Энэхүү нийтлэлийн хүрээнд үндэсний эрх зүй ба олон улсын түгээмэл эрх зүйн хоорондын харьцааны тухай асуудал болох маргаан үүссэн тохиолдолд эрх зүйн дээрх хоёр системийн алиныг нь хэрэглэх вэ гэдэг асуудлыг судлан хөндөх оролдлого хийсэн.

Ингэхдээ нэг талаас дээрх харилцааг онолын үүднээс хэрхэн дүгнэн үздэг, нөгөө талаас түүнийг зохицуулах арга замыг Монгол Улсын Үндсэн хуулиар хэрхэн шийдвэрлэсэн гэдгийг тус бүр авч үзэж байгаа болно. Уг нийтлэлийг бэлтгэхдээ сэдэв болон агуулгыг үүсмэл эрх зүйд хамааруулаагүй бөгөөд дан ганц түгээмэл эрх зүйн асуудлаар хязгаарлах зорилгыг тавьсан юм.

үндэсний эрх зүй ба олон улсын эрх зүй, монист ба дуалист онол, үндсэн хуулийн эрх зүй, үндсэн хуулийн цэц, үндсэн хуулийн шүүх, Монгол Улсын олон улсын гэрээ