Хоол хүнстэй байх эрх ба хүнсний тухай хуулийн хэрэгжилт

Эмнести Интернэшнл

Судалгааны тайлан

Үндсэн хуулийн эрх зүй

Непал улсын 2015 онд батлагдсан Үндсэн хуулийн 36-р зүйлд заасан “хоол хүнстэй байх эрх”-ийг хэрэгжүүлэхээр 2018 онд “Хоол хүнстэй байх эрх ба хүнсний тухай хууль” (цаашид Акт гэх) батласныг Эмнести Интернэшнл сайшаан хүлээн авч байна. Тус улсын ерөнхийлөгч батламжилснаар энэ Акт 2018 оны 9 сарын 18-ны өдрөөс эхлэн хүчин төгөлдөр болжээ. Непал улсын хэмжээнд өрхийн хүнсний аюулгүй байдал дөнгөж 48.2 %,1 хүн амын 21.6% нь ядуу амьдралтай, хүн амын ойролцоогоор 41% нь хоол хүнснээс авах хамгийн бага илчлэгээ ч авч чаддаггүй ба бараг хоёр сая орчим хүн хоол тэжээлийн дутагдалтай гэж үзсэн байна. 5 хүртэлх насны хүүхдийн 36% нь хоол тэжээлийн хурц дутагдалд орсон байх ба мөн 5 хүртэлх насны хүүхдийн 53% нь цус багадалттай (6% нь бага зэргийн, 26% нь дунд зэргийн, 1% хүнд хэлбэрийн) байна. Непалын засгийн газар дээр дурдсан өлсгөлөн, хоол тэжээлийн дутагдал болон хүнсний баталгаагүй байдлын асуудлыг шийдвэрлэхээ амлаад байгаа билээ. Үндсэн хуулийн 36-р зүйл болон Үндсэн хуулиар баталгаажсан бусад эрхүүдийг бодитоогоор эдлүүлэхийн тулд хуулийн эрүүл зөв тогтолцоо, мөн хуулийг үр дүнтэйгээр хэрэгжүүлдэг байх хэрэгтэйг Эмнести Интернэшнл онцолж байна. Хоол хүнсний тухай Акт болон Эдийн Засаг, Нийгэм, Соёлын Эрхийн тухай Олон Улсын Пакт (ЭЗНСЭОУП)- аар Непал улсын хүлээсэн үүрэг хариуцлага зэргийг харьцуулан Эмнести Интернэшнлээс Хоол хүнстэй байх эрх ба хүнсний хараат бус байдлын тухай хуулийн хэрэгжилтэнд үнэлгээ хийж, тус улсын засгийн газарт эрх зүйн тогтолцоогоо бэхжүүлэх, батласан хуулиа хэрэгжүүлэхэд нь туслалцаа үзүүлэх зорилгоор дараах санал, зөвлөмжүүдийг өгч байна. Эмнести Интернэшнлийн зүгээс тус хуулийн давуу болон сул талуудыг тодорхойлох, хуулийн батлагдасан заалтуудыг шуурхай хэрэгжүүлэхэд иргэний нийгмийн оролцоог нэмэгдүүлэх зорилгоор Непалийн иргэний нийгмийн байгууллагуудын санаачилгыг дэмжих асуудлыг мөн санал болгожээ.

өлбөрөхөөс сэргийлэх нь, хүнсний тусламж, тариачдын эрх, эмэгтэйчүүдийг эрх мэдэлжүүлэх, хүнс тэжээлийн үндэсний хөтөлбөр, үнийн тогтвортой байдал

2019-03-17

24

Монгол

Бүрэн эхээр нь үзэх

2021-10-14

3315

36

48

Эмнести Интернэшнл “Хоол хүнстэй байх эрх ба хүнсний тухай хуулийн хэрэгжилт” (2019), ... дахь/дэх тал. Legaldata-аас унших боломжтой: https://legaldata.mn/b/1066

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх