Өрийг хувьцаагаа солих хууль, эрх зүйн асуудал, гарын авлага

Жаргалын Дөлгөөн

Гарын авлага & Аргачлал

Компани

Өрийг хувьцаагаар солих ажиллагаа нь Компанийн тухай хуулийн 25 дугаар зүйлд заасан зургаахан зохицуулалтаар хязгаарлагдах энгийн асуудал биш, нягтлан бодох бүртгэл, татвар, хөрөнгө оруулалт, зээлийн асуудлыг хамарсан цогц ажиллагаа хийгээд зөв ашигласан тохиолдолд компанийг санхүүгийн аливаа алдагдлаас сэргийлэх, хөрөнгө оруулалтыг нэмэгдүүлэх хэн бүхний мэдээд байдаггүй, хамгийн боломжит арга хэрэгсэл юм. Уншигч та бүхний өрийг хувьцаагаар солих ажилд дэмжлэг үзүүлэх зорилгоор жишээ, бодит хувьцаа эзэмшигчийн шийдвэр, Өрийг хувьцаагаар солих төслийн жишээг энэхүү гарын авлагад тусгав.

1.Өрийг хувьцаагаар солихын давуу талууд: Зээл, хүүгийн дарамт буурах, Хувь нийлүүлсэн хөрөнгийн хэмжээ өсөх, Зээлд төлөх байсан мөнгөн хөрөнгийг өөрийн үндсэн үйл ажиллагааг санхүүжүүлэх, бизнесийн цар хүрээг тэлэх зорилгоор ашиглах, Шинэ хувьцаа эзэмшигч орж ирснээр засаглал сайжрах, Зохистой харьцааны шалгуур үзүүлэлт хангах зэрэг. /хуудас 1-2/
2.Халаасны хувьцааг өр төлбөрөөр шууд солих боломжтой. /3-р хуудас, 2.2.с/
3.Өрийг хувьцаагаар солих зорилгоор нэмж гаргасан хувьцааг тэргүүн ээлжид худалдан авах хувьцаа эзэмшигчдийн эрхийг өр төлбөр авагчаас урьтаж заавал эдлүүлэх, эдлэх боломжоор хангах шаардлагатай. /4-р хуудас, 2.3/
4.Хэд хэдэн хувьцаа эзэмшигчтэй компанийн хувьд өөрийн эзэмшиж буй хувьцаанд ногдох хувь хэмжээгээр л нэмж гаргасан хувьцаанаас тэргүүн ээлжид худалдан авах эрхтэй. /4-р хуудас. А ХХК-ийн жишээ/
5.Хувьцаа эзэмшигч нь нэмж гаргасан хувьцааг тэргүүн ээлжид худалдан авах эрхээ бүхэлд нь эсхүл хэсэгчлэн хэрэгжүүлж болох ба бүхэлд нь эсхүл хэсэгчлэн бусад этгээдэд шилжүүлж бас болно. /4-р хуудас. Батын жишээ/
6.Хуралд оролцоогүй, эсрэг санал шаардлага гаргасан хувьцаа эзэмшигч нь компаниас хувьцааг эргүүлэн худалдан авах шаардлага гаргах эрхтэй. /5-р хуудас/
7.Өр төлбөр авагч нь өөрөө хувьцаа эзэмшигч тохиолдолд 1/ хувьцааг тэргүүн ээлжид худалдан авах эрхээ хэрэгжүүлэхээс татгалзаж, харин үүний дараа өр төлбөр авагчийн хувьд өр төлбөрөөр солихыг зөвшөөрнө. Хэрэв тэргүүн ээлжид худалдан авах эрхээ хэрэгжүүлвэл компанийн нэмж гаргасан хувьцааны төлбөрийг мөнгөн хөрөнгөөр эсхүл дүрэмд зөвшөөрсөн бусад хэлбэрээр төлнө. 2/ өр төлбөр авагч-хувьцаа эзэмшигчийн хувьд өрийг хувьцаагаар солих нь сонирхлын зөрчилтэй хэлцэл тул тухайн хувьцаа эзэмшигч өрийг хувьцаагаар солих асуудалд саналын эрхгүй, бусад жижиг хувьцаа эзэмшигчдийн дийлэнх олонхийн саналаар шийдвэрлэнэ. /6-р хуудас. Жишээ 2/
8.Өрийг хувьцаагаар солих эрх үүсэх: 1/ хувьцаа эзэмшигчид Компанийн нэмж гаргасан хувьцааг тэргүүн ээлжид худалдан авах эрхээ хэрэгжүүлэхээс татгалзаж, эсхүл хэрэгжүүлсэн ч цаана нь өрөөр солих хувьцаа үлдэх шаардлагатай. 2/ Өр төлбөр авагч эсхүл зээлдэгч зөвшөөрсөн байх.
9.Өрийг хувьцаагаар солих төсөл, нөхцөл журам. /хуудас 6-11/
10.Тайлан баланст хэрхэн бүртгэх талаар. /хуудас 8, 10/
11.Өрийг хувьцаагаар солих гэрээ, хүчин төгөлдөр бус болох нөхцөл / 11-р хуудас, 2.6/
12.Улсын бүртгэлд бүртгүүлэх асуудал. /13-р хуудас, 2.9/

Өрийг хувьцаагаар солих
Нэмж хувьцаа гаргах
Тэргүүн ээлжид хувьцаа худалдан авах хувьцаа эзэмшигчийн эрх
Хувьцаа эзэмшигчийн шийдвэр

2023-05-19

14

Монгол

Бүрэн эхээр нь үзэх

2025-05-12

404

23

6

Ж.Дөлгөөн “Өрийг хувьцаагаа солих хууль, эрх зүйн асуудал, гарын авлага” (2023), ... дахь/дэх тал. Legaldata-аас унших боломжтой: https://legaldata.mn/b/2392

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх