Хууль зүйн позитивизм: Онол, арга зүйн асуудал

Хаянхярваагийн Сэлэнгэ

Эрдэм шинжилгээний өгүүлэл

Эрх зүйн онол & Философи

Мэө Ү зуунаас олон зуун жил эрх зүйн сэтгэлгээнд ноёрхож ирсэн жам ёсны эрхийн онолыг хямралд оруулж, XIX зууны II хагаст эрх зүйн сэтгэлгээнд өөрчлөлт оруулсан онол бол хууль зүйн позитивизм юм.
Хууль зүйн позитивизмын үүсэл нь Английн эрх зүйч Джон Остинтой (1790-1859) шууд холбоотой. Иймд хууль зүйн позитивизмыг XIX зууны I хагаст жам ёсны эрхийн онолыг шүүмжлэн гарч ирсэн позитив эрх зүйн философийн нэг чиг хандлага хэмээн үздэг.
Хууль зүйн позитивизм нь жам ёсны эрхийн онолын “эрх зүй ямар байх ёстой вэ?” Гэсэн байх ёстой зүйлийн хүрээнд судлах арга зүйн асуудлыг шүүмжлэн “ямар байх ёстой вэ?” гэдэг бол “эрх зүй биш”, харин утопи санаа юм. Нөгөө талаар эрх зүйд зөв, шударга буюу буруу, шударга бус гэсэн ёс суртахуун, шашин, зан заншлын үүднээс өгөх субъектив үнэлэлт дүгнэлт нь эрх зүйн агуулгад огт хамааралгүй. Учир нь эрх зүй нь нийгмийн үзэгдлүүдээс хамааралгүй, агуулгаасаа ангид орших, гагцхүү өөрөө өөртөө үндэслэлээ олох цэвэр логик хэлбэр хэмээн үзэж, жам ёсны эрхийн онолыг үгүйсгэж байв3. Иймд хууль зүйн позитивизм нь зөвхөн эрх зүйн үзэгдлүүдийг л судлана хэмээн үзсэн. Хууль зүйн позитивизмын энэхүү үзэл санааг агностизм руу хальтирсан үзэл санаа хэмээн марксист философи шүүмжилж байв.

эрх зүй, эрх зүйн философи, хууль зүйн позитивизм, хууль ба эрх зүй, позитивист чиг хандлага

2011-04-15

3

Монгол

Бүрэн эхээр нь үзэх

2017-04-13

14997

285

Х.Сэлэнгэ “Хууль зүйн позитивизм: Онол, арга зүйн асуудал” (2011), ... дахь/дэх тал. Legaldata-аас унших боломжтой: https://legaldata.mn/b/200

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх