Улсын дээд шүүхийн хяналтын шатны эрүүгийн хэргийн шүүхийн шийдвэрийн дүн шинжилгээ

Отгонбаярын Мөнхцэцэг

Энэхүү судалгааг Нээлттэй Нийгэм Форумын санхүүгийн дэмжлэгтэйгээр судлаач О.Мөнхцэцэг гүйцэтгэсэн болно. Судалгааг бүрэн эхээр нь ННФ-ын forum.mn сайтаас давхар үзэх боломжтой.

Эрх зүйн шүүмж

Эрүүгийн эрх зүй

Монгол Улсын Эрүүгийн хуулийг 2015 онд шинэчлэн найруулж баталсан билээ. Үүнээс хойш буюу 2017 оны 7 дугаар сарын 1-ээс 2020 оны 6 дугаар сарын 01 хүртэл шүүхийн шийдвэрийн цахим санд Эрүүгийн хуулийн 22.1 дүгээр зүйлд заасан “Эрх мэдэл, албан тушаалын байдлаа урвуулан ашиглах” гэмт хэргээр нийт зургаан хэрэг хяналтын шатны шүүхээр шийдэгдсэн тухай шийдвэр байрлуулжээ.

Дээрх хэргүүдээс судлаач хяналтын шатны шүүхийн 2019 оны 9 дүгээр сарын 17-ны өдрийн 407 дугаартай шийдвэрийг сонгон авч дүн шинжилгээ хийлээ. Шүүхийн шийдвэрт дүн шинжилгээ хийх үндсэн зорилго нь хууль тогтоомжийг нэг мөр хэрэглэх, шүүхийн нэгдмэл практик тогтоох явдал байдаг. Бидний сонгож авсан хэрэг анхан шатны шүүхээс ял оногдуулж, давж заалдах шатны шүүхээс хэргийг хэрэгсэхгүй болгон шүүгдэгчийг цагаатгаж, хяналтын шатны шүүхээс эргээд анхан шатны шүүхийн шийдвэрийг хэвээр үлдээж шийдвэрлэсэн байгаагаараа шүүхийн нэгдмэл практик тогтоогүй болох нь илэрхий харагдаж буй хэлбэр юм. Үүний зэрэгцээ шат шатны шүүхээс Эрүүгийн хуулийн 22.1 дүгээр зүйл дэх хамгийн тодорхойгүй, эргэлзээтэй гэмт хэргийн шинжийг илэрхийлсэн ухагдахуун болох “өөртөө, болон бусдад давуу байдал олгох” тухай ойлголтыг тайлбарлаж, шүүхийн нэгдмэл практик тогтоохыг оролдсон тохиолдол байв.

шүүхийн шийдвэр, шүүхийн шийдвэрийн дүн жилгээ, авлига, авлигын гэмт хэрэг, өөртөө болон бусдад давуу байдал бий олгох

2021-03-04

21

Монгол

Бүрэн эхээр нь үзэх

2022-01-20

3392

138

7

О.Мөнхцэцэг “Улсын дээд шүүхийн хяналтын шатны эрүүгийн хэргийн шүүхийн шийдвэрийн дүн шинжилгээ” (2021), ... дахь/дэх тал. Legaldata-аас унших боломжтой: https://legaldata.mn/b/1160

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх