Авлигын гэмт хэрэг үйлдсэн этгээдэд оногдуулж буй хорих, торгох ял, тэдгээрийн хэрэгжилт

Хулдбаатарын Оюунбаатар

Энэ үгүүлэл Удирдлагын академийн Төрийн удирдлага сэтгүүлийн 2021 оны №17-д нийтлэгдсэн болно.

Эрдэм шинжилгээний өгүүлэл

Эрүүгийн эрх зүй, Авлига

Авлигын гэмт хэрэг үйлдсэн этгээдэд оногдуулах хорих болон торгох ялын хэмжээ, түүний хэрэгжилтийн талаар энэ өгүүлэлд судалсан. Шүүгдэгчид оногдуулсан хорих болон торгох ялын хэмжээ тухайн хэргийн улмаас учирсан хохирлын хэмжээтэй уялдахгүй, хэтэрхий бага байгаа нь судалгааны үр дүнгээс харагдаж байна. Энэ нь Авлигын эсрэг НҮБ-ын конвенцын “тухайн гэмт хэргийн ноцтой байдлыг харгалзан шийтгэл оногдуулна”, мөн Монгол Улсын Эрүүгийн хуулийн “эрүүгийн хариуцлага нь тухайн хүн, хуулийн этгээдийн үйлдсэн гэмт хэрэг, гэмт хэргийн нийгмийн аюулын шинж чанар, хэр, хэмжээ, гэм буруугийн хэлбэрт нь тохирсон байна” гэсэн шударга ёсны зарчимд тус тус харшилж байна гэсэн дүгнэлт хийсэн. Ялын бодлого хэт чанга, эсвэл, хэт сул байхын аль аль нь авлигатай тэмцэхэд сайнаар нөлөөлдөггүй. Тийм учраас, авлигын хэрэгт оногдуулах ял шийтгэлийг чангатгах тухай асуудалд нухацтай хандах, ул суурьтай судалж, дүн шинжилгээ хийхээс гадна шүүхээс оногдуулж байгаа ялын төрөл, хэмжээг хэргийн байдал, хахууль, хохирлын хэмжээтэй шударгаар уялдуулах шаардлага тулгамдаж байна.

Эрүүгийн хууль, авлигын гэмт хэрэг, авлигын улмаас учирсан хохирол, хор хөнөөл, хорих ял, торгох ял

2021-02-09

7

Монгол

Бүрэн эхээр нь үзэх

2022-05-27

3330

80

Х.Оюунбаатар “Авлигын гэмт хэрэг үйлдсэн этгээдэд оногдуулж буй хорих, торгох ял, тэдгээрийн хэрэгжилт” (2021), ... дахь/дэх тал. Legaldata-аас унших боломжтой: https://legaldata.mn/b/1289

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх