Ашигт малтмал өмчлөл, ашиглалтын үндсэн хуулийн үндэслэлийг хөгжүүлэх нь

Доржсүрэнгийн Батболд

Докторын диссертаци

Үндсэн хуулийн эрх зүй, Ашигт малтмал

Энэхүү судалгааны ажлын зорилго нь Монгол Улсын Үндсэн хуулийн 6 дугаар зүйлд хуульчлагдсан ашигт малтмал өмчлөл, ашиглалтын талаархи суурь заалтыг залгамжлан үйлчилбэл зохих эрх зүйн хэм хэмжээний гол агуулга, чиглэлийг тодруулах, тэдгээрийн хууль зүйн шинжлэх ухааны үндэслэлийн талаар санал, дүгнэлт боловсруулахад оршино. Үүний тулд нэгдүгээрт, ашигт малтмал өмчлөл, ашиглалтын онолын болон Үндсэн хуулийн эрх зүйн үндсийг судлах, хоёрдугаарт, судлан буй Үндсэн хуулийн үндэслэлд шууд холбогдох хууль тогтоомжид болон түүний хүрээнд гарч буй эрх зүйн үзэгдэл, харилцаанд шинжилгээ хийх, гуравдугаарт, эдгээр зорилтдоо үндэслэн Үндсэн хуулиар тогтоосон ашигт малтмал өмчлөл, ашиглалтын суурь зарчмыг хэрэгжүүлэх гол арга зам, түүний эрх зүйн зохицуулалтын асуудлуудыг хөндөн тодорхойлохыг зорилт болгон тавив. Судалгааны ажлын бүтэц нь дурдсан зорилготой уялдсан 3 бүлэг, 11 зүйл, 23 дэд зүйл, удиртгал, дүгнэлт, санал, ном зүй, хавсралт гэсэн хэсгээс бүрдэнэ. Тодруулбал тус ажлын нэгдүгээр бүлэг нь Ашигт малтмал өмчлөл, ашиглалтын онолын болон Үндсэн хуулийн эрх зүйн үндэс, хоёрдугаар бүлэг нь Ашигт малтмалын хууль тогтоомжийн шинжилгээ: ололт, дутагдал, сургамж, гуравдугаар бүлэг нь Үндсэн хуулиар тогтоосон ашигт малтмал өмчлөл, ашиглалтын суурь зарчмыг хэрэгжүүлэх гол арга зам, түүний эрх зүйн зохицуулалтын асуудалд гэсэн хэсгүүдээс тогтож байна.

Үндсэн хууль, ашигт малтмал, байгалийн баялагийн өмчлөл, ашиглалт, Үндсэн хуулийн үзэл баримтлал

2020-05-19

243

Монгол

Бүрэн эхээр нь үзэх

2022-05-31

3482

104

Д.Батболд “Ашигт малтмал өмчлөл, ашиглалтын үндсэн хуулийн үндэслэлийг хөгжүүлэх нь” (2020), ... дахь/дэх тал. Legaldata-аас унших боломжтой: https://legaldata.mn/b/1292

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх