Шүүхийн шийдвэрийн үндэслэл нь маргааны үйл баримтыг тодорхойлох, тухайн маргаантай харилцаанд тохирох эрх зүйн хэм хэмжээг олж сонгох, улмаар тайлбарлах замаар хэрэглэх зэрэг хууль зүйн нарийн дүн шинжилгээ бүхий дүгнэлт байхаас гадна маргалдагч талуудад зориулагдаж , ойлгомжтой байдлаар бичигдсэн байх ёстой.
Шүүхийн шийдвэр нь шүүгч өөрөө хуульд захирагддагийн нотолгоо юм. Шийдвэрийн үндэслэлд маргалдагч талуудын ямар үндсэн эрх зөрчигдсөн, эсхүл хамгаалагдсан талаар тайлбарлаж бичих нь талуудыг хүний ёсоор хүндэтгэж тэдгээрийн эдлэх эрх, хүлээх үүргийг нь таниулах замаар хүний эрхэм чанарыг дээдлэх давхар агуулгыг илэрхийлнэ.

Шүүхийн шийдвэр, шийдвэрийн үндэслэлийг мэдэх эрх, үндэслэлийг мэдэх эрх, шударга шүүхээр шүүлгэх эрх