ХМХ | Нийтийн албан тушаалтан хөрөнгө завшихдаа албан бус, хувийн харилцааг ашигласан бол эрх мэдэл, албан тушаалын байдлаа урвуулан ашигласан гэж үзэхгүй

Judilogy

ХМХ | Хэргийн мэдээллийн хуудас нь шүүхээр шийдвэрлэгдэж хуулийн хүчин төгөлдөр болсон, хууль хэрэглээний нэгдмэл байдлын хангах, эрх зүйг хөгжүүлэхэд ач холбогдолтой маргаануудын товч дүн шинжилгээний цуврал

Мэдээллийн хуудас

Эрүүгийн эрх зүй, Эрүүгийн процессын эрх зүй

Шүүгдэгч Б нь ТӨХК-ийн гүйцэтгэх захирлаар 2012 оноос томилогдон ажиллаж байгаад 2018 онд ажлаас чөлөөлөгдсөн байна. Тэрээр 2015 оны 09 дүгээр сарын 28-ны өдрийн 00 дугаартай “Үндсэн хөрөнгө балансаас балансад шилжүүлэх тухай” Төрийн өмчийн хорооны тогтоолд тусгагдсан байсан “Э” ХХК-с ТӨХК-д шилжүүлэн авах ёстой байсан “Ланд-200” загварын тээврийн хэрэгслийг төрийн өмчит компанийн нэр дээр шилжүүлэлгүйгээр, тээврийн хэрэгслийг эзэмшиж байсан “Э” ХХК-тай бусдаар дамжуулан, харилцаж 2018 оны 06 дугаар сарын 12-ны өдөр өөрийн нэр дээр, улмаар 2018 оны 06 дугаар сарын 26-ны өдөр өөрийн танил Д.Б-гийн нэр дээр шилжүүлж, хувийн хэрэгцээндээ ашиглаж байжээ. 2018 оны 8 дугаар сарын 3-ны өдөр ажлаас чөлөөлөгдөхдөө уг тээврийн хэрэгслийг ТӨХК-д шилжүүлэн өгөлгүй, ажилд эргэн томилогдох талаар шүүхэд гомдол гаргасан хугацаанд өөрт хадгалж байсан тул ТӨХК-с 2019 оны 02 дугаар сарын 14-ний өдөр гэмт хэргийн талаарх гомдол, мэдээллийг гаргаж улмаар мөрдөн шалгах ажиллагааны явцад 2019 оны 07 дугаар сарын 01-ний өдөр ТӨХК-д шилжүүлж өгсөн. Улмаар ЭХ-ийн 22 дугаар бүлэгт заасан Эрх мэдэл, албан тушаалын байдлаа урвуулан ашиглах гэмт хэрэгт тус тус холбогджээ.
АШШ-ээс ЭХ-ийн 22.1.1-ээр зүйлчилсэн бол ДЗШШ-ээс гэмт хэрэг биш гэж үзэж хэргийг хэрэгсэхгүй болгосныг УДШ-ээс хүчингүй болгож, АШШ-ийн шийтгэх тогтоолд өөрчлөлт оруулж, "Хөрөнгө завших" гэмт хэрэг гэж үзсэн.

хөрөнгө завших гэмт хэрэг болон эрх мэдэл, албан тушаалын байдлаа урвуулан ашиглах гэмт хэргийг ялгах нь

2024-11-25

3

Монгол

Бүрэн эхээр нь үзэх

2024-11-25

530

12

Judilogy “ХМХ | Нийтийн албан тушаалтан хөрөнгө завшихдаа албан бус, хувийн харилцааг ашигласан бол эрх мэдэл, албан тушаалын байдлаа урвуулан ашигласан гэж үзэхгүй” (2024), ... дахь/дэх тал. Legaldata-аас унших боломжтой: https://legaldata.mn/b/2178

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх