Товчлол: Аливаа улс үндэстний онцлог шинж чанар тухайн үндэстний уламжлал, нийгмийн ёс суртахуун, үнэт зүйл, үнэлэмж зэрэг олон хүчин зүйлсээс бүрэлдэн бий болж оршин тогтнодог. Эдүгээ улс үндэстэн бүр даяарчлалаас татгалзан үндэстний онцлог, уламжлалт соёл, үнэт зүйл, иргэншлийг авч үлдэхэд анхааран, эрмэлзэх боллоо.
Судлаач, хуульчид Шашны эрх чөлөөг илэрхийлэхдээ ихэнхдээ Шашин шүтэх эрхийн хүрээнд судалж санал бодлоо илэрхийлдэг. Жил бүр АНУ-ын элчин сайдын яамнаас дэлхийн улс орнуудын “Шашны эрх чөлөөний тайлан” -г тогтмол хэвлүүлэн гаргаж иржээ. Нийтлэлийг бичигч “Шашны эрх чөлөө” ба “Шашин шүтэх эрх чөлөөний” зааг ялгааг тодруулж, тэдгээрийн онцлог шинж чанар, адил төстэй талыг хэм хэмжээний хувьд илэрхийлэн гаргахыг оролдсон болно. Шашин нь дан итгэл үнэмшил бус бөгөөд зохион байгуулалтад орсон нэгдэл, институци, нийгэмд тодорхой үүрэг хүлээдэг. Аливаа шашин үйл ажиллагаагаа өргөжүүлэх, бүс нутагт шашнаа дэлгэрүүлэх, шашин шүтэгчдээ тэлэх бодлогыг үргэлжид баримталдаг.
Иймээс шашны эрх чөлөө болон шашин шүтэх эрхийн зааг ялга, онцлог нь хууль зүйн шинжлэх ухаанд зайлшгүй судлагдах ёстой сэдэв юм.

Шашин шүтэх эрх чөлөө, Шашны эрх чөлөө, ТСХХ тухай Хууль, Үндсэн хуулийн цэц, шашны байгууллага,