Цагдаа ба Хүний эрх хамгаалагчид

Эмнести Интернэшнл

Гарын авлага & Аргачлал

Үндсэн хуулийн эрх зүй, Захиргааны эрх зүй

Дэлхий даяар хүний эрх хамгаалагчид үйл ажиллагаагаа явуулахдаа хэв журам сахиулахтай холбоотой асуудалд анхаарал хандуулж, цагдаатай харилцах нь нэмэгдсээр байна. Тухайлбал, хүний эрх хамгаалагчид цагдаагийн ажиллагаанд өртсөн хүмүүсийн эрхийг хамгаалахын тулд цагдаагийн үйл ажиллагаанд хяналт тавих нь нэмэгджээ. Хэв журам сахиулах нь нарийн төвөгтэй ойлголт бөгөөд цагдаагийн үйл ажиллагаанд учрах хүндрэл бэрхшээл, эрсдэлийн талаарх хангалттай мэдлэг, ойлголтгүй байх нь хүний эрхийг хамгаалчдын нэр хүнд, үйл ажиллагааны үр нөлөөг бууруулж, өөрсдийнхөө аюулгүй байдал, түүнчлэн эрх зүйн хамгаалалт шаардлагатай байгаа бусад иргэдийн эрхэд хохирол учруулахыг үгүйсгэхгүй. Энэхүү гарын авлагын зорилго нь хэв журмыг сахиулахтай холбоотой харилцаанд хэрхэн ажиллах талаарх шинэ, туршлага багатай хүний эрх хамгаалагчдын чадавхийг нэмэгдүүлэхэд оршино. Түүнчлэн өөрт болон бусдад тохиолдож болох аливаа эрсдэлийг бууруулах, түүнээс зайлсхийх, хэв журам сахиулахтай холбоотой хүний эрхийн асуудлыг хэрхэн үр дүнтэй гаргаж тавих вэ гэдгийг авч үзэв. Хүний эрхийн байгууллагууд хэв журам сахиулахтай холбоотой асуудлаар хамгаалагчдад сургалт явуулах, сургалтын агуулгаа боловсруулахдаа энэхүү гарын авлагыг удирдамж болгон хэрэглэх боломжтой бөгөөд туршлагатай хүний эрхийн хамгаалагчид ч шинэлэг, сонирхолтой мэдээллийг олж авна хэмээн итгэж байна. Гэхдээ, тухайн асуудлын нарийн төвөгтэй байдал, улс орнууд хоорондын ялгаа, хүний эрх хамгаалагчдын үйл ажиллагаа явуулж байгаа орчин нөхцөл зэргээс хамааран энэ гарын авлагад дурдсан зүйлс нь цагдаатай харилцахдаа анхаарвал зохих бүрэн төгс зөвлөмж, шийдэл биш болохыг уншигч та анхаараарай. Түүнчлэн хүний эрх хамгаалагчид цагдаагийн хууль бус үйл ажиллагаанаас өөрсдийгөө хамгаалах аюулгүй байдлын гарын авлага биш болохыг онцлон тэмдэглэж байна.

Хүний эрх хамгаалагчид ба цагдаа хууль хэрэгжүүлэх, Цагдаа хүний эрхийг зөрчигч болох, Цагдаа хамгаалагч болох, Үр дүнтэй яриа хэлэлцээ хийх нь: Боломж ба Сорилтууд

2018-05-12

54

Монгол

Бүрэн эхээр нь үзэх

2021-10-14

3843

28

56

Эмнести Интернэшнл “Цагдаа ба Хүний эрх хамгаалагчид” (2018), ... дахь/дэх тал. Legaldata-аас унших боломжтой: https://legaldata.mn/b/1071

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх