Эрүүгийн хэрэг хянан шийдвэрлэх тухай хууль-д (ЭХХШТХ) заасан, давах шүүхийн шүүгчийн “хэргийг бүхэлд нь хянах”- эрх мэдлийг хязгаарлах нь түүний хараат бус байдлыг хангахад эерэг нөлөө үзүүлэх ашиг тустай байх юм. Харин хараат бус шүүгч нь бусдаас хамааралгүй байж, шударга шийдвэр гаргаж, хүний эрх, эрх чөлөөг хамгаалах боломж, чадвартай байх болно. Түүний тулд хуулийг өөрчлөх шаардлагатай гэдгийг хичээнгүйлэн танилцуулж, тайлбарлахыг оролдов. ... Давах шүүхийн шүүгч “хэргийг бүхэлд нь хянах” ажиллагааг ийнхүү хэрэгжүүлж байгаа нь Эрүүгийн хэрэг хянан шийдвэрлэх тухай хуулийн 1.7 дугаар зүйлийн 3-т “Шүүх хэргийн бодит байдлыг талуудын мэтгэлцээний үндсэн дээр тогтооно” гэж заасан эрүүгийн хэргийг шүүх хянан шийдвэрлэх талаарх суурь зарчмыг ноцтой зөрчиж байна. Иймд, хуулийн энэ заалтыг Улсын Их Хурал даруй өөрчлөн зөвтгөх шаардлагатай байна.

Үндсэн хууль, Хүний эрх, эрх чөлөө, Эрүүгийн хэрэг хянан шийдвэрлэх тухай хууль, шүүхийн шинэтгэл, Дээд шүүх, давах шүүх, анхан шатны шүүх, шүүгч, прокурор, өмгөөлөгч, шүүгдэгч, гомдол, эсэргүүцэл, шүүгчийн хараат бус байдал, мэтгэлцэх зарчим, Улсын Их Хурал, хуулийн өөрчлөлт.