Амьтны учруулсан гэм хорыг арилгуулахтай холбогдох шүүхийн шийдвэрт хийсэн дүн шинжилгээ

Болдбаатарын Гүнбилэг Дамбын Ганхүрэл

“Шүүхийн шийдвэрийн судалгаа” цуврал 12-т иргэний хэргийн шүүхийн шийдвэрт хийгдсэн судалгаа болно. https://forum.mn/ сайтаас үнэ төлбөргүй татах боломжтой.

Эрх зүйн шүүмж

Иргэний эрх зүй

Хүн төрөлхтөн эртнээс амьтныг гаршуулан тэжээж, тэдгээрийг аж ахуйн болон амины хэрэгцээндээ өсгөж ирсэн билээ. Амьтан нь эрх зүйн чадамжгүй бөгөөд тухайн эзнийхээ өмч хөрөнгөд тооцогддог. Энэ үүднээс өөрийнх нь өмчөөс улбаатай үр дагаврыг тэдгээрийн эзэн нь хариуцан арилгах үүрэгтэй. Энэ хүрээнд аль Ромын эрх зүйгээс амьтны учруулсан гэм хорыг түүний эзэн хариуцах тогтолцоо байсан бөгөөд энэ тогтолцоо одоо ч ач холбогдолтой хэвээр байна.

Учир нь, дэлхий дээр маш олон тооны амьтад хүний нийгэмд бидний ойролцоо хамт амьдарч байх бөгөөд амьтны ухамсаргүй буюу инстинктээр бусдад хохирол учруулах эрсдэл их бага хэмжээгээр байсаар байна. Ялангуяа, гэрийн тэжээвэр амьтад хүнтэй илүү ойр хүрээлэлд байх бөгөөд тэдгээрт зориулсан хууль, дүрэм, зохицуу лалтыг улс бүр өөрийн онцлогт тохируулан харилцан адилгүйгээр бий болгож байна. Маргаангүй, зөрчилдөөнгүй харилцаанд зохицуу лалт шаардлагагүй. Хууль дүрмээр зохицуу лах шаардлага үүсэж байна гэдэг нь тухайн харилцаанд оролцогчид өөрсдөө хэлэлцэн тохиролцож шийдэлд хүрч чадахгүйг илтгэнэ.
Манай улсын хувьд, бэлчээрийн мал аж ахуйд суурилсан хөдөө аж ахуйтай байсан боловч сүүлийн жилүүдэд газар тариаланг түгээмэл эрхлэх нь элбэгшжээ. Үүнээс улбаатай бэлчээрийн мал тариалангийн талбай сүйтгэх зэрэг асуудал цөөнгүй гарч буй бөгөөд түүнээс бий болох хохирлыг хэн хэрхэн хариуцах вэ гэдэг нь тийм ч илэрхий тодорхой бус байна.

Тиймээс энэхүү судалгаагаар дамжуулан Иргэний хуулийн 501 дүгээр зүйлийг тодорхой хэрэг маргаануудад хэрхэн тайлбарлан хэрэглэж буй талаар шүүхийн шийдвэрийн дүн шинжилгээ хийх замаар тэдгээр тайлбар нь маргааныг зохистойгоор шийдвэрлэж чадаж буй эсэхэд дүгнэлт хийхийг зорилоо.

Бэлчээрийн мал аж ахуй, Амьтны учруулсан гэм хор, шүүхийн шийдвэрийн дүн шинжилгээ, гэрийн тэжээвэр амьтан, тариалангийн талбай, Иргэний хуулийн 501 дүгээр зүйл

2023-12-20

64

Монгол

Бүрэн эхээр нь үзэх

2023-12-24

2463

143

43

Б.Гүнбилэг Д.Ганхүрэл “Амьтны учруулсан гэм хорыг арилгуулахтай холбогдох шүүхийн шийдвэрт хийсэн дүн шинжилгээ” (2023), ... дахь/дэх тал. Legaldata-аас унших боломжтой: https://legaldata.mn/b/1791

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх