ХМХ | Зээлийн гэрээ байгуулсан төдийгөөр биш, зээл авах хүсэл зоригоо илэрхийлсэн этгээд нь зээлийн үүргийг хариуцна

Judilogy

ХМХ | Хэргийн мэдээллийн хуудас нь шүүхээр шийдвэрлэгдэж хуулийн хүчин төгөлдөр болсон, хууль хэрэглээний нэгдмэл байдлын хангах, эрх зүйг хөгжүүлэхэд ач холбогдолтой маргаануудын товч дүн шинжилгээний цуврал

Мэдээллийн хуудас

Иргэний эрх зүй, Арилжаа & Бизнесийн эрх зүй

Нэхэмжлэгч Д.Б нь хариуцагч Б.Б-тэй 2023.10.09-ний өдөр зээлийн гэрээ байгуулж, уг гэрээгээр зээлдүүлэгч Д.Б нь 100,000,000 төгрөгийг 2 сарын хугацаатай зээлдүүлэх, зээлдэгч нь уг мөнгөн хөрөнгийг гэрээний хугацаа дуусахад буцаан төлөх, гэрээнд заасан хугацаа хэтрүүлсэн тал нь хоног тутамд гүйцэтгээгүй үүргийн үнийн дүнгийн 0,5 хувиар алданги төлөхөөр тус тус тохиролцсон. 100,000,000 төгрөгийг Б.Б өөрийн дансаар хүлээн авсан ба зээлийн гэрээний үүрэг биелэгдээгүй.
Нэхэмжлэгч: Хариуцагч нарт холбогдуулан зээлийн гэрээний үүрэгт үндсэн зээл 100,000,000 төгрөг, алданги 50,000,000 төгрөг, нийт 150,000,000 төгрөг гаргуулах нэхэмжлэл гаргасан. Ингэхдээ А.А нь 100,000,000 төгрөгийг 2 сарын хугацаатай зээлэх хүсэлтийг хэд хэдэн удаа гаргасан боловч зөвшөөрөөгүй. Гэтэл эхнэр Б.Б-гийн нэр дээр зээлийн гэрээ байгуулъя гэхэд нь 2023.10.09-ний өдөр Б.Б-тэй гэрээ байгуулсан. Зээлийн төлбөрийг 2023.12.09-ний өдөр төлөхөөр тохирсон боловч төлөөгүй тул үндсэн зээл 100,000,000 төгрөг, алданги 50 хувиас хэтэрсэн тул 50,000,000 төгрөг, нийт 150,000,000 төгрөг гаргуулна.
Хариуцагч А.А: Хүнд даацын автомашин худалдан авахаар БНХАУ-д явж байхдаа Д.Б-тэй холбогдож 100,000,000 төгрөгийг 2 сарын хугацаатай зээлэхээр тохиролцсон. Миний бие БНХАУ-д явж байсан тул Д.Б нь Б.Б-тэй гэрээ байгуулж мөнгөн хөрөнгийг шилжүүлсэн. Үндсэн зээл 100,000,000 төгрөгийг төлнө, алданги 50,000,000 төгрөгийг төлөхгүй.
Хариуцагч Б.Б: Зээлийн гэрээний дагуу мөнгөн хөрөнгийг бодитоор аваагүй. Д.Б-г танихгүй. А.А нь Д.Б-тэй утсаар холбогдож гэрээний нөхцөлөө тохиролцож зээл авахаар болсон. Б.Б зээлийн гэрээг байгуулсан боловч А.А 100,000,000 төгрөгийг авч байгааг Д.Б мэдэж байсан. Д.Б зээлийн гэрээг бататгах зорилгоор дүр үзүүлж гэрээ байгуулсан. Зээлийн гэрээний үүргийг хариуцахгүй.

зээлийн гэрээ, гэрээний үүрэг, хүсэл зоригийн илэрхийлэл, хүү, зээл, мөнгөн хөрөнгө, эрх зүйн алдаа, төлөөлөл, төлөөлөгчийн бүрэн эрх, алданги

2025

3

Монгол

Бүрэн эхээр нь үзэх

2025-07-02

43

3

Judilogy “ХМХ | Зээлийн гэрээ байгуулсан төдийгөөр биш, зээл авах хүсэл зоригоо илэрхийлсэн этгээд нь зээлийн үүргийг хариуцна” (2025), ... дахь/дэх тал. Legaldata-аас унших боломжтой: https://legaldata.mn/b/2447

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх