Хуульчийн үргэлжилсэн сургалтын зарим хөтөлбөрт хийсэн шинжилгээ

Намжилдоржийн Мөнхзул

Нээлттэй нийгэм форум, Азийн сан, Монголын хуульчдын холбооны дэмжлэгтэйгээр бичив.

Эрдэм шинжилгээний өгүүлэл

Боловсрол

Монгол Улсын иргэний Үндсэн хуулиар баталгаажсан дээр дурдсан эрх, эрх чөлөөг баталгаатай эдлүүлэх, төрөөс иргэнийхээ өмнө хариуцсан үүргийг биелүүлэх зорилгоор сүүлийн жилүүдэд олон хууль тогтоомж батлагдан гарч, хүчин төгөлдөр үйлчилж байна. Хуульчийн эрх зүйн байдлын тухай хууль нь хуульчдын үйл ажиллагааны хариуцлага, ил тод байдлыг нэмэгдүүлэх, тэдгээрийн үйл ажиллагаанд нэгдсэн шаардлага, стандарт, хариуцлагын тогтолцоог бий болгох, уг арга замаар тэдгээрийн мэдлэг, ур чадвар, ёс зүйг нэмэгдүүлэн хуульчдын нэр хүнд, олон нийтийн итгэл, хүндлэлийг олж авах, хуульчдын өөрөө удирдах ёсны байгууллагын зохистой бүтцийг бий болгох зорилгоор батлагдан, хэрэгжиж байна. Хуулиар хуульчийн үргэлжилсэн сургалтыг зохион байгуулах бүтцийг бий болгож, хуульчдад хуульчийн үргэлжилсэн сургалтад хамрагдаж, тодорхой багц цаг хангах үүргийг хүлээлгэсэн. Сургалтын хороо нь хуульчдад зориулсан сургалтын бодлого, үндсэн чиглэл, хэлбэрийг тодорхойлж, хуульчийн үргэлжилсэн сургалтад зориулан боловсруулсан сургалтын хөтөлбөрийг хянаж хэлэлцэх, сургалт явуулах багш нарын талаар санал өгөх, сургалтын явц үр дүнгийн талаар дүгнэлт гаргах, үргэлжилсэн сургалтын багц цагийг тооцох аргачлал, журмыг боловсруулж Зөвлөлөөр батлуулах, хуульчийн үргэлжилсэн сургалтын чанар, хүртээмж, заавал мэдвэл зохих агуулгад суурилсан сургалтын тогтолцоог бүрдүүлэх зэрэг чиг үүргийг хэрэгжүүлж байна. Энэ чиг үүргийн хүрээнд Азийн сангийн дэмжлэгтэйгээр сургалтын хөтөлбөрийг үнэлэх ажлыг зохион байгуулж цаашид хуульчийн үргэлжилсэн сургалтын чанар, хүртээмжийг дээшлүүлэхэд анхаарах асуудлыг тодруулан гаргаж ирэхийг зорьсон. Судалгааны хүрээнд Монголын Хуульчдын холбооны Сургалтын хорооноос 2017 онд магадлан итгэмжлэгдсэн 1, 2018 онд магадлан итгэмжлэгдсэн 7, 2019 онд магадлан итгэмжлэгдсэн 3, нийт 11 сургалтын хөтөлбөрт шинжилгээ хийлээ. Дүн шинжилгээ хийхдээ “Хуульчийн үргэлжилсэн сургалт зохион байгуулах, багц цаг тооцох журам”-ын зохицуулалтыг шалгуур болголоо.

үргэлжилсэн сургалт, сургалтын хөтөлбөр, хөтөлбөрийн сэдэв, агуулга, зорилго, зорилт, арга зүй, хэрэглэгдэхүүн

2020-02-04

5

Монгол

Бүрэн эхээр нь үзэх

2022-11-09

2911

25

1

Н.Мөнхзул “Хуульчийн үргэлжилсэн сургалтын зарим хөтөлбөрт хийсэн шинжилгээ” (2020), ... дахь/дэх тал. Legaldata-аас унших боломжтой: https://legaldata.mn/b/1395

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх