Банк, зээлийн үйл ажиллагаа эрхлэх эрх бүхий хуулийн этгээдээс олгох зээлийн гэрээний маргааныг шийдвэрлэсэн УДШ-ийн тогтоолд хийсэн дүн шинжилгээ

Чимэдбалдир Жадамба

Эрх зүйн шүүмж

Гэрээ & Үүргийн эрх зүй

Монгол Улсын шүүхийн 2021 оны эхний хагас жилийн шүүн таслах ажиллагааны нэгдсэн дүн мэдээнээс үзвэл Иргэний хуулиар шийдвэрлэсэн нийт хэргийн 29.8 хувийг худалдах, худалдан авах гэрээтэй холбоотой маргаан, 23.1 хувийг иргэд болон барьцаалан зээлдэх газраас олгох зээлтэй холбоотой маргаан, 13.7 хувийг банкнаас олгох зээлтэй холбоотой маргаан, 13.3 хувийг банк бус санхүүгийн байгууллагаас олгох зээлтэй холбоотой маргаанууд тус тус эзэлж байна.
Энэ нь иргэний хэргийн шүүхээр шийдвэрлэгдэж буй маргааны голлох хувийг зээлийн гэрээний маргаан эзэлдэг болохыг харуулж байна. Зээлдэгч (үүрэг гүйцэтгэгч) нарын тухайд зээлийн болон барьцааны гэрээний хүчин төгөлдөр байдлын талаар маргадаггүй, харин зээлийн гэрээний хугацаа дуусгавар болсны дараагаар төлсөн төлбөрийг зөвхөн нэмэгдүүлсэн хүү, хугацаа хэтэрсэн зээлийн хүү, үндсэн хүү гэсэн дарааллаар суутган тооцсоныг эс зөвшөөрч маргадаг. Учир нь, зээлийн гэрээний хугацаа нэгэнт дуусгавар болж цаашид сунгагдаагүй тохиолдолд үүргийн гүйцэтгэгч буюу зээлдэгчийн төлсөн төлбөрийг үндсэн үүрэг, эцэст нь хүү гэсэн дарааллаар суутгах нь зээлдэгчид ашигтай. Үндсэн зээл (өр)-ийн хэмжээ багасвал төлөх хүүгийн хэмжээ ч мөн багасах учир.
Иймд дээрх хэргийг шийдвэрлэсэн анхан болон давж заалдах, хяналтын шатны шүүхийн шийдвэрүүд зээлийн тооцоолол, гэрээний дагуу төлөгдөх төлбөрийн хэмжээг өөр өөрөөр тогтоосон хэдий ч Иргэний хуулийн 216 дугаар зүйлийн 216.4 дэх “Үүргийн гүйцэтгэл нь төлөх хугацаа болсон бүх өрийг төлөхөд хүрэлцэхгүй бол тэргүүн ээлжинд шүүхийн зардал, дараа нь үндсэн үүрэг, эцэст нь хүүг төлүүлнэ” гэх хуулийн зохицуулалтыг нийтлэг байдлаар хэрэглэж, маргааны үйл баримтад уг дарааллын дагуу тооцоолол хийсэн нь хууль хэрэглээний хувьд ач холбогдол бүхий болсон гэж үзэж байна.

Банк, зээлийн үйл ажиллагаа эрхлэх эрх бүхий хуулийн этгээдээс олгох зээлийн гэрээ, үүрэг гүйцэтгэх дараалал, үүргийн гүйцэтгэл, үндсэн үүрэг, нэмэлт үүрэг

2021

9

Монгол

Бүрэн эхээр нь үзэх

2024-03-07

2045

144

1

Ч.Жадамба “Банк, зээлийн үйл ажиллагаа эрхлэх эрх бүхий хуулийн этгээдээс олгох зээлийн гэрээний маргааныг шийдвэрлэсэн УДШ-ийн тогтоолд хийсэн дүн шинжилгээ” (2021), ... дахь/дэх тал. Legaldata-аас унших боломжтой: https://legaldata.mn/b/1924

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх