Үндсэн гэрээг шилжүүлэхэд арбитрын хэлэлцээр шилжих эсэх асуудал, түүний учир холбогдол

Батжаргалын Ариунзаяа Равданбямбын Оюундэлгэр

Монголын Олон Улсын арбитраас санаачлан эрдэмтэн, судлаач, их, дээд сургуулийн оюутны хүрээнд зохион байгуулсан "Шүүхийн бус журмаар маргаан шийдвэрлэх нь" сэдэвт эрдэм шинжилгээний илтгэлийн уралдаанд Тэргүүн байр эзэлсэн бүтээл.

Эрдэм шинжилгээний өгүүлэл

Иргэний эрх зүй, Арбитр & Эвлэрүүлэн зуучлал

Иргэний эрх зүйд шаардах эрх шилжих, үүрэг шилжих, гэрээ бүхэлдээ шилжих боломжтой байдаг. Бизнесийн практикт хэлцлийн үндсэн дээр нэг этгээд гэрээгээр хүлээсэн бүх эрх, үүргээ нөгөө этгээдэд шилжүүлэх явдал түгээмэл байна. Үндсэн гэрээнд агуулагдаж байгаа арбитрын тухай заалт болон арбитрын хэлэлцээр тус гэрээг шилжихэд хэрхэн шилжих вэ гэдэг асуудал олон улсын болон дотоодын арбитраар маргаан шийдвэрлэх явцад асуудал дагуулж байна. Гэрээний нэг тал гэрээгээр хүлээсэн эрх, үүргээ өөр этгээдэд шилжүүлэхэд арбитрын хэлэлцээрийн хувьд мөн адил талууд өөрчлөгдөх үү? Эрх, үүргийг шилжүүлж авсан этгээд арбитрын хэлэлцээрийн тал болох уу гэдэг нь туйлын маргаантай бөгөөд тулгамдсан асуудал байдаг.
Үндсэн гэрээ шилжихэд арбитрын хэлэлцээр шилжих асуудлыг шийдвэрлэхэд (1) нэгдмэл болон (2) салангид гэсэн хоёр үндсэн хандлага байдаг. Нэгдмэл хандлагын дагуу үндсэн гэрээ шилжихэд арбитрын хэлэлцээр шинэ үүрэг гүйцэтгэгч эсхүл үүрэг гүйцэтгүүлэгчид шууд хамт шилжинэ гэж үздэг. Салангид хандлагын дагуу арбитрын хэлэлцээр нь бие даасан шинжтэй тул тусад нь хүлээн зөвшөөрөх шаардлагатай гэж тайлбарладаг. Энэхүү судалгааны ажлаар тус хандлагуудын үндэслэлийг тодруулж, бусад улс орнууд аль хандлагыг баримталж байгааг харьцуулан судалж, аль хандлага нь илүү давуу талтай болохыг илрүүлж, санал дэвшүүлэх болно.
Тус сэдвийн талаар судалсан ном,бүтээл, судалгааны ажил хараахан гараагүй байна. Иймд энэхүү судалгааны ажил нь үндсэн гэрээг шилжүүлэхэд арбитрын хэлэлцээр хэрхэн шилжих тухай асуудлыг гэдгийг тодорхой болгоход санал дэвшүүлж, холбогдох хууль, дүрмийг боловсронгуй болгоход ач холбогдолтой.

үндсэн гэрээ, арбитрын хэлэлцээр, арбитрын тухай заалт, нэгдмэл хандлага, салангид хандлага, автоматаар шилжих дүрэм, илэрхийлэн шилжих дүрэм

2021-12-10

11

Монгол

Бүрэн эхээр нь үзэх

2022-04-28

3893

152

59

Б.Ариунзаяа Р.Оюундэлгэр “Үндсэн гэрээг шилжүүлэхэд арбитрын хэлэлцээр шилжих эсэх асуудал, түүний учир холбогдол” (2021), ... дахь/дэх тал. Legaldata-аас унших боломжтой: https://legaldata.mn/b/1248

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх