Монгол Улсын Үндсэн хуулийн цэц эсхүл Монгол Улсын шүүх НҮБ-ын Хүний эрхийн түгээмэл тунхаглалыг хэрэглэх эрх зүйн үндэс бий юу?

Алимаа Мандуул

Эрдэм шинжилгээний өгүүлэл

Үндсэн хуулийн эрх зүй, Шүүх эрх мэдэл, Олон Улсын нийтийн эрх зүй

Монгол Улсын Үндсэн хуулийн цэц, Улсын дээд шүүх, Анхан болон Давж заалдах шатны шүүх хэрэг, маргааныг шийдвэрлэхдээ Монгол Улсын соёрхон баталсан, нэгдэн орсон олон улсын гэрээг шууд хэрэглэх эрх зүйн үндсийг 1992 оны Монгол Улсын Үндсэн хуульд хуульчилсан. Үүний дагуу шүүхийн байгууллагууд хүний эрхтэй холбоотой хэрэг, маргааныг шийдвэрлэхдээ 1946 оны НҮБ-ын Хүний эрхийн түгээмэл тунхаглалыг Монгол Улсын олон улсыг гэрээ хэмээн үзэж хэрэглэдэг практик бий болсон байна. Хэдийгээр Монгол Улсын шүүх Монгол Улсын олон улсын гэрээг хэрэглэх эрхтэй боловч НҮБ-ын Хүний эрхийн түгээмэл тунхаг олон улсын гэрээ биш бөгөөд хууль зүйн хувьд заавал даган биелэгдэх шинжгүй баримт бичиг юм. Иймээс Монгол Улсын шүүх хүний эрхтэй холбоотой хэрэг маргааныг шийдвэрлэхдээ НҮБ-ын Хүний эрхийн түгээмэл тунхаглалыг олон улсын гэрээ хэмээн үзэж хэрэглэх эрх зүйн үндэс байхгүй юм. Харин тус тунхаглалын зарим заалт олон улсын заншлын хэм хэмжээ (customary international law буюу олон улсын нийтээр хүлээн зөвшөөрсөн хэм хэмжээ)-нд хүрсэн тохиолдолд тус тунхаглалыг шүүх хэрэг, маргааныг шийдвэрлэхдээ Монгол Улсын Үндсэн хуульд заасны дагуу олон улсын эрх зүйн нийтээр хүлээн зөвшөөрсөн хэм хэмжээний хувьд хэрэглэх эрх зүйн үндэстэй.

Олон улсын нийтийн эрх зүй, олон улсын эрх зүйн эх сурвалж, Монгол Улсын Үндсэн хууль, олон улсын хүний эрх, монгол улсын олон улсын гэрээ, олон улсын эрх зүйн нийтээр хүлээн зөвшөөрсөн хэм хэмжээ, зарчмын, шүүхийн практикт

2021-10-09

12

Монгол

Бүрэн эхээр нь үзэх

2022-03-30

4132

92

А.Мандуул “Монгол Улсын Үндсэн хуулийн цэц эсхүл Монгол Улсын шүүх НҮБ-ын Хүний эрхийн түгээмэл тунхаглалыг хэрэглэх эрх зүйн үндэс бий юу?” (2021), ... дахь/дэх тал. Legaldata-аас унших боломжтой: https://legaldata.mn/b/1208

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх