Өөртөө туслах, хувь хүний хөгжил

Сэтгэл судлаач Даниэл Канэман, ахуй амьдралын алив нөхцөлөөр жишээлэн сэтгэхүйн эдгээр адармаатай үйлдлийг нарийн шинжилж, тодорхой дүгнэснээр эл бүтээлээрээ эдийн засгийн салбарт Нобелийн шагнал хүртжээ.
Аливааг таньж мэдэх, сэтгэн бодох нь тун ч адармаатай үйл явц билээ. Бусадтай харилцахдаа бид юунд уягдаж, юунд тулгуурладаг вэ? Хүндхэн нөхцөл байдалд оюун ухаан яаж ажиллаж, ямар шийд гаргадаг вэ? Ямар үед зөн совиндоо итгэж, ямар үед дотроо бодолтой, доороо суурьтай хандвал дээр вэ? Алдагдалд орох нь ашиг олохоос илүү хүчтэй мэдрэмж төрүүлдэг нь ямар учиртай вэ? Амжилт бүтээлтэй яваа нэгэн ямар учраас түүнийгээ хадгалж чадахгүй эргээд дундаж түвшин рүү буудаг вэ? Хүн оюун ухаанаараа "өнгөрсөн"-д амьдраад байна уу, аль эсвэл "одоо"-доо байна уу? ...

28,000 ₮

Эмх цэгцийн зохион байгуулалттай дэвтэр: 
- Хуульчийн зорилго, долоо хоногийн төлөвлөгөө, 
- Хэргийн тэмдэглэл, хууль зүйн дүгнэлт, ярилцлагын тэмдэглэл
- Хуулийн байгууллагын мэдээлэл
- Хуулийн англи, монгол тольтой 
Арьсан зөөлөн хавтас, А5 хэмжээ, өнгөт хуудастай.  

29,000 ₮

Орчин цагт аль ч салбарт асуудлыг шийдэх нь олон талт үйл ажиллагаанаас хамаарах бөгөөд үр дүнд нь ажилтны бүтээмж нэмэгдэн, байгууллагын өрсөлдөх чадвар сайжирч байдаг. Бүтээмжийг нэмэгдүүлэхийн тулд хэрэгцээгүй ажлыг багасгаж, оновчтой төлөвлөлт, удирдлагын орчин үеийн арга зүй, аргачлалуудыг хослуулан ашиглах нь зүйтэй. Өмнөхөөсөө суралцаж илүү их туршлага, мэдлэг хуримтлуулж асуудлыг урьдчилан шийдэх нь удирдлагын менежментийн ур чадвараас ихээхэн хамаардаг. Өөрөөр хэлбэл менежмент гэдэг бол “Асуудлыг шийдэх ухаан” юм. 
Асуудлууд цаг ямагт өнгөрсөн ба одоог харгалзахгүй гарч ирдэг байдаг учраас удирдлагын багийн зүгээс бизнесийн үйл ажиллагаандаа тасралтгүй шинэчлэл хийж, урт хугацаанд тогтвортой хөгжлийг хангах зайлшгүй шаардлагатай тулгардаг. Орчин үед удирдлагын менежмент нь тусгайлан мэргэжил болсон төдийгүй харьцангуй залуу шинжлэх ухааны салбар болон хөгжиж байна. Энэхүү хөгжлийн загварчлалыг тодорхойлоход Эндрю С.Грөүвийн 1983 онд бичсэн Өндөр бүтээмжтэй менежмент ном нь байгууллагын бүтээмжийг нэмэгдүүлэхэд ажилтнуудыг хэрхэн зөв удирдах, асуудлыг удирдлагын өнцгөөс биш хамт олны саналд үндэслэн хэрхэн оновчтой шийдвэр гаргах, багийн оролцоог хэрхэн нэмэгдүүлэх талаар өөрийн олон жилийн туршлага арга барилд үндэслэж тайлбарлан бичжээ. 
Зохиогчийн өгүүлсэн гол санаа нь асуудлыг таньж мэдэхийн тулд шалтгааныг зөв тодорхойлох чухал хэрэгтэй гэж үзсэн. 

37,500 ₮

Хүн төрөлхтөн үүссэн цагаас эхлэн бидний өдөр тутмын амьдралд ихээхэн байр суурийг эзэлж буй нэг зүйл бол хоол гэдэгтэй бүгд санал нийлэх байх. Хүн эрүүл зөв, урт удаан наслахын үндэс нь амьдралын зохистой хэмнэл, дадал тэр дундаа хооллох хэв маягаас ихээхэн хамааралтай болохыг олон судалгаа, баримтуудаар нотолсон байдаг. 
Мөн дэлхий нийтийн дунд өсөн нэмэгдэж буй халдварын бус өвчлөлөөс урьдчилан сэргийлэх, өвчнийг хүндрүүлэхгүй байх, тухайн өвчтөний амьдралын чанарыг дээшлүүлэх зэрэг нь хоол, шим тэжээлийн мэдлэг, мэдээлэл, хооллох арга барил, хоол хүнсний сонголтоос хамааралтай гэдгийг ч дурдсан нь бий. 
Амьдралын буруу хэв маягаа өөрчлөж чадвал зүрх судасны өвчлөл, нас баралтыг 80 хувь, хорт хавдрын тохиолдлыг 40 хувь, чихрийн шижинг 90 хувь хүртэл бууруулж, чихрийн шижинд эрсдэлтэй хүмүүсийг өвчлөхөөс 58 хувь сэргийлэх боломжтой гэж үздэг. 

25,000 ₮

Хятадын өнөөгийн удирдагч Си Жиньпингийн талаар судлахдаа “үнэнийг бодит байдлаас хайх” зарчмыг баримталсан юм.
Бид Си Жиньпинг магтан мандуулах, эсвэл муучлан гутаахыг оролдсонгүй. Аль болох байгаагаар нь, бодитой харуулахыг хүслээ. Ингэхдээ түүний хэлсэн үгс, намтар түүх, баримталдаг бодлогын талаарх боломжит эх сурвалжууд болон Хятадын тухай ярилцлага, сурвалжилгад тулгуурлав. Өнөө үеийн дэлхий ертөнцөд хамгийн хүчирхэг яваа энэ эрхмийг хэрхэн дүгнэхээ та өөрөө шийдээрэй.

35,500 ₮

Гэмт хэрэгт холбогдож байгаа хүүхдүүдийн гэмт хэрэг үйлдсэн шалтгаан нөхцөлийг судалж үзвэл ажилгүйдэл, ядуурал, эцэг, эхийн хараа хяналт, сургууль завсардалт, хуулийн мэдлэг дутмаг гэх зэрэг олон зүйлүүд гарч ирэх боловч тухайн хүүхдийн оюун санааны хувьд авч үзвэл ихэнх нь нийгэмд аюултай, сөрөг үзэл бодол төлөвшиж тогтсоноос шалтгаалдаггүй, харин тухайн үеийн нөхцөл байдал, өөрийн үйлдлийн үр дагавар, учир холбогдол, хор уршигийг зөвөөр үнэлж, бүрэн ойлгоогүй, гэнэн томоогүй хөнгөмсөг хандлагаас болж гэмт хэрэгт холбогдсон байдаг. Иймд насанд хүрээгүй хүүхдүүдэд хуулийн мэдлэг олгох нь таны хүүхдийг гэмт хэрэгтэн болохоос, таны хүүхэд өөрийнхөө ирээдүйг баллахаас сэргийлэх нэгээхэн алхам болох юм. 

15,000 ₮

Энэ номноос та сургуульд элсэхийн тулд бүрдүүлдэг материалууд, тэдгээрийг бэлтгэх зөвлөгөө, 25.000 долларын тэтгэлэг хожсон миний "ЭССЭ", англи хэлийг Америкт очихоос өмнө сурах нууц, Америкийн визний ярилцлаганд ороход Монголчуудын гаргадаг нийтлэг алдаа, анхаарах зүйлс зэрэг олон сонирхолтой мэдээлүүдийг унших болно.

26,000 ₮

Энэхүү ном бол нэг талаас хөгжлийн гарц хайсан эрэл, нөгөө талаас Монгол Улсад нүүрлээд буй манлайллын сорилтыг тодорхойлж, гарц гаргалгааг томьёолохыг зорьсон бүтээл юм. Хөгжил гэдэг мэдээж олон хувьсагчтай тэгшитгэл боловч тэдгээрээс сонгон БАЯЛАГ, МАНЛАЙЛАЛ, ЭДИЙН ЗАСГИЙН ӨРСӨЛДӨХ ЧАДВАР гэсэн гурван сэдвийн хүрээнд хөгжлийн тухай өөрийн бодол, эргэцүүлэмжээ бичсэн бүтээл юм.
“Тагтан дээр” гэдэг нь Харвардад өргөн хэрэглэдэг хэлц үг бөгөөд завгүй байдлаасаа түр гарч, өөрийгөө чөлөөлөн, нөхцөл байдлыг хөндлөнгөөс эргэцүүлэн дүгнэх бодит алхмыг илэрхийлж байгаа юм. Ихэнх удирдагч, эрх мэдэлтнүүд завгүй байдлаасаа гарч, эргэцүүлэн бодох боломжийг өөртөө олгоогүйгээс үүдэн орчноо, хамт олноо, улс орны нөхцөл байдлыг буруу дүгнэж, алдаатай шийдвэр гаргах нь элбэг тохиолддог. Өөрөөр хэлбэл, бүжгийн талбайгаас холдож, тагтан дээр үе үе гарч, орчноо хөндлөнгөөс ажиглах нь удирдагчийн хамгийн чухал дадал юм.

22,000 ₮

Монголын үе үеийн хаадын хүсэл бодлын туг сүлд болсон тусгаар тогтнолоо гэж амиа тавьж явдаг ухаант мэргэдийг толгой дараалан баривчилж, тортой шорон цоожтой касчерт хийсэн 30-аад оны үе таны өмнө амилах болно.
Монголын уран зохиолд тэр бүр дүрслэгдэж байгаагүй Оросын улаан армийн 505-р армийн гунигт амьдрал, таравган тахалд нэрвэгдсэн гунигт хот айлын ирээдүйн бүрхэг төлөв, тэр бүгдийн эсрэг амь хайргүй тэмцэж буй багш, шавь хоёр эмчийн хувь тавиланг та унших ажээ.
Эл романы үйл явдал хурц, дүр дүрслэл тод болсон тухай Ц.Хасбаатар, Х.Сампилдэндэв нар нэг бус удаа талархан тэмдэглэж, бүхэл бүтэн роман шүлэглэж бичсэн хэл найруулга жигд сайн, үгийн сонголт, дүрийн чанар амьдлаг сонин болсон гэж судлаачид дүгнэсэн байна.
 бүтээл нь Дамбын Төрбатын "Тэнгэрийн соёрхол" 12 боть романы 7-р боть юм.

6,000 ₮

 Ном youtube суваг хослуулан хөгжилтэй аргаар англи үг цээжлэх нууцыг танд дэлгэж байна. 30 секунд тутамд нэг англи үг хэзээ ч, бүр хэзээ ч мартахгүйгээр цээжилцгээе.

18,000 ₮

Дан ганц үг цээжлэх нь нэг талаар явцгүй. Тухайн үг өгүүлбэрт ямар байдлаар орсон байна, тухайн нэр үг, тэмдэг нэр, үйл үг ямар хэлбэрээр, ямар утгаар хэрэглэгдэж байна гэдгийг мэдэх нь чухал байдаг. Иймд уг номонд тухайн англи үг орсон, өгүүлбэр мөн түүнийг орчуулсан монгол орчуулгыг хамтатган бичсэн болно.
Та энэхүү номыг хэрэглэснээр өөрийн хүссэн хэмжээгээрээ англи хэлний үгсийн санг цээжлэх боломжтой болох бөгөөд «өдөрт 10 үг л цээжлэе!» гэсэн хөөрхийлөлтэй бодлоосоо салж цагт 100 үгс хэзээ ч мартахгүй байдлаар цээжлэх бүрэн боломжтой боллоо.

20,000 ₮

Энэхүү ном бол яагаад би өөрийгөө өчүүхэн гэж бодох болсон, мөн юу намайг өчүүхэн нэгэн болгосон бэ гэдэг эргэлзээтэй асуултын хариулт юм.
Та энэ номыг уншсанаар дараах чадварт суралцах болно.
- Хэн нэгний үгэнд үл автах
- Өөртөө шалтаг тоочихоо болих
- Хэний ч амьдрал төгс биш гэдгийг ухаарах
- Зүрх үхсэн мэт даруу биш байх
- Хэцүү бэрх үед хэцүү байна гэдгээ хэлэх
- Бүх хүнд өөрийгөө ойлгуулах гэж хичээхгүй байх
- Өөрийн аз жаргалдаа санаа тавих 
Байгаагаараа байгаа өөрийгөө хайрлаарай.

20,000 ₮

Дэлхийн хамаг л өнгөтэй өөдтэй яваа хүн болгоны ард нэгэн хачин жигтэй амьтан байх бөгөөд амжилтад хүргэх бүхий л заавар зөвлөмжийг хэлж өгч заадаг байна. Аз дайрч ажил, амьдралдаа нэг л сэтгэл дундуур яваа нэгэн залуу дээр хүрэлцэн ирснээр тэр хоёрын хөгжилтэй, ууртай, сэтгэл хөдлөм адал явдалтай өдрүүд өрнөх болно. Өдөр болгон амжилтад хүргэх гайхалтай зөвлөгөөг хэлэх бөгөөд заавал дагаж мөрдөх гэрээ байгуулснаар энэхүү гайхалтай ном эхэлдэг.

20,000 ₮

Англиар энгийн нэг ярих бус гайхалтай илтгэл толилуулж, бусдыг байлдан дагуулсан эсээ бичиж, ярилцлагад шалгарах гоёмсог аргыг энэ ном танд танилцуулах болно. Танд тийм ч их хэлний мэдлэг шаардлагагүй, зүгээр л БӨӨСНИЙ ДҮРЭМ-ийг ашиглаад үзээрэй.

20,000 ₮

"Монгол нууц товчоо" бол Монголын их хаадын угсаа гарал, монголчуудын ахуй амьдрал, үндэсний түүх, хэл бичиг, утга соёл, ардын аман зохиол, бөө мөргөл, зан заншлын нэвтэрхий их толь, монгол хэлний үгийн урлагийн сонгодог бүтээл, тал нутгийн анхилам үнэр нэвт шингэсэн түүх, он дарааллын бичиг юм. XIII зууны үеийн монголчуудын ахуй амьдралын хэв маяг, эзэн Чингис хаан болоод Их Монгол улсын түүхийг уран зохиолын хэллэгээр бичсэн хосгүй нандин судар юм. 

Монгол туургатны түүх, утга соёл, үгийн урлагийн гайхамшигт дурсгал “Монголын нууц товчоо” нь дэлхийн эртний сонгодог уран бүтээл болох  Оросын Игорийн хорооны дууль, Грекийн  Иллиада Одиссей, Францын  Ролландын  дуулал зэрэг бүтээлтэй эн дүйцэхүйц ховор бүтээл мөн хэмээн  эрдэмтэн судлаачид үнэлдэг билээ.

“Монголын нууц товчоо” ном нь их эзэн Чингис хаан  төр улсаа  байгуулсан  түүхийн  үнэт чанарыг гаргасан  онцгой бэлэг дурсгалын бүтээгдэхүүн юм.

25,000 ₮

Ой тогтоолтын аргаар Япон ханз-шинэ үг цээжлэх аргачлал
700 шиг зураг, 1000 шинэ үгс, 234 ханз

20,000 ₮

Нүүр бол биеийн салшгүй нэг хэсэг, бүгдэд ил харагддаг. Хувцас биеийг гоёох ч, нүүрээрээ л би хүнд танигдана. Царайлаг хүмүүст илүү боломж олддог талтай. Зарим нэг нь хөөрхөн, царайлаг одуудыг шүтэн биширч, эхээс төрсөн царайг голж, төгс төгөлдөр гоо сайхны араас “ухаан жолоогүй” хөөцөлдөнө. Хүн бүр нүүр царайгаа л гэнэ. Нүд яагаад бүлцийх болов? Нүүрэнд үрчлээ суудгийн учир юу вэ? Хамрын үзүүр яагаад унжих болов? Буйл яагаад шамардаг вэ? Шүднүүд яагаад хөдлөөд байна? Үс яагаад унадаг вэ? Нүүрээ эрүүл чийрэг хадгалахын тулд яах ёстой вэ?
Нүүр таны нэг хэсэг. Царай таныг илэрхийлнэ. Нүүр царайтайгаа танилцацгаая!

28,000 ₮

Делл Технологи компанийг үндэслэгч, ерөнхий захирал Майкл Делл удирдагч болох замд нь тохиолдсон ялалт, саад болон дэлхийн лут том компанийн цаадах хүсэл тэмүүллийн талаар өгүүлжээ. 
Техникийн мэдлэгтэй, бизнес тэмүүлэлтэй хэн ч аугаа зүйл бүтээж чадах боловч хүрсэн амжилтаа яаж хадгалах вэ гэдэг том асуудал. Делл Технологи компанийн туулсан: анхны гараа, байр сууриа хадгалах үе, хувьсган өөрчлөх үе гэсэн гурван цаг үеийн сорилт бэрхшээлийн талаарх сэтгэл догдлуулам түүхийг Майкл Делл хуваалцжээ. 
Америкийн хамгийн алдартай компаниудын нэг болох тус компанийн тайзны арыг өгүүлсэн Зөв ажилла, зүтгээд хүр номын хуудас олон жилийн амжилтынхаа дараа санаандгүй хүнд байдалд орсон тэр цаг үеэс эхэлнэ. Тэр цагийн хүнд хэлэлцээр, наймааны завсраар Делл тус салбар хэрхэн асар хурдан хувьсан өөрчлөгдсөнийг дурсжээ. Анх 1984 онд их сургуульд явж байх зуураа ПС компьютерын бизнесээ эцэг эхээсээ нуун эхлүүлж байсан цаг үеэс эхлүүлээд хөрөнгө оруулагчид, компани тоногчид байгуулсан компанийг нь гартаа оруулахыг оролдсон 2013 оны үйл явдлуудыг ч  мөн өгүүлжээ. Хөгжилтэй, даруухан байдлаар Делл хүсэл тэмүүллээ хэрхэн бизнес болгон хувиргахад тусалсан хүмүүсийг болон найз, дайсан, аль аль нь болж хувирсан өрсөлдөгчид болон сул талыг нь ангуучлан эргэн тойрон эргэлдэж байсан шаркуудыг ч цөмийг нь дурсан санажээ. 
Зөв ажилла, зүтгээд хүр ном том сорилтуудтай тулгарсан удирдагчийн хөрөг бөгөөд үүний цаанаас Деллийн хамгийн их эрхэмлэдэг зарчмууд болох: сониучирхал; өөрчлөлт хувьсалд нээлттэй байх явдал; хүмүүс болон технологийн хүч чадалд итгэх гүн итгэл харагддаг.

44,000 ₮


Иогийн шинжлэх ухаан номд хүн иогийн байрлалд орж, хөдөлж, зогсох үед цусны урсгал, амьсгалын шинж чанар хэрхэн өөрчлөгддөг болон иог хийх арга зүйг бодит баримт, тайлбар зургуудаар нэг бүрчлэн  шинжлэх ухаан талаас нь тайлбарлажээ. 

72,000 ₮
Дууссан !

Хүнс, шим тэжээлийн тухай бүрэн ойлголт өгөх иж бүрэн зураглалтай, хамгийн энгийн гарын авлага. 
Ойлгоход хялбар зураг, сонирхолтой баримт агуулсан ХООЛ ХҮНС ном нь  хоол хийх ном биш бөгөөд хүнсний бүтэц, хүнсийг хэрхэн үйлдвэрлэдгээс эхлээд ямар хоол  хүний биед сайн эсэх, цаашлаад хоол хүнсний боловсруулалтын нууцыг танд тайлж өгнө. 

68,200 ₮

Энэхүү ном нь айл өрх бүлд зориулсан эрүүл мэндийн зургаар баяжуулсан хэрэглэхэд хялбар энгийн ойлгомжтой, анагаахын цогц лавлах юм. Гэр бүлийн тань эрүүл мэндэд чухал шаардлагатай мэдээлэл цөм багтсан ба зонхилон тохиолдох өвчин эмгэг түүний шалтгаан шинж тэмдэг эмчилгээг нарийвчлан тайлбарласан. 

145,000 ₮

Энэхүү ном нь менежментийн хувьсан өөрчлөгдөж буй ертөнцийг энгийн, график аргаар тайлбарлана. Мөн менежментийн онолын үүсэл гарлыг өгүүлж, төрөл бүрийн арилжааны, ашгийн бус, төрийн байгууллагын жишээгээр дамжуулан менежментийн олон төрлийн үүрэг хариуцлагыг судална. Зорилго нь оюутан сурагч хийгээд хүсэл эрмэлзэлтэй хувь хүмүүст менежмент гэж юу болох, хэрхэн ажилладгийг ойлгоход нь туслах юм.

59,000 ₮

ЗОХИОЛЧИЙН ҮГ
Энэхүү номыг сонгон уншиж буй уншигч танд баяр хүргэе! Учир нь таны нүдийг нээсэн номын аялал болно гэдэгт итгэлтэй байна. 

Энд бичигдсэн “сэтгэхүйн төөрөгдлүүдийн” өмнө нүдээ нээх нь таны ажил, амьдралд олон эерэг өөрчлөлтүүдийг авчирна. “Сэтгэхүйн төөрөгдөл” гэдэг нь бидний бодож, сэтгэх үед тохиолддог үйл явц бөгөөд логиктой, зөв хэм хэмжээтэй, ул суурьтай бодол, цэгцтэй ухаалаг байдлаас хазайсан системчлэгдсэн хазайлт юм. “Системчлэгдсэн” гэдгээр хааяа нэг гаргадаг төөрөгдөл бус харин бидний байнгын гаргадаг алдаа, үүнийгээ үеэс үед давтдаг гэсэн санааг илэрхийлсэн байна. 

Энд бичигдсэн сэтгэхүйн төөрөгдлүүдийн зарим нь хэдэн зууны турш байсаар ирсэн, харин зарим нь сүүлийн хэдэн жилд гарч иржээ. Заримыг нь хэд хэдэн янзаар нэрлэдэг ч энэ номд нийтлэг хэрэглэгддэг нэрсийг нь ашигласан болно. 

20,000 ₮

Эртний герегчүүдийн мэргэн ухааныг орчин үеийн шинжлэх ухаантай хослуулан тэр Сайхан амьдрах урлаг хэмээх номоо бичсэн нь өмнө нь олон улсад бэстсэллэр болсон Цэгцтэй сэтгэх урлаг номынх нь дараагийн боть болжээ.
Энэ бол аз жаргалтай амьдрахад зориулсан гарын авлага юм. Энэ номд хэрхэн 5 секунд бодоод татгалзахаас авхуулаад алдааг оноо болгох гэх мэтчилэн сайхан амьдрахад туслах 52 зөвлөмж бий. Эдгээр зөвлөмж чамд сайхан амьдрал заавал авчрах болно гэсэн баталгаа байхгүй ч сайхан амьдрах магадлалыг чинь эрс нэмэгдүүлнэ.

20,000 ₮

Өөрчилж чадахгүй зүйлээ хэтэрхий их сонсох нь хүмүүсийг идэвхгүй болгодог. Мэдээ хүмүүсийг залхаасаар хүмүүс эцэстээ идэвхгүй, ирээдүйд итгэх итгэлгүй, золгүй гутранги үзэлтнүүд болдог. Мэдээж хүн бусдад туслахыг хүсэж дэлхий ертөнцийг сайхан газар болгохын төлөө хичээлгүй яах билээ. Гэвч бидний цаг хугацаанд хязгаар бий. Дэлхийн нөгөө талд байгаа галт уулын тэсрэлтээс бид яаж хүмүүсийг сэргийлэх юм бэ? Бас тэгээд террорист халдлага, өлсгөлөнгөөс ? Энэ бүх золгүй үйл явдлын тухай мэдээг бид тэдэнд тусалж огт чадахгүй нь гэдгээ мэдэж байгаа хэрнээ л үздэг.

Үйлдэл хийх боломжгүй үйл явдлуудын талаар ийм их мэдээлэл авах үед тархи хар аяндаа золгүй хохирогчийн дүрд тоглож эхэлдэг. Ямар нэг үйлдэл хийх ёстой гэсэн импульс, төрөлх зөн совингууд маань унтарч эхлэх ба хүмүүс идэвхгүй болдог. Шинжлэх ухаанд үүнийг “олдмол сулбагар байдал” гэж нэрлэнэ.

20,000 ₮

Менежмент бол хамгийн сонирхолтой, үр өгөөжтэй мэдлэгийн салбаруудын нэг юм. Хувь хүн, байгууллага, аж ахуйн нэгжийн амжилт нь зорилтот үр дүнд хүргэж чадахуйц менежментээс шууд хамаардаг. Нийгмийн бүхий л салбар дахь нэр алдартай хүмүүсийн үйл хэрэг менежментийн мэдлэгийн нөлөөгөөр хэрхэн өсөн дэвжиж ирснийг бид энэхүү номд ишлэгдсэн алдартнуудаас харж болно. Мөн менежментийг зөвхөн өөртөө тохируулан, үр дүнтэй хэрэгжүүлэхэд эдгээр хүмүүсээс их зүйл суралцах боломжтой. 

Нийгмийн аль салбарт, хэр нөлөөтэй оролцож, ямар зорилгод хүрэхээр тэмүүлэх нь зөвхөн танаас шалтгаална. Харин аль ч тохиолдолд менежментийн мэдлэг зайлшгүй хэрэгтэй. Энэхүү номд дурдагдах олон ч жишээнээс та менежмент бол зөвхөн эдийн засгийн салбарт хэрэгтэй, түүнд хамааралтай зүйл биш болохыг олж харна. Төрөл бүрийн салбарт амжилт гаргасан олон хүн менежментийн мэдлэгийг өөрсдөө ч анзааралгүй авч хэрэгжүүлсэн байдаг. Энэхүү номыг уншсанаар та амжилтад хүрэхийн тулд чухам юунд анхаарлаа хандуулах ёстойг олж мэдэх болно.

25,000 ₮