Эрүүл аюулгүй орчинд амьдрах эрхийн хэрэгжилт, нөхцөл байдал

Хүний эрхийн Үндэсний комисс

Монгол Улс дахь хүний эрх, эрх чөлөөний байдлын талаарх 23 дахь илтгэлээс хэсэгчлэн оруулав

Судалгааны тайлан

Үндсэн хуулийн эрх зүй

Эрүүл аюулгүй орчинд амьдрах эрх нь өргөн хүрээний асуудал бөгөөд энэхүү эрхийг хэрэгжүүлэхийн тулд төрөөс наад захын болон зайлшгүй шаардлагатай нөхцөлийг бүрдүүлж, үүний үр дүнд иргэн эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхээ эдлэх боломжтой болдог.

Хүн эрүүл аюулгүй орчинд амьдрахад байгалийн болон нийгмийн сөрөг нөлөөллөөс хамгаалагдах хэрэгцээтэй, тэр утгаараа байгалийн гамшиг, агаар, ус, хөрс, орчны бохирдол, барилга байгууламж, авто зам, хот суурин газрын аюулгүй байдал, стандарт цаашилбал химийн хорт болон аюултай хог хаягдлын менежментийн асуудлыг зохистой түвшинд шийдвэрлэх шаардлагатай нь зүй ёсны асуудал болно.

Хүрээлэн буй орчны асуудлаар 180 улсыг хамруулсан 2022 оны индексийн үзүүлэлтээр Монгол Улс 155 дугаар байранд байгаа бөгөөд, агаарын, хөрсний, усны бохирдол нь үндэсний болон олон улсын стандартын үзүүлэлтээр ноцтой түвшинд байгаа тул орчны чанарыг зохистой түвшинд хүргэх, аюулгүй орчны стандартын хэрэгжилтийг хангах асуудал нэн тулгамдсан болохыг илэрхийлж байна.

Агаар, орчны бохирдлын улмаас хүн амын эрүүл мэндэд тодорхой өвчлөл, хүндрэл ихсэх үр дагавар, хүрээлэн буй орчинд усыг бохирдуулах, дэлхийн дулаарал, биологийн олон янз байдлыг устгах, хүчлийн бороо үүсгэх зэрэг нөлөөлөл үзүүлдэг бол, эдийн засгийн хувьд эрүүл мэндийн зардал, бүтээмжийн алдагдсан зардал, газар тариалан, ургацад нөлөөлдөг түүнчлэн нийгмийн үр нөлөө нь эрүүл мэндийн хувьд эмзэг бүлгийнхний тэгш бус байдлыг ихэсгэх төдийгүй, хүн амын сэтгэцийн эрүүл мэндэд ч сөрөг нөлөө үзүүлдэг байна.

Энэ бүлгийн хүрээнд Монгол Улсын Үндсэн хуульд заасан эрүүл аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхийг нарийвчлан зохицуулсан байгаль орчны салбарын хууль тогтоомж, эрх зүйн актын дүн шинжилгээний үр дүнд давхардал 16, зөрчил 29, хийдэл 71 байгааг тодорхойлсон. Түүнчлэн агаар, хөрс болон усны бохирдол, Улаанбаатар хотын стандартын асуудал, уул уурхайн нөлөөллийн бүсэд амьдарч байгаа орон нутгийн иргэдийн эрүүл аюулгүй орчинд амьдрах эрхийн хэрэгжилтийн нөхцөл байдалд хийсэн хяналт шалгалт, судалгааны үр дүнг тусгалаа.

хүний эрх, хөрсний бохирдол, хог хаягдал, барилга байгууламж, амьдрах орчин, цэвэр агаар, агаарын бохирдол, агаарын чанар, ус, усны хүртээмж, усны бохирдол, орчны бохирдол, уул уурхай, явган хүний зам

2024-03-31

62

Монгол

Бүрэн эхээр нь үзэх

2024-08-06

1063

49

162

Хүний эрхийн Үндэсний комисс “Эрүүл аюулгүй орчинд амьдрах эрхийн хэрэгжилт, нөхцөл байдал” (2024), ... дахь/дэх тал. Legaldata-аас унших боломжтой: https://legaldata.mn/b/2064

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх