2015 оны хавар Хуульчийн эрх зүйн байдлын тухай хуулийн шинэчилсэн найруулгын төсөл (ХЭЗБТХШНТ) болон Өмгөөллийн тухай хуулийн төсөл (ӨТХТ)-ийг Хууль зүйн яамнаас боловсруулж, ӨТХТ-ийг УИХ-д өргөн барьсан. Эдгээр төслүүд 2012 оны Хуульчийн эрх зүйн байдлын тухай хууль (ХЭЗБТХ), түүнд үндэслэн гарсан Хуульчийн мэргэжлийн дүрэм (2013) болон Мэргэжлийн хариуцлагын хорооны журмууд (2014)-аар орж ирсэн олон улсын стандарт, дэвшилтэт зохицуулалтуудыг үгүй болгож, 2012 онд эхэлсэн эрх зүйн шинэчлэлд олон ухралт хийхээр байсан.

Энэхүү өгүүллээр Хуульчийн мэргэжлийн дүрэм болон Монголын Хуульчдын холбооны журмуудыг боловсруулах ажлын хэсэгт эх баригчаар ажиллан энэ чиглэлийн судалгаа хийж байсны хувьд дээрхи хуулийн өөрчлөлт нь одоогийн хуульчийн мэргэжлийн хариуцлагын тогтолцооны үр нөлөөтэй, хараат бус, шударга байдлыг хэрхэн дордуулах вэ гэдгийг хүчин төгөлдөр үйлчилж байгаа хууль, дүрэм, журам болон олон улсын туршлагатай харьцуулан харуулахыг зорьсон.

хуульчийн эрх зүйн байдал, Монголын хуульчдын холбоо, Хуульчийн эрх зүйн байдлын тухай хуулийн төслийн шиэнчилсэн найруулга, хуульчийн мэргэжлийн үйл ажиллагааны нэгдмэл стандарт, Хуульчийн Мэргэжлийн хариуцлагын хороо, хуульчийн ёс зүй, хуульчийн хариуцлага