Номын танилцуулга

Гэмт хэрэгт холбогдож байгаа хүүхдүүдийн гэмт хэрэг үйлдсэн шалтгаан нөхцөлийг судалж үзвэл ажилгүйдэл, ядуурал, эцэг, эхийн хараа хяналт, сургууль завсардалт, хуулийн мэдлэг дутмаг гэх зэрэг олон зүйлүүд гарч ирэх боловч тухайн хүүхдийн оюун санааны хувьд авч үзвэл ихэнх нь нийгэмд аюултай, сөрөг үзэл бодол төлөвшиж тогтсоноос шалтгаалдаггүй, харин тухайн үеийн нөхцөл байдал, өөрийн үйлдлийн үр дагавар, учир холбогдол, хор уршигийг зөвөөр үнэлж, бүрэн ойлгоогүй, гэнэн томоогүй хөнгөмсөг хандлагаас болж гэмт хэрэгт холбогдсон байдаг. Иймд насанд хүрээгүй хүүхдүүдэд хуулийн мэдлэг олгох нь таны хүүхдийг гэмт хэрэгтэн болохоос, таны хүүхэд өөрийнхөө ирээдүйг баллахаас сэргийлэх нэгээхэн алхам болох юм.