Цахимаар шүүх хуралдааныг зохион байгуулахтай холбогдох зарим асуудал

Чинбатын Болормаа

Монгол Улсын Хөдөлмөрийн баатар, ардын багш, гавьяат хуульч, доктор, профессор Б.Чимид багшийн нэрэмжит шүүх эрх мэдлийн болон хууль сахиулах байгууллагын ажилтан, сургалт, эрдэм шинжилгээний байгууллагын багш, судлаач, оюутны эрдэм шинжилгээний шилдэг илтгэлийн уралдааны тусгай байрт шалгарсан бүтээл

Эрдэм шинжилгээний өгүүлэл

Шүүх эрх мэдэл

Дэлхий нийтийг хамарсан цар тахлын нөхцөл байдал болон дижитал хувьсалтай холбогдуулан манай улсын хувьд цахим шүүхийг хөгжүүлэх сорилт тулгараад байна. Энэ ч утгаараа Шүүхийн тухай хууль (Шинэчилсэн найруулга)-д цахимаар шүүх хуралдааныг зохион байгуулах, түүний журмыг батлах эрхийг Шүүхийн ерөнхий зөвлөлд олгосон.
Цар тахлын нөхцөл байдалтай холбоотойгоор цахим шүүхийн хэрэглээ нь өмнөхөөсөө нэмэгдсэн ч нэгдсэн систем, холбогдох эрх зүйн зохицуулалт хангалтгүй байгаагийн улмаас шүүхүүд өөрийн байгаа хүчин чадлын хүрээнд үйл ажиллагаагаа явуулсаар байна. Цахимаар шүүх хуралдааныг зохион байгуулсан тохиолдлууд нь хэргийн оролцогчдын шүүхээр хэрэг маргаанаа шийдвэрлүүлэх эрхийг хангалттай хэмжээнд хангаж чадахгүй байна. Учир нь цар тахлын үед шүүхүүдийн хүлээн авах хэргийн тоо буурсан бөгөөд энэ нь иргэд хэрхэн цахимаар нэхэмжлэл, гомдлоо гаргах талаар хангалттай мэдээлэлгүй байх, цаашлаад хэрэг хянан шийдвэрлэх ажиллагааг цахимаар явуулахад шүүхийн байгууллага болон талуудын хооронд шуудангаар баримт хүргэгдэх ажиллагаа явагдаж байсан нь хугацаа алдах, шүүхүүдийн техник хэрэгсэл хангалтгүйн улмаас зарим хэргийн оролцогчдын шүүх хуралдаан хойшлох зэрэг нэлээдгүй асуудлыг дагуулсан.
Иймд энэхүү илтгэлээрээ цахим шүүхийн ойлголт, шүүхээс цар тахлын үед хэрэг, маргаан хянан шийдвэрлэх ажиллагааг явуулж буй нөхцөл байдал, цахимаар шүүхийн ажиллагааг явуулахад эрх зүйн зохицуулалт хангалттай байгаа эсэх болон гадаад улсуудын холбогдох сайн туршлагыг судалж, өөрийн санал дүгнэлтийг өгөхийг зорилоо.

сорилт, цар тахал, цахим хуралдаан, цахим систем, төхөөрөмжийн хүрэлцээ, цахим шүүх, цахим гарын үсэг

2021-01-10

16

Монгол

Бүрэн эхээр нь үзэх

2022-01-15

3435

78

39

Ч.Болормаа “Цахимаар шүүх хуралдааныг зохион байгуулахтай холбогдох зарим асуудал” (2021), ... дахь/дэх тал. Legaldata-аас унших боломжтой: https://legaldata.mn/b/1153

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх