Шилэн дансны тухай хуулийн шинэчилсэн найруулгын төсөлд өгөх санал, шүүмж

Батболдын Анирмаа Батсайханы Наранцэцэг Өмгөөллийн Фиделитас Партнерс ХХН

Шилэн дансны тухай хуулийн шинэчилсэн найруулгын төслийн Сангийн яамны сайтад байршуулсан 2022 оны нэгдүгээр сарын 5-ны хувилбарт хамаарна. Зөвлөх эдийн засагч А.Батпүрэв

Эрх зүйн шүүмж

Төрийн санхүү, төсөв

Монгол Улсын иргэн Монгол Улсын Үндсэн хуулийн Арван зургадугаар зүйлийн 17 дахь хэсэгт зааснаар төр, түүний байгууллагаас хууль ёсоор тусгайлан хамгаалбал зохих нууцад хамаарахгүй асуудлаар мэдээлэл хайх, хүлээн авах эрхтэй. Тус эрхийг хангах эрх зүйн орчныг бүрдүүлэхэд Мэдээллийн ил тод байдал ба мэдээлэл авах эрхийн тухай хууль (2011 он), Шилэн дансны тухай хууль (2014 он) чухал үүрэг гүйцэтгэсэн. Үүнээс Мэдээллийн ил тод байдал ба мэдээлэл авах эрхийн тухай хуулийн шинэчилсэн найруулга болох Нийтийн мэдээллийн ил тод байдлын тухай хууль (2021 он) 2022 оны 5 дугаар сарын 1-ний өдрөөс хүчин төгөлдөр мөрдөгдөж эхлээд байна.

Монгол Улсын Их Хурал (УИХ)-ын 2022 оны 8 дугаар тогтоолын 49-рт Шилэн
дансны тухай хуульд нэмэлт, өөрчлөлт оруулах тухай хуулийн төслийг тусгаж, хаврын ээлжит чуулганаар хэлэлцэхээр төлөвлөсөн дагуу Сангийн яамнаас Шилэн дансны тухай хуулийн шинэчилсэн найруулгын төсөл (Шинэчилсэн найруулгын төсөл) боловсруулж, цахим хуудсандаа нийтэлсэн УИХ-ын 2020 оны 2 дугаар тогтоолоор Монгол Улсын Үндсэн хуульд оруулсан нэмэлт, өөрчлөлтийн агуулга, үзэл санаанд нийцүүлж эрх зүйн шинэтгэлийг хэрэгжүүлэхийг буюу Төрийн болон орон нутгийн өмчийн тухай хууль болон холбогдох бусад хуульд нэмэлт, өөрчлөлт оруулах замаар “төрийн нийтийн өмч”-ийн зохицуулалтыг тодорхой болгох, Төсвийн тухай хуульд нэмэлт, өөрчлөлт оруулах замаар УИХ-аас төсвийн хэрэгжилтэд хяналт тавих тогтолцоог боловсронгуй болгохыг Засгийн газарт даалгасан. Тодруулбал, тогтоолын хавсралт “Монгол Улсын
Үндсэн хуульд оруулсан нэмэлт, өөрчлөлтөд хууль тогтоомжийг нийцүүлэх хуваарь”- ийн 1.2.5-д “төрийн санхүү, төсвийн хяналт /аудит/-ыг хараат бусаар хэрэгжүүлэх байгууллагын бүрэн эрх, зохион байгуулалт, үйл ажиллагааны журмыг хуулиар тогтоох” гэж, 1.2.6-д “төрийн нийтийн өмчийг зохистой ашиглах, зарцуулахад тавих хяналтыг боловсронгуй болгох” гэж даалгасан хүрээнд олон нийтийн хяналтын зохицуулалтыг тодорхой болгох шаардлага үүссэн.

Шинэчилсэн найруулгын төсөл нь нийт 3 бүлэг, 11 зүйлтэй, шилэн дансны зарчим, мэдээлэл хүргэх хэлбэр, мэдээлэх албан тушаалтан, хэрэгжилтэд хяналт тавих, иргэний хяналт, хууль зөрчигчид хүлээлгэх хариуцлага зэрэг зохицуулалтын ихэнх агуулгыг хэвээр үлдээсэн байна. Тиймээс Шинэчилсэн найруулгын төслийг бүхэлд нь судалж, шинээр нэмсэн болон өөрчилсөн зохицуулалтыг хуулийн үйлчлэлд хамаарах эрх зүйн этгээд, мэдээлэх мэдээллийн агуулга, хүрээ, мэдээлэл хүргэх зарчим, давтамж, шилэн дансны нийтлэг стандарт, хяналт, хариуцлага, бусад хууль тогтоомжид төсөв, санхүүгийн мэдээллийг нийтэд мэдээлэхэд хамаарах зохицуулалт гэж хүрээг тодорхойлж, иргэний нийгмийн байгууллагуудын санал, мэргэжлийн судлаач, зөвлөхүүдийн гаргасан саналыг харгалзан, Өмгөөллийн Фиделитас партнерс ХХН-ийн судалгааны баг хуулийн төсөлд санал, шүүмж бэлтгэлээ.

шилэн данс, шинэчилсэн найруулга, хуулийн үйлчлэл хүрээ, санхүү төсөв, улсын төсөв, төлөвлөлт, төсвийн захирагч, хөрөнгө оруулалт, хяналтын багц, тусгай сан, төрийн захиргааны байгууллага, иргэний нийгмийн байгууллага, цахим хуудас, Сангийн яам, мэдээлэх албан тушаалтан, ил тод байдал, хөндлөнгийн хяналт, төрийн аудит,

2023-02-15

32

Монгол

Бүрэн эхээр нь үзэх

2023-04-28

1932

35

7

Б.Анирмаа Б.Наранцэцэг Өмгөөллийн Фиделитас Партнерс ХХН “Шилэн дансны тухай хуулийн шинэчилсэн найруулгын төсөлд өгөх санал, шүүмж” (2023), ... дахь/дэх тал. Legaldata-аас унших боломжтой: https://legaldata.mn/b/1557

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх