Шүүх хүний эрхийг хамгаалагч, шударга ёсыг тогтоогч болохынхоо хувьд авлигын эсрэг тэмцлийн гол цөм нь байх учиртай бөгөөд шударга үнэнийг олж, гэм бурууг зөв тогтоож, ял шийтгэл оноох чиг үүрэг гагцхүү шүүхэд байдаг. Нөгөөтэйгүүр эрх мэдэл хуваарилах онолын дагуу гүйцэтгэх болон хууль тогтоох байгууллагын албан тушаалтны авлигад өртсөн үйл ажиллагаанд хуулиар тогтоосон хэмжээ хязгаарын дотор шүүхээс зохих хяналтыг тавьж, хэрэгжүүлж байдгаараа шүүх авлигын эсрэг тэмцэлд тууштай зогсдог билээ.
Шүүх бол иргэд, олон нийтийн идэвхи санаачлага, итгэл шингэсэн, АТГ-ын мөрдөн шалгах үйл ажиллагааны бодит үр дүн болсон авлигын хэргийг шүүн тунгааж, шударга үнэнийг баримтлан хэлэлцэн шийддэг. Харин энэхүү авлигатай тэмцэх шүүхийн үйл ажиллагааг нийгмийн зүгээс үнэлэх үнэлэмж муу байсаар байгаа нь авлигатай тэмцэх шүүхийн үнэлэмжийг бууруулж байна.

авлигыг анагаах, авлигатай тэмцэх, авлигатай тэмцэх шүүхийн нөлөө, хараат бус шүүх, шүүхийн чадавих, авлигагүй шүүх, эрүүл шүүх, авлигын эсрэг шүүх, авлигын гэмт хэрэг