Гэрээний эрх чөлөөний зарчмаас үүдсэн ажилтны үл өрсөлдөх үүрэг: Нийслэлийн иргэний хэргийн давж заалдах шатны шүүхийн магадлалд хийсэн шинжилгээ

Ганхуягийн Давааням

Энэхүү судалгааг Нээлттэй Нийгэм Форумын санхүүгийн дэмжлэгтэйгээр гүйцэтгэсэн болно.

Эрх зүйн шүүмж

Иргэний эрх зүй, Хөдөлмөрийн эрх зүй

Зах зээлийн эдийн засаг хөгжсөн улсуудад ажил олгогч нь хөдөлмөрийн дотоод журам болон хөдөлмөрийн гэрээнд заалт оруулах, бие даасан гэрээ байгуулах замаар ажилтанд үл өрсөлдөх үүрэг хүлээлгэх нь нийтлэг байдлаар хэрэгжих болжээ.

Монгол Улсын хувьд ч гэрээний эрх чөлөөний зарчмын хүрээнд компани нь хөдөлмөрийн гэрээ, эсхүл бие даасан гэрээ байгуулах замаар ажилтанд үл өрсөлдөх үүрэг хүлээлгэх практик үзэгдэх болсон. Хэдий тийм боловч ажилтанд үл өрсөлдөх үүрэг хүлээлгэх нь (i) ажилтны мэдлэг, чадвар, туршлага нийгэмд тархах үйл явцыг хязгаарлаж, нийтийн эрх ашгийг хөндөх (цаашид нийтийн эрх ашиг гэх); (ii) зах зээлийн шударга өрсөлдөөний үр дүнд бий болох бараа, үйлчилгээний чанар, үнийн бууралтыг хязгаарлаж иргэдийн эрх ашигт сөрөг нөлөө үзүүлэх (цаашид иргэдийн эрх
ашиг гэх)-ээс гадна (iii) Үндсэн хуулийн 16.4-т заасан ажилтны “ажил мэргэжлээ чөлөөтэй сонгох… хувийн аж ахуй эрхлэх” (цаашид ажил мэргэжлээ чөлөөтэй сонгох эрх гэх) эрхийг зөрчих асуудал дагуулна.

Иймд нийтийн болон иргэдийн эрх ашиг, ажилтны ажил мэргэжлээ чөлөөтэй сонгох эрхийг хамгаалах үүднээс ажилтны үл өрсөлдөх үүрэг, түүний хүрээг оновчтой тодорхойлох асуудал шүүхийн практикт чухлаар тавигдаж байна. Энэ хүрээнд ажилтны үл өрсөлдөх үүрэгт хамаарах Нийслэлийн иргэний хэргийн давж заалдах шатны шүүхийн 2019/60/10, №1077 тоот магадлалыг сонгон авч дүн шинжилгээ хийлээ.

Нийслэлийн иргэний хэргийн давж заалдах шатны шүүхийн магадлал, Шүүхийн шийдвэрийн шинжилгээ

2021-03-25

32

Монгол

Бүрэн эхээр нь үзэх

2021-10-26

6033

153

32

Г.Давааням “Гэрээний эрх чөлөөний зарчмаас үүдсэн ажилтны үл өрсөлдөх үүрэг: Нийслэлийн иргэний хэргийн давж заалдах шатны шүүхийн магадлалд хийсэн шинжилгээ” (2021), ... дахь/дэх тал. Legaldata-аас унших боломжтой: https://legaldata.mn/b/1095

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх