Хэрэглэгчийн гэрээний эрх зүйн зохицуулалт ба хэрэглэгч гэрээг уншилгүйгээр гарын үсэг зурах явдал

Мөнхтүвшингийн Мөнхнаран

Эрдэм шинжилгээний өгүүлэл

Иргэний эрх зүй

Иргэд алхам тутамдаа хэрэглэгчийн гэрээ буюу англиар хэлж заншсанаар Consumer contract хийх шаардлагатай учирдаг. Дэлгүүрээс гар утас худалдаж авсан ч утасны дугаар, интернэт хэрэглэсэн ч цахилгаан, дулаан хэрэглэсэн ч алхам тутамдаа энэхүү гэрээг хийх шаардлагатай тулгардаг.
Харин 2002 оны Монгол Улсын Иргэний хуульд тусгайлан хэрэглэгчийн гэрээг зохицуулсан нарийн зохицуулалт байхгүй бөгөөд зөвхөн стандарт нөхцөлийн талаарх зохицуулалт байдаг . Мөн Хэрэглэгчийн эрхийг хамгаалах тухай 2003 оны хуульд хэрэглэгчийн гэрээний талаарх, гэрээнд тавигдах шаардлагын талаарх нарийн зохицуулалт байдаггүй.
Тиймээс энэхүү иргэдийн алхам тутамдаа байгуулдаг түгээмэл гэрээг зохицуулах эрх зүйн зохицуулалт төдийлөн бүрэн дүүрэн байгаа эсэхт эргэлзээ төрөхүйц байгаа бөгөөд энэ талаар өмнө нь хийж байсан нарийн судалсан судалгааны ажил байдаггүй нь Монгол улсын хэмжээнд хэрэглэгчийн гэрээг зохицуулах эрх зүйн зохицуулалт бүрэн дүүрэн, нарийн зохицуулалттай байгаа эсэхэд тодорхой судалгаа хийн энэ талаар нэгдсэн дүгнэлтэд хүрэх шаардлагатай байгааг харуулж байна.
Иймээс гадаад орнуудын Хэрэглэгчийн эрхийг хамгаалах тухай хууль тогтоомжууд мөн Монгол Улсын Хэрэглэгчийн эрхийг хамгаалах тухай 2003 оны хууль болон 2002 оны Иргэний хууль дахь хэрэглэгчийн гэрээтэй холбоотой зохицуулалтуудад харьцуулсан судалгаа хийх замаар манай улсын хэмжээндэх хэрэглэгчийн гэрээний эрх зүйн зохицуулалтууд хэрэглэгчийн эрхийг хамгаалах баталгаа болох хэмжээнд нарийн зохицуулалттай байгаа эсэх ялангуяа хэрэглэгчид гэрээг уншилгүйгээр гарын үсэг зурах явдал түгээмэл байгаагаас үүдэн гарах сөрөг үр дагавруудыг зохицуулж чадах хэмжээнд нарийн зохицуулалттай байгаа эсэхэд дүгнэлт хийн энэ талаарх зохицуулалтад тодорхой сул тал, тулгамдсан асуудал байгаа тохиолдолд түүнийг шийдвэрлэх арга замыг олох нь уг судалгааны ажлын зорилго билээ.

Гэрээний эрх зүй,
Хэрэглэгчийн гэрээ,
Хэрэглэгчийн эрх ашгийг хамгаалах
Гэрээнд гарын үсэг зурах,
Уншилгүйгээр гэрээ хийх явдал,
Харьцуулсан иргэний эрх зүй

2015-11-20

10

Монгол

Бүрэн эхээр нь үзэх

2021-09-14

3562

139

21

М.Мөнхнаран “Хэрэглэгчийн гэрээний эрх зүйн зохицуулалт ба хэрэглэгч гэрээг уншилгүйгээр гарын үсэг зурах явдал” (2015), ... дахь/дэх тал. Legaldata-аас унших боломжтой: https://legaldata.mn/b/1038

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх