Төрийн ордонд нэвтрэхэд тавигдах хувцасны хязгаарлалт ба эрх шилжүүлэх харилцаа

С. Асланбек

Эрдэм шинжилгээний өгүүлэл

Үндсэн хуулийн эрх зүй

Нэр дэвшигчийг УИХ-ын гишүүний үнэмлэхээ гардаж авахад төрийн ордонд “Пүүз”-тэй орлоо, төрөө хүндэтгэсэнгүй, дээдэлсэнгүй мэтээр их шүүмжэлж байх шиг байна. Энэ асуудлаар буюу төрийн ордонд нэвтрэхэд тавигддаг “Хувцасны хязгаарлалт”-ын тухай МУИС-ийн хуулийн 3-р курст суралцаж байхад бичиж байсан нийтэллээ олон нийтэд үнэгүй тавилаа. Товчхондоо, Төрийн ордонд шалган нэвтрүүлэх, аюулгүй байдал, дэг журмыг хангах асуудлыг хэд хэдэн байгууллагын хамтарсан тусгайлсан журмаар зохицуулдаг. Уг журмыг батлах эрх Төрийн ордны тухай хуулийн 5 дугаар зүйлийн 2 дахь хэсэгт “Төрийн ордны халдашгүй дархан байдлыг энэ хууль, түүнтэй нийцүүлэн гаргасан хамгаалалт, үйлчилгээний тусгай журмын дагуу хангана” хэмээн олгогдсон. Хуулиар бол төрийн ордны ажилтнуудад чиглэсэн хязгаарлалт, хориглолтыг зохицуулсан бөгөөд энэ асуудлаар журам гаргах эрх олгосон байна. Өөрөөр хэлбэл төрд ажиллаж буй хэн ч иргэнээ хүндэлж боловсон хувцаслах бол зүй ёсны л доо. Харин төрд таалагдах гэж иргэн нь хувцаслана гэхээр ухаанд нэг л буусангүй учир дээрх нийтлэлийг бичиж байсан юм байна. Онолын хувьд “Delegation of Power” гэх ойлголт байдаг бөгөөд энэ нь хуулиар олгогдсон аливаа эрхийг өөр эрх бүхий байгууллагад шилжүүлэхтэй холбоотой асуудлыг судалдаг. Харин эрхээ шилжүүлэхдээ зорилго агуулга, хүрээ хязгаар, хэм хэмжээ тогтоогчийн баримтлах зарчмыг тодорхой тусгах шаардлагатай бөгөөд хүний эрх чөлөөтэй холбоотой асуудал дээр бүр ч анхаарах ёстойг сануулжээ. Төрийн ордны тухай хуулиар хувцаслалттай холбоотой хязгаарлалт тогтоох эрх олгоогүй. Иргэний хувцаслалт нь тухайн иргэний үзэл бодол, боловсролын илэрхийлэл учир хувцснаас болж Төрийн ордон ажил үүргээ хэвийн явуулах нөхцөл хөндөгдөхгүй, хамгаалалтад аюул учрахгүй учир Хууль, хүний эрхээс давсан журам гэж бүр байх ёсгүй тухай нийтлэлдээ дурдлаа.

Ардчилал, хүний эрх, Үндсэн хуульт ёс, Хувцасны хязгаарлалт, төрийн ордонд нэвтрэх, төрийн ордон

2016-05-06

4

Монгол

Бүрэн эхээр нь үзэх

2020-06-29

6439

116

18

С.Асланбек “Төрийн ордонд нэвтрэхэд тавигдах хувцасны хязгаарлалт ба эрх шилжүүлэх харилцаа” (2016), ... дахь/дэх тал. Legaldata-аас унших боломжтой: https://legaldata.mn/b/712

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх