Мэдлэгт суурилсан эдийн засгийг хөгжүүлэх боломж: Монгол

Алтанцэцэгийн Пүрэвдулам

Эрдэм шинжилгээний өгүүлэл

Бусад

Дэлхийн улс орнууд мэдлэг, ур чадвараар эдийн засгаа хөгжүүлэхийг улам бүр зорьж байна. Тэгвэл мэдлэг, ур чадварыг хэрхэн бий болгох вэ гэдэг нь амаргүй асуудал мөн. Нөгөөтэйгүүр улс орнууд өндөр ур чадвартай хүний нөөцийн хомсдолд ороод байна. Энэхүү хомсдлоос болоод макро түвшинд эдийн засгийн урт хугацааны тогтвортой өсөлт алдагдаж байгаа нь дэлхий нийтийн тулгамдсан асуудал юм. Эдийн засгийн хөгжил цар тахлын энэ үед доройтож сэхэл авахад багагүй хугацаа шаардлагатай нь тодорхой боллоо. Ковид-19 халдвар тархаж байгаа хугацаанд мэдлэг үйлдвэрлэгч-их, дээд сургуулиудын үйл ажиллагаа зогсож сургалт цахим хэлбэрээр явагдаж байна. Мөн өндөр ур чадвартай мэргэжилтнүүдийг тасралтгүйгээр бэлтгэн гаргаж чадахгүйд хүрлээ. Эдгээр нь эдийн засгийн хөгжилд сөргөөр нөлөөлөх нь гарцаагүй. Харин цар тахлын үед хүн бүр цахим орчинд ажиллаж мэдээллийн технологийн талаархи мэдлэг, ур чадвараа дээшлүүлж инноваци шингэсэн бүтээгдэхүүүн, үйлчилгээг бий болгох нь чухал гэдгийг ухамсарлаж байж болох юм. Энэхүү судалгаа нь улс орны эдийн засгийн хөгжил, мэдлэгтэй, ур чадвартай хүний нөөц, боловсрол хоорондын хамаарал болон мэдлэгт суурилсан эдийн засгийг хөгжүүлэх боломжийг судлах зорилготой. Судалгааны арга зүй: Түүврийн аргаар урьдчилсан бэлтгэсэн асуумжаар өгөгдлийг цуглуулсан бөгөөд судалгаанд 140 хүн хамрагдсан. Судалгааны өгөгдлийг статистикийн SPSS v24 програм дээр дескриптив, релиабилити, фактор анализ, шугаман регрессээр шинжиллээ. Хүний нөөц болон боловсрол, мэдлэгт суурилсан эдийн засаг нь “эдийн засгийн хөгжил”-тэй эерэг, хүчтэй хамааралтай гэдгийг судалгааны үр дүн харуулсан. Энэхүү судалгаа нь онолын болон практикийн ач холбогдолтой төдийгүй цаашид судлагдах бүрэн боломжтой.

Түлхүүр үгс: мэдлэгт суурилсан эдийн засаг, эдийн засгийн дэглэм, боловсрол болон хүний нөөц, инновацийн систем, мэдээллийн дэд бүтэц.

2021-05-10

11

Монгол

Бүрэн эхээр нь үзэх

2025-04-09

356

14

А.Пүрэвдулам “Мэдлэгт суурилсан эдийн засгийг хөгжүүлэх боломж: Монгол” (2021), ... дахь/дэх тал. Legaldata-аас унших боломжтой: https://legaldata.mn/b/2356

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх