Монгол Улсын үндэсний язгуур ашиг сонирхол: Үзэл баримтлал ба тулгамдсан асуудал

Дугарын Сүнжид

Эрдэм шинжилгээний өгүүлэл

Үндсэн хуулийн эрх зүй

1992 оны Монгол Улсын Үндсэн хуулийн оршилд тухайлсанаар Монголын ард түмэн бид улсынхаа тусгаар тогтнол, бүрэн эрхт байдлыг бататган бэхжүүлж, хүний эрх, эрх чөлөө, шударга ёс, үндэснийхээ эв нэгдлийг эрхэмлэн дээдэлж,төрт ёс, түүх, соёлынхоо уламжлалыг нандигнан өвлөж, хүн төрөлхтөний соёл иргэншлийн ололтыг хүндэтгэн үзэж, эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилго болгоно. Үндсэн хуулийн үзэл баримтлалд нийцүүлэн баталсан Үндэсний аюулгүй байдлын тухай 3.2 дахь заалт, 2010 оны Монгол Улсын үндэсний аюулгүй байдлын үзэл баримтлалын тухай 48 дугаар тогтоолын 1.1.2-т зааснаар Монгол Улсын үндэсний аюулгүй байдлын язгуур ашиг сонирхол нь дараах бүрэлдэхүүн хэсэгтэй байна: 1.Монгол Улсын тусгаар тогтнол, бүрэн эрхт байдал, 2.Нутаг дэвсгэрийн бүрэн бүтэн байдал, хил хязгаарын халдашгүй байдал 3.Үндэсний эв нэгдэл, 4. Хүний эрх эрх чөлөө баталгаатай хангагдсан байдал, 5.Үндсэн хуульт байгууллын аюулгүй байдал, 6.Эдийн засгийн тогтвортой хөгжил, 7.Экологийн тэнцвэртэй хөгжил гэсэн бүрэлдэхүүн хэсэгтэй байх ажээ. Өнөөдөр Монгол Улсын үндэсний язгуур ашиг сонирхлын хэрэгжилтийн нөхцөл байдлын талаар 2000 онд Үндсэн хуульд оруулсан нэмэлт өөрчлөлт, тухайлбал УИХ-ын гишүүн Засгийн газрын гишүүний албыг нэгэн зэрэг хаших, УИХ-ын чуулганы хуралдааны хүчинтэйд тооцох ирцийн хувь, улмаар 2016 оны сонгуулийн тогтолцоо, улс төрийн намын төлөв байдал, авилгын нөхцөл байдал, төрийн албаны тогтвортой байдал, эдийн засгийн бодлого, байгаль орчны тэнцвэрт байдлын бодлого гэсэн дэд сэдвийн хүрээнд хязгаарлаж холбогдох тоо мэдээлэл, судалгааны дүгнэлтэнд үндэслэн товч илэрхийллээ. Өнөөдрийн нөхцөл байдалд дүгнэлт хийж, Монгол Улсын төрийн байгууллагаас аливаа бодлогыг тодорхойлох, хэрэгжүүлэхдээ Монгол Улсын үндэсний язгуур ашиг сонирхлыг нэн тэргүүнд эрхэмлэх төдийгүй хангах үүргээ биелүүлэх, энэ хүрээнд тухайлбал УИХ-ын гишүүдээс санаачилсан Монгол Улсын Үндсэн хуульд нэмэлт өөрчлөлт оруулах тухай төслийг Монгол Улсын Үндсэн хуулийн үзэл баримтлал, Монгол Улсын үндэсний язгуур ашиг сонирхолд нийцүүлэх нь зүй ёсны шаардлага болж байна.

Үндэсний язгуур ашиг сонирхол, нийт иргэн ба улсын ашиг сонирхол, төрийн ашиг сонирхол, хууль дээдлэх ёс, төрийн үүрэг

2017-06-15

24

Монгол

Бүрэн эхээр нь үзэх

2022-05-21

6388

83

68

Д.Сүнжид “Монгол Улсын үндэсний язгуур ашиг сонирхол: Үзэл баримтлал ба тулгамдсан асуудал” (2017), ... дахь/дэх тал. Legaldata-аас унших боломжтой: https://legaldata.mn/b/1260

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх