Аналоги ба хүний эрхийн хамгаалалт: иргэний хэргийн шүүн таслах ажиллагааны хүрээнд

Даваагийн Мягмарсүрэн

Б.Чимид багшийн нэрэмжит 13 дахь удаагийн шилдэг илтгэлийн уралдааны судлаачдын салбарт Гуравдугаар байрт шалгарсан илтгэл

Эрдэм шинжилгээний өгүүлэл

Иргэний эрх зүй, Иргэний процессын эрх зүй

Энэхүү судалгааны ажлаар шүүх аналогийг хэрхэн хийх, түүгээр дамжуулан хүний эрхийн хамгаалалтыг тэлж, эрх зүйг хөгжүүлэх бүрэн боломжтой гэдгийг жишээн дээр нотолж, харуулах болно. Ингэхдээ силлогизм, аналоги, эсрэг дүгнэлт гэх формаль логикийн оюун дүгнэлтийн хэлбэрүүдийг практик хэрэглээн дээр авч үзэв. Үүнд:

(1) Силлогизмын мухардал яагаад аналоги хэрэглэхийг шаарддаг тухай:
F1: А-ийн үхэр (S) Б -гийн байшингийн цонхийг хагалсан (M).
F2: Амьтны үйлдлээс хүний амь, эрүүл мэндэд учирсан гэм хорыг (M!!)
тухайн амьтны өмчлөгч буюу эзэмшигч хариуцна (R) [ИХ-ийн §501.1].
E: Иймд А үхрийн эзэн (S) тул гэм хорыг хариуцна(R)!!!.

(2) Доорх схемд үндэслэн аналоги хийх аргачлалыг хууль хэрэглээний үүднээс хэрхэн ойлгож, хэрэглэж болох талаар авч үзэв:
Аналоги:
F1: Px, Py, Pc ... шинжтэй
F2: Px, Py, Pz ... ба Q шинжтэй
Rn: Px, Py бол Q-ийн шалтгаан
E : Иймд F1 нь Q шинжтэй.

Эсрэг дүгнэлт:
F1: Px, Py, Pc ... шинжтэй
F2: Px, Py, Pz ... ба Q шинжтэй
Rn: Pz бол Q-ийн шалтгаан
E : Иймд F1 нь Q шинжтэй гэж үзэхгүй.

(3) Аналоги хийх аргачлалын дагуу “шалгагдаж байсан хэрэг нь хэрэгсэхгүй болж, цагаатсан яллагдагч эрүүгийн процессын явцад учирсан сэтгэл санааны хохирлоо мөнгөөр нөхөн төлүүлэх шаардлага бүхий хэрэг”-ийг шийдвэрлэсэн УДШ-ийн тогтоолуудад дүн шинжилгээ хийх замаар аналогийн АЧ ХОЛБОГДОЛ, АРГА ЗҮЙГ кейс дээр харуулна. Ингэхдээ ИХ-ийн §511.1 дэх хэсгийн зохицуулалт нь алдар хүндэд төдийгүй тус хэрэгт хэрэглэгдэнэ гэсэн байр суурийг хамгаалах болно.

Тус судалгааны сэдэв нь хууль хэрэглээний ойлголтод маань гэгээ нэмсэн маш чухал ач холбогдолтой байсан гэдгийг судлаачийн хувьд онцолж тэмдэглэе.

аналоги, эсрэг дүгнэлт, силлогизм, үндэслэгдсэн шийдвэр, хууль үгүй бол эрх
үгүй, эрх зүйн хамгаалалт, эрх зүйн хийдэл, хэм хэмжээг төсөөтэй хэрэглэх

2021-12-30

10

Монгол

Бүрэн эхээр нь үзэх

2022-01-12

3971

47

41

Д.Мягмарсүрэн “Аналоги ба хүний эрхийн хамгаалалт: иргэний хэргийн шүүн таслах ажиллагааны хүрээнд” (2021), ... дахь/дэх тал. Legaldata-аас унших боломжтой: https://legaldata.mn/b/1150

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх