Хүний хувийн мэдээллийг хамгаалах нь /гарын авлага/

Хүний эрхийн Үндэсний комисс

Гарын авлага & Аргачлал

Үндсэн хуулийн эрх зүй, Мэдээллийн нууцлал & Цахим эрх зүй

Хүний хувийн мэдээллийн нууцлал, аюулгүй байдлыг хангах нь улам чухал болсоор байна. Дэлхийн улс орнууд хүний хувийн мэдээллийн нууцлал хамгаалалтын тухай хууль тогтоомж баталж, энэ чиглэлээр хурдацтай өөрчлөлтийг хийж байна. Эдгээр хууль тогтоомж нь хүний хувийн мэдээллийг зөвхөн тодорхой зорилгоор, хуульд заасан үндэслэлээр л цуглуулж, боловсруулж, ашиглахаас эхлээд мэдээллийг хамгаалахын тулд шаардлагатай арга хэмжээг авах, холбогдох дүрэм журмыг батлах зэрэг олон шаардлагыг тухайн мэдээллийг цуглуулж, боловсруулж, ашигласан этгээдэд тавих болжээ.

Монгол Улсын хувьд ч энэхүү шаардлагыг хуульчлан 2021 оны 12 дугаар сарын 17-ны өдөр “Хүний хувийн мэдээлэл хамгаалах тухай” хуулийг баталсан. Тус хууль нь 2022 оны 5 дугаар сарын 1-ний өдрөөс эхлэн хүчин төгөлдөр мөрдөгдөж байна.

Иймд аж ахуйн нэгж, байгууллагууд энэхүү өөрчлөлтөд дасан зохицож, өөрсдийн үйл ажиллагаа болон дүрэм журмаа сайжруулах шаардлага бий болж байна.
Энэ гарын авлагыг хүний хувийн мэдээллийн нууцлал, аюулгүй байдлыг хамгаалахтай холбоотойгоор аж ахуйн нэгж, байгууллагууд байгууллагуудад тавигдаж буй Хүний хувийн мэдээлэл хамгаалах тухай хуулийн шаардлагуудыг ойлгох, тэдгээрийг мөрдөх явдлыг хялбарчлах зорилгоор бэлтгэсэн болно. Дээрхээс гадна гарын авлагад одоогийн практикийг үнэлэх, сайжруулахад шаардлагатай мэдээлэл болон бусад улс оронд хэрэгжүүлж буй сайн туршлагад үндэслэсэн зөвөлгөөг тусгасан болно.
Энэхүү гарын авлага нь өөрийн байгууллагын үйл ажиллагаа, бизнесийн давуу талыг нэмэгдүүлэхийг зорьж буй бүхий л хэлбэрийн аж ахуйн нэгж, байгууллагад зориулагдсан болно.

хүний хувийн мэдээлэл, нууцлал, нууц, хувийн мэдээлэл цуглуулах, хүний хувийн мэдээлэл хамгаалах тухай хууль

2023-01-01

21

Монгол

Бүрэн эхээр нь үзэх

2025-01-09

406

21

Хүний эрхийн Үндэсний комисс “Хүний хувийн мэдээллийг хамгаалах нь /гарын авлага/” (2023), ... дахь/дэх тал. Legaldata-аас унших боломжтой: https://legaldata.mn/b/2236

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх