Гэмт хэргийг хөөн хэлэлцэх хугацаа - тулгамдаж буй асуудал

Нээлттэй Нийгэм Форум

Нээлттэй Нийгэм Форумын зүгээс Гэмт хэргийг хөөн хэлэлцэх хугацаа - тулгамдаж буй асуудал сэдэвт судалгааны ажлыг судлаач Г.Халиунаа, Б.Ариунжаргал нарын гүйцэтгэснээр хүргэж байна.

Судалгааны тайлан

Эрүүгийн эрх зүй

Эрүүгийн хуулийн зорилго нь хүний эрх, эрх чөлөө, нийтийн болон үндэсний ашиг сонирхол, Үндсэн хуулийн байгуулал, үндэсний болон хүн төрөлхтний аюулгүй байдлыг гэмт халдлагаас хамгаалах, гэмт хэргээс урьдчилан сэргийлэхэд чиглэгддэг. Энэ ч утгаараа эрүүгийн хариуцлага нь хүний эрхийг хамгийн ихээр хязгаарладаг хариуцлагын хэлбэр билээ. Хүн бүр тэгш эрхтэй ч Эрүүгийн хуульд заасан гэмт хэрэг үйлдсэн этгээдийн эрхийг хуулиар хязгаарлах нь зүйн хэрэг. нөгөөтээгүүр хүний эрх, эрх чөлөөг хамгийн ихээр хязгаарладгийнхаа хувьд Эрүүгийн хууль эрх зүйн хэм хэмжээний хийдэлтэй байвал нийгэмд сөрөг үр дагавар үүсгэж, хүний эрхийг хязгаарлах гол хэрэглүүр болж хувирахыг ч үгүйсгэх аргагүй.

Шинэчлэн найруулсан Эрүүгийн хуулийг 2015 оны 12 дугаар сарын 3-ны өдөр баталж, 2017 оны 7 дугаар сарын 1-ний өдрөөс эхлэн дагаж мөрдөх болсноос хойш дөрвөн жил орчим болж байна. Хэдийгээр энэ хугацаанд хуулийг нэг мөр ойлгон хэрэглэх, хуулийн хэрэгжилтийг хангахад чиглэсэн ажлууд хийгдэж байгаа ч практикт хэрэгжүүлэхэд хүндрэлтэй, эрх зүйн хийдэл бүхий зохицуулалт цөөнгүй байна. Тэдгээрийн нэг нь Эрүүгийн хуулийн 1.10 дугаар зүйлд заасан “Гэмт хэргийг хөөн хэлэлцэх хугацаа”-ны талаарх зохицуулалт юм. Тухайлбал, тус зүйлд заасан хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн гэмт хэрэг болон хорих, зорчих эрхийг хязгаарлах ялтай зарим гэмт хэрэгт хөөн хэлэлцэх хугацааг хэрхэн тоолох нь тодорхойгүй байна.

Түүнчлэн ЭХХШтХ-д заасан гэмт хэргийг хэрэгсэхгүй болгох үндэслэлд “гэмт хэргийг хөөн хэлэлцэх хугацаа дууссаны дараа эрүүгийн хэрэг үүсгэж яллагдагчаар татсан”3 гэх үндэслэл багтдаг билээ. Энэ нь тус зохицуулалтын ач холбогдлыг шууд илэрхийлж буй заалтуудын нэг юм. Гэтэл гэмт хэргийг хөөн хэлэлцэх хугацааны зохицуулалт эрх зүйн хийдэлтэй хуульчлагдсан нь гэмт хэрэг үйлдсэн хүн, хуулийн этгээд ял завших боломж бүрдүүлж байна. Цаашлаад тус зохицуулалт эрх зүйн хийдэлтэй байх нь эрүүгийн хуулийн тусгай ангид заасан гэмт хэрэг, ялын бодлого, хуулийн зохицуулалтын уялдаа холбоо, эрх зүйн зарчим, хуулийн зорилго алдагдахад хүрэх эрсдэлтэй. иймд энэхүү зохицуулалтыг судалж үзэх зайлшгүй шаардлагатай гэж үзсэн болно.

хөөн хэлэлцэх хугацаа, хэлэлцэх хугацаа, шинэ болон нэн шинэ үеийн эрүүгийн эрх зүй, гадаад зарим орны хөөн хэлэлцэх хугацаа

2021-06-01

106

Монгол

Бүрэн эхээр нь үзэх

2023-05-02

1927

37

103

Нээлттэй Нийгэм Форум “Гэмт хэргийг хөөн хэлэлцэх хугацаа - тулгамдаж буй асуудал” (2021), ... дахь/дэх тал. Legaldata-аас унших боломжтой: https://legaldata.mn/b/1560

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх