Франчайзийн олон улсын гэрээний эрх зүйн зохицуулалт

Самбасанчирын Оджаргал

Магистрын ажил

Арилжаа & Бизнесийн эрх зүй

Монгол Улсад даяаршлын нөлөөгөөр олон улсын нэр хүндтэй бүтээгдэхүүн, үйлчилгээ нэвтэрч, франчайз бизнесийн цар хүрээ нэмэгдэж байна. Манай Улсын хүн амын дунд залуучуудын эзлэх хувь хэмжээ нэмэгдэж байгаа өнөө үед дэлхийд нэр хүндтэй, чанартай бүтээгдэхүүн, үйлчилгээг сонгон хэрэглэх хандлагатай байна. Франчайз бизнесийн загварчлал нь франчайз эрх эзэмшигчид өндөр орлого өгөх боломжтойгоор зогсохгүй, тогтвортой ажлын байр бий болгож байна. Франчайз бизнесийг эрхлэх арга туршлагаас суралцсанаар дотооддоо өөрийн бүтээгдэхүүн үйлчилгээний франчайзийг үүсгэн дэлхийд түгээх боломжтой болох юм.

Судлаач Одонцэцэгийн судалгаанд дурдсанаар Монгол Улсад одоогийн байдлаар бүтээгдэхүүнийг үйлдвэрлэх франчайз эрх авсан 3 компани, бүтээгдэхүүн франчайзлах эрх авсан 20 гаруй компани, бизнесийн форматтай франчайз эрх авсан 40 орчим компани манай улсад үйл ажиллагаа явуулж байна. Франчайз эзэмшигчдийн эрх ашгийг хамгаалах, маргааныг шийдвэрлэх талаар тусгайд нь зохицуулсан эрх зүйн орчин бүрдээгүй байна. Бизнес эрхлэгчдийн дунд франчайзийн ойлголт дутмаг, бизнесийн туршлага хомс байгаа нь франчайзийн бизнес эрхлэгчдийн хувьд асуудал, маргааныг дагуулж байна. Франчайзийн бизнес нь улс орны эдийн засагт ач холбогдолтой төдийгүй экспортыг нэмэгдүүлэх боломжийг бий болгох үүднээс цаашид энэ чиглэлийн бизнесийг дэмжих, хөгжүүлэх, хууль эрх зүйн орчинг сайжруулах стратегийг төлөвлөн хэрэгжүүлэх нь зүйтэй гэж үзэж байна. Монгол Улсад өсөн нэмэгдэж байгаа хэрэгцээг даган франчайзийн гэрээний эрх зүйн зохицуулалтыг боловсронгуй болгох шаардлагатай байна.

Франчайз, франчайзийн гэрээ, франчайзийн эрх зүйн зохицуулалт, Франчайзийн гурван үндсэн төрлийн харьцуулалт, Франчайзийн бүтцийн харьцуулалт, Франчайзийн гэрээний бусад гэрээнээс ялгагдах онцлог, Франчайзийн гэрээнүүдийн бүтцийн харьцуулалт, Монгол Улс, АНУ, БНХАУ-ын франчайзийн гэрээний шаардлага, талуудын эрх, үүрэг, хариуцлагын харьцуулалт, Монгол улсын шүүхээр шийдвэрлэсэн франчайзийн маргаан

2020-12-18

65

Монгол

Бүрэн эхээр нь үзэх

2022-12-16

4114

188

88

С.Оджаргал “Франчайзийн олон улсын гэрээний эрх зүйн зохицуулалт” (2020), ... дахь/дэх тал. Legaldata-аас унших боломжтой: https://legaldata.mn/b/1422

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх