Орон сууцны талбайн хэмжээнээс үүдсэн зөрүү мөнгийг гаргуулах нэхэмжлэлтэй хэргийг хянан шийдвэрлэсэн шүүхийн шийдвэр, дүн шинжилгээ

Нямсүрэнгийн Норовсамбуу Р.Пүрэвбаатар

Уг судалгааг Нээлттэй Нийгэм Форумын судалгааны тэтгэлгийн дэмжлэгтэйгээр гүйцэтгэсэн болно. Судалгааг бүрэн эхээр нь ННФ-ын forum.mn сайтаас үзэх боломжтой.

Эрх зүйн шүүмж

Иргэний эрх зүй, Хэрэглэгчийн эрх

Манай улсын хувьд Хэрэглэгчийн эрхийг хамгаалах тухай хууль батлагдсан боловч үндсэн агуулга, зохицуулах харилцаа нь бусад орны хэрэглэгчийн эрхийг хамгаалах чиглэлийн хууль тогтоомжтой харьцуулахад харьцангуй хязгаарлагдмал хүрээнд байгаа юм. Дийлэнх зохицуулалт нь бараа, бүтээгдэхүүний доголдолтой холбоотой зохицуулалт (PL law) байгаа бөгөөд гэрээтэй холбоотой бусад нарийвчилсан зохицуулалтыг агуулаагүй байдаг. Өөрөөр хэлбэл, аж ахуй эрхлэгч болон хэрэглэгч хоорондын тэгш бус байдлыг харгалзан үзэж хэрэглэгчийн эрхийг хамгаалах зорилготой зохицуулалт дутмаг, энэ талаар тусгайлан судалсан нь ихээхэн ховор байгаа болно.

Гэтэл практикт худалдах, худалдан авах гэрээг хэрэглэгчтэй байгуулах явдал хамгийн түгээмэл байна. Монгол Улсын шүүхийн 2017 оны шүүн таслах ажиллагааны тайлангаас харвал 45233 хэргийг анхан шатны журмаар хянан шийдвэрлэснээс Иргэний хуулиар шийдвэрлэсэн хэргийн тоо 22783 байна. Үүний 15000 орчим нь гэрээний эрх зүйн хэрэг байснаас 7000 гаруй нь худалдах, худалдан авах гэрээтэй холбоотой маргаан байжээ. 7000 гаруй хэргээс хэд нь аж ахуй эрхлэгч болон хэрэглэгч хоорондын маргаан байсныг бидний зүгээс тодорхойлох боломжгүй боловч бусад маргааны төрөлтэй харьцуулахад хэрэглэгчийн эрхтэй холбоотой асуудал илүү их хэмжээгээр хөндөгдөж байгаа юм.

Судлаачдын зүгээс барилгын компани (аж ахуй эрхлэгч) болон хэрэглэгч хооронд байгуулсан орон сууц худалдах, худалдан авах гэрээний дагуу шилжүүлсэн орон сууцны талбайн хэмжээ дутуу байсны улмаас илүү төлсөн мөнгөө буцаан авах нэхэмжлэлтэй маргааныг сонгон авч дүн шинжилгээ хийв. Үүний үр дүнд уг төрлийн маргааныг шийдвэрлэдэг эрх зүйн зохицуулалтын өнөөгийн байдал болон хэрхэн тайлбарлаж хэрэглэж байгаа талаар толилуулах болно.

мэдэх боломж болон далд доголдол, үнийг бууруулах эрх, гэрээний гол нөхцөл гэх ойлголтын тухай, хуулийг үндэслэлгүй хэрэглэх нь, орон сууцны талбайн хэмжээний зөрүү

2019-06-12

55

Монгол

Бүрэн эхээр нь үзэх

2020-10-27

5905

641

37

Н.Норовсамбуу Р.Пүрэвбаатар “Орон сууцны талбайн хэмжээнээс үүдсэн зөрүү мөнгийг гаргуулах нэхэмжлэлтэй хэргийг хянан шийдвэрлэсэн шүүхийн шийдвэр, дүн шинжилгээ” (2019), ... дахь/дэх тал. Legaldata-аас унших боломжтой: https://legaldata.mn/b/810

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх