Гэмт хэргийн улмаас учирсан хохирол

Хууль зүйн үндэсний хүрээлэн

Судалгааны тайлан

Эрүүгийн эрх зүй, Гэм хорын эрх зүй

Өнөөдөр гэмт хэргийн улмаас иргэд олноороо хохирох, хохирлоо нөхөн төлүүлэх боломжгүйд хүрч, төр засгийн байгууллага, албан тушаалтанд бухимдлаа илэрхийлэх явдал нэлээд газар аваад байна. Тэгвэл ийнхүү гэмт хэргийн улмаас өөрт учирсан хохирлоо нөхөн төлүүлж чадахгүйд хүрч буй байдал нь эрх зүйн зохицуулалттай холбоотой юу, аль эсвэл хэрэг бүртгэх, мөрдөн байцаах байгууллага болон прокурор, шүүхээс хохирлын нэхэмжлэлийг шийдвэрлэж буй бодлоготой холбоотой юу, мөн шүүхийн шийдвэрийг гүйцэтгэх үйл ажиллагаатай холбоотой юу гэдгийг судлан дүгнэх шаардлага зүй ёсоор тавигдаж байна. Судалгааг гэмт хэргийн улмаас учирсан хохирлын төрөл, хэмжээг тогтоох, үнэлэх, шийдвэрлэх, нөхөн төлүүлэх талаархи эрх зүйн зохицуулалтыг боловсронгуй болгох зорилгоор хийсэн бөгөөд энэхүү зорилгын хүрээнд дараах зорилтуудыг дэвшүүлэн ажилласан. Үүнд: 1.Гэмт хэргийн улмаас учирсан хохирлыг нөхөн төлүүлэх эрх зүйн зохицуулалтын өнөөгийн байдалд дүн шинжилгээ хийх; 2.Хуулийн байгууллагууд хохирол нөхөн төлүүлэх тухай үндэсний хууль тогтоомж болон олон улсын гэрээ, конвенцийг ïрактикт хэрхэн хэрэглэж байгаад дүн шинжилгээ хийх; 3.Гэмт хэргийн улмаас учирсан хохирлын төрөл, хэмжээг тогтоож, үнэлж буй өнөөгийн байдалд дүн шинжилгээ хийх; 4.Шүүхээс гэмт хэргийн улмаас учирсан хохирлыг шийдвэрлэж буй өнөөгийн байдалд дүн шинжилгээ хийх; 5.Гэмт хэргийн улмаас учирсан хохирлыг гаргуулах тухай шийдвэрийн бодит биелэлтэд дүн шинжилгээ хийх; 6.Хорих ял эдэлж буй хоригдлуудын хөдөлмөр эрхлэлт, хөдөлмөрийн хөлс, үнэлгээ, хөдөлмөрийн хөлснөөс төлбөрийг төлүүлж буй байдалд дүн шинжилгээ хийх; 7.Хохирол нөхөн төлүүлэлтийн талаар гадаадын зарим орны хууль тогтоомж, туршлага, жишгийг харьцуулан судлах; 8.Гэмт хэргийн улмаас учирсан хохирлыг нөхөн төлүүлэх арга зүйг шинэчлэн боловсруулах; 9.Гэмт хэргийн улмаас учирсан хохирлын төрөл, хэмжээг тогтоох, үнэлэх, шийдвэрлэх, нөхөн төлүүлэх иж бүрэн арга хэмжээний талаар санал, зөвлөмж боловсруулах.

гэмт хэрэг, хохирол, нөхөн төлүүлэх, учирсан хохирол, шүүхийн шийдвэр, хорих ял, хохирогчийн эрх,

2007-02-22

47

Монгол

Бүрэн эхээр нь үзэх

2017-06-07

9008

577

Хууль зүйн үндэсний хүрээлэн “Гэмт хэргийн улмаас учирсан хохирол” (2007), ... дахь/дэх тал. Legaldata-аас унших боломжтой: https://legaldata.mn/b/248

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх