Эрх зүйн шинэчлэлийн зарим асуудалд

Тайванхүүгийн Алтангэрэл

Эрдэм шинжилгээний өгүүлэл

Бусад

Өнөөдөр монголчууд дэлхийн хөгжилтэй орны хүмүүсийн адил эд зүйлс хэрэглэж, гар утас барьж, үл хөдлөх хөрөнгө өмчилж, компаниуд өөр хоорондоо болон гадаадын компанитай гэрээ хэлэлцээр хийж байна. Энэ нь чөлөөт зах зээлийн болоод ардчилсан нийгмийн гол зарчим болох хувь хүний эрх, эрх чөлөө биеллээ олж буйн тод жишээ юм. Гэтэл энэ эрх, эрх чөлөө хир удаан амьдарч, хир бат бэх хэрэгжиж чадах вэ? Бид ямар үндэслэлээр энэ эрх, эрх чөлөөг зөвтгөж, хамгаалж чадаж байна, хүмүүс өөрсдийн эрх, эрх чөлөөг хэрэгжүүлэхэд бүрэн итгэлтэй байж чадаж байна уу өөрөөр хэлбэл ардчилсан, эрх зүйт төрийн тогтолцоо нь цаасан дээр биш, бодитойгоор хэрэгжиж байна уу гэдэг асуулт гарч ирж байна. Үүнд хариу өгч чадах ганц зүйл нь хууль юм. Эдэлж буй эрх үүргийнх нь хэмжээгээр бид иргэддээ эрх зүйн нөхцөлийг нь бүрдүүлж өгч чадаж байгаа эсэхээс шалтгаалан үнэхээр хууль зүйн үндэслэлтэй эрх, эрх чөлөө хэрэгжиж байна уу гэдэг хамаарна.

Эрх зүйн зөв тогтолцоо оршиж баймааж Ыхүний эрх, эрх чөлөө баттай үндэслэлтэй, ул суурьтайгаар биеллээ олж, иргэд шударга ёс, эрх зүйн хамгаалатад итгэнэ. Бид нэгэнт л дэлхийн түвшний эрх эрх чөлөөг эдэлж байгаагийн хувьд дэлхийн түвшний, олон улсад мөрдөгддөг эрх зүйн хамгаалалт, үндэслэлийг эрх зүйдээ тусгаж, анхаарах хэрэгтэй байна. Энэ нь юуны түрүүнд бид хичнээн нарийн хууль зүйн арга барилаар аливаа асуудал, хэрэгт хандаж чадаж байна тэр хэмжээгээр шударга шийднэ гэсэн үг. Харамсалтай нь өнөөдөр манайд аливаа асуудлыг их л амархан хуулийн дагуу эсвэл хууль бус байна гэж лүндэн буулгадаг болжээ.

Хэн хүний дураар хуулийг тайлбарладаг энэ байдал нь манай хуулийн тогтолцооны гол дутагдал бөгөөд үүнээс үүдэн олон сөрөг үр дагавар гарч байна. Аливаа хэрэг, асуудлыг шийдэхэд хууль зүйн тогтсон, тусгай арга барил, зүйлчлэлийн нарийн зарчим маш муу хөгжсөнөөс дураараа тайлбарлах, хэн нэгний ашиг сонирхолд үйлчлэх, хуульчид хээл хахуульд идэгдэх таатай нөхцөл бүрджээ.

Эрх зүйн зөв тогтолцоо, Эрх зүйн шинэчлэл, хүний эрх, хүний эрхэд халдах, олон нийтийн эрх зүй, иргэний эрх зүйн зүйлчлэл

1999-03-09

3

Монгол

Бүрэн эхээр нь үзэх

2021-10-06

2803

35

Т.Алтангэрэл “Эрх зүйн шинэчлэлийн зарим асуудалд” (1999), ... дахь/дэх тал. Legaldata-аас унших боломжтой: https://legaldata.mn/b/1060

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх