Хууль сахиулах байгууллагаас хэл, ярианы бэрхшээлтэй иргэдэд тусламж, үйлчилгээ үзүүлэхэд анхаарах асуудал

Найданпүрэв Бадамцэцэг

Эрдэм шинжилгээний өгүүлэл

Шүүхийн шийдвэр гүйцэтгэл

Монгол Улсын Үндсэн хуулийн 14 дүгээр зүйлийн 14.2 дахь хэсэгт Хүнийг үндэс, угсаа, ХЭЛ, арьсны өнгө, нас, хүйс нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно. Хүн бүр эрх зүйн этгээд байна гэж заасан боловч хуулийн хэрэгжилт дутмаг байна. Өөрөөр хэлбэл сонсгол, хэл ярианы бэрхшээлтэй иргэдийн хууль ёсны эрх ашиг хөндөгсөөр өнөөг хүрсэн. Эх хэл гэдэг нь аливаа улс, үндэстний оршин тогтнох, үндэсний онцлогоо харуулах амин чухал ач холбогдолтой зүйл бөгөөд хувь хүн нийгэмд эзлэх байр суурь, боловсрол эзэмших, өөрийн байр суурь, нийгмийн харилцаанд ороход чухал үүрэг гүйцэтгэдэг.

Шинжлэх ухаанд дохионы хэлийг Дактилология (dactylologe or fingerspelling) буюу хурууны үсэг, дохио зангаа (Singned language)-ны гэсэн 2 үндсэн хэсэгт хуваан, хараагаар хүлээн авах хэл (visual language)-ний томоохон салбарыг судалж иржээ.
Монгол дохионы хэл нь баялаг олон жилийн түүхгүй дөчин жилийн тэртээгээс хөгжиж байгаа харьцангуй хөгжлийн түүх, судлагдсан байдал багатай салбар гэж үзэж болно.
Монгол дохионы хэл бол сонсголгүй хүний эх хэл мөн бөгөөд дохионы хэлээрээ нийгмийн бүхий л харилцаанд оролцох эрхтэй гэж Хөгжлийн бэрхшээлтэй хүний эрхийн тухай хуулийн 12 дугаар зүйлийн 12. 1 дэх хэсэгт заасан байдаг.

Хөгжлийн бэрхшээлтэй буюу сонсгол, хэл ярианы бэрхшээлтэй иргэд өөрсдийн эх хэл болох дохионы хэлээр төрийн үйлчилгээг түргэн шуурхай авах боломж өнөөг хүртэл аль ч шатны байгууллагад хомс байна. (Монгол улсын хэмжээнд 20 гаран дохионы хэлний хэлмэрч байдаг)
Хууль, эрх зүйн туслалцаа шаардлагатай болох үед сонсгол, хэл ярианы бэрхшээлтэй иргэдтэй шууд харьцах, анхан шатны тусламж, үйлчилгээг тухайн чиглэлээр үзүүлэх мэргэшсэн дохионы хэлний мэргэжилтэнгүй байгаа нь эдгээр иргэдэд орхигдсон, мартагдсан, гадуурхагдсан мэдрэмжийг төрүүлдэг.
Судалгаанаас үзэхэд сонсголын бэрхшээлтэй хүүхдийн 29 дүгээр тусгай сургуульд жилд 20-25 хүүхэд элсэн орж, 14-25 хүүхэд бүрэн дунд боловсрол эзэмшин төгсөж, та бидэнтэй хөл нийлүүлэн алхаж байна. Сонсгол, хэл ярианы бэрхшээлтэй хүн Монгол дохионы хэлээр хоорондоо бүрэн ойлголцдог бөгөөд хэл бичгийн чадварыг энгийн сонсголтой иргэдтэй адилаар 12 жилийн хугацаанд эзэмшиж чаддаггүй, үйл үг холбох, утгыг дөхүүлэх төдий хэмжээнд эзэмшин төгсдөг нь жил бүр их дээд сургуульд элсэн суралцахаар Монгол хэл, бичгийн шалгалт өгч байгаа сонсгол, хэл ярианы бэрхшээлтэй хүүхдүүдийн ЭЛСЭЛТИЙН ЕРӨНХИЙ ШАЛГАЛТ-ын онооноос харж болох юм. /150-340 оноо авдаг/

Хүний эрх, дохионы хэл, боловсролын байгууллага, төрийн байгууллагын үйлчилгээ, сонсголын бэрхшээлтэй хүн, хэл ярианы бэрхшээлтэй хүн, дохио зангаа.

2022-08-17

9

Монгол

Бүрэн эхээр нь үзэх

2022-10-18

2508

11

15

Н.Бадамцэцэг “Хууль сахиулах байгууллагаас хэл, ярианы бэрхшээлтэй иргэдэд тусламж, үйлчилгээ үзүүлэхэд анхаарах асуудал” (2022), ... дахь/дэх тал. Legaldata-аас унших боломжтой: https://legaldata.mn/b/1371

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх