх зүйн болон улс төрийн философийн чиглэлээр хичээл зааж, судалгаа хийдэг. Мэргэшсэн чиглэлээрээ хууль тогтоомжийн төсөл боловсруулахад оролцож, шүүгч, хуульч болон иргэдэд сургалт явуулж, байр сууриа нийтэд тогтмол илэрхийлж ирсэн. Сүүлийн 10 жилд өдөр тутмын сонин, вэбсайтад 100 гаран ярилцлага, нийтлэл хэвлүүлснээс сонгон энэ номд эмхэтгэж уншигч танаа толилуулж байна. 

Төрийн чадамжийг бүрдүүлэх гэдэг нь төрд эрх мэдлийг төвлөрүүлэхээс ялгаатай. Төрийн чадамж бол төрийн байгууллагуудын чадамж юм. Байгууллагын чадамж гэдэг бол тухайн байгууллага анх байгуулагдсан зорилгодоо хүрч ажиллах чадвар юм. Тиймээс ч энэ утгаараа төрийн чадамж иргэдийнхээ хүсэл тэмүүлэлд чиглэдэг. Харин эрх мэдлийн төвлөрөл тэгэх албагүй тул энэхүү хоёр ойлголтыг салгаж ойлгож гэмээнэ та бид нэг зүгт харах вий.  

"Эрх зүйн философи" нь эрх зүйн шинжлэх ухааны онол, арга зүйн үндэс учраас XYIII зууны үеэс өнөөг хүртэл эрх зүйн сургалтын онолын заавал судлах судлагдахуун байсаар байна. "Эрх зүйн философи" нь эрх зүйн асуудлыг философийн аргаар шийдвэрлэх арга зүйн судлагдахууны хүрээнд хөгжихөөс гадна хүчин төгөлдөр мөрдөж буй хуулийг онолын хувьд цогцоор нь ойлгож, практикт үр дүнтэй ашиглах зорилгоор шинжлэх ухааныг үндэслэлтэй судлах тогтолцооны хүрээнд аналитик шинжлэх ухааны үүднээс хөгжиж байна. 
Хууль зүйн ухааны доктор, проф.О.Мөнхсайханы "Эрх зүйн философи"-н сурах бичиг нь агуулга, арга зүйн хувьд орчин үеийн эрх зүйн шинжлэх ухааны онолын судлагдахууны түвшинд бичигдсэнээрээ онцлог, ач холбогдолтой юм. Энэхүү бүтээл нь сургалтанд хэрэглэгдэхээс гадна судалгааны онолын эх сурвалж болно гэдэгт итгэлтэй байна. 
Эрх зүйн шинжлэх ухаан шударга ёсны урлаг болон хөгжиж, эрх зүйч, хуульчид хүний эрхийг дээдэлсэн гэгээлэг ертөнцийн бурхад нь болох ариун үйлсэд шавийн минь оюуны мэлмий тунгалаг, эрдмийн үйлс нь дэлгэрч байх болтугай!
Доктор, профессор Х.Сэлэнгэ

Бодит түүх /социализм, ардчилал, боловсрол, нийгмийн өөрчлөлт, шударга бус байдал, жиргээ ба шоронгийн тухай/

Улс төрийн гүн ухааныг хүмүүст сонирхолтой, ойлгомжтой тайлбарлах зорилт тавьж, аль болох энгийн хэллэгээр, гэхдээ шинжлэх ухааны үнэнийг гуйвуулалгүйгээр бичигдсэн. Шинжлэх ухааны бүтээлүүдийг зэврээж буй онолын нэр томьёог үл хэрэглэн харьцангуй хийсвэр ойлголтуудыг тайлбарласан бүтээл.