Зээлийн гэрээг цуцалснаас хойш хүү шаардсан маргааны шүүхийн шийдвэрийн шинжилгээ

Баярмаагийн Ананд Лхагва-Очирын Анхбаяр Мөнхтөрийн Балжинсүрэн

Энэхүү судалгааг Нээлттэй Нийгэм Форумын санхүүгийн дэмжлэгтэйгээр гүйцэтгэсэн Судалгааны бүрэн эхийг ННФ-ын forum.mn сайтаас давхар үзэх боломжтой.

Эрх зүйн шүүмж

Иргэний эрх зүй

Судлаачдын баг шүүхийн шийдвэрүүдэд дүн шинжилгээ хийх ажлын хүрээнд www.shuukh.mn хуудсанд байршуулсан Монгол Улсын Шүүхийн шийдвэрийн цахим сан дахь шүүхийн шийдвэрүүдээс банк, зээлийн үйл ажиллагаа эрхлэх эрх бүхий этгээдээс олгосон зээлтэй холбоотой иргэний хэргийг шийдвэрлэсэн УДШ-ийн тогтоол болон Давж заалдах шатны шүүх (ДЗШШ)-ийн магадлалаас 360 орчим шийдвэрийг судалсан байна. Тэдгээрээс банк, зээлийн үйл ажиллагаа эрхлэх эрх бүхий этгээдийн олгосон зээлтэй холбоотой буюу зээлдүүлэгч зээлийн гэрээг цуцалж, зээл, зээлийн хүү, нэмэгдүүлсэн хүү төлөхийг зээлдэгчээс шаардсан нэхэмжлэлийн шаардлага бүхий 120 хэрэг сонгож, түүнээс нийт 20 иргэний хэргийг түүвэрлэн авч судалсан.

Шүүхийн шийдвэрүүдэд дүн шинжилгээ хийхтэй холбоотойгоор банк, зээлийн үйл ажиллагаа эрхлэх эрх бүхий этгээдийн зээлийн гэрээний эрх зүйн онцлог зохицуулалтууд, бусад зээлийн гэрээнээс хэрхэн ялгагддаг тухай болон тэдгээр гэрээнээс татгалзсан, цуцалсан үндэслэлээр үүрэг дуусгавар болохтой холбоотой онолын үзэл баримтлалыг мөн тодрууллаа.
Онол, эрх зүйн зохицуулалтуудыг тодруулсны дараа дээрх шалгууруудаар түүвэрлэн авсан шүүхийн шийдвэрүүдтэй танилцсаны дагуу зээлийн гэрээг цуцалснаас хойш хүү, нэмэгдүүлсэн хүү тооцон нэхэмжилсэн нэхэмжлэлийн шаардлагыг хангасан болон хэрэгсэхгүй болгосон гэсэн төрлөөр шийдвэрүүдийг ангилж, хуулийн ямар зохицуулалтыг үндэслэн ямар тохиолдолд хангасан, ямар тохиолдолд хэрэгсэхгүй болгосныг тодорхойлох байдлаар дүн шинжилгээ хийлээ.

Түүнчлэн Монгол Улсын шүүхийн шийдвэрүүдэд дүн шинжилгээ хийхээс гадна судалгааны сэдвийн хүрээнд банк, зээл олгох эрх бүхий хуулийн этгээдээс зээл олгосон зээлийн гэрээг цуцалснаас хойш хүү, нэмэгдүүлсэн хүү тооцох асуудлыг гадаад улсын хууль тогтоомжид хэрхэн зохицуулж, шүүх нь үүнтэй холбоотой маргааныг хэрхэн шийдвэрлэдэг байдлыг харьцуулахаар Япон Улсын жишээг сонгож судлав.

зээл, зээлийн гэрээ, зээлийн гэрээний маргаан, банк, эрх бүхийн этгээдээс зээл олгох, зээлийн хүү шаардах, зээлийн гэрээг цуцлах, зээлийн гэрээг цуцалснаас хүү шаардах, зээлийн маргааны шүүхийн шийдвэр

2021-05-31

82

Монгол

Бүрэн эхээр нь үзэх

2021-10-27

5359

375

32

Б.Ананд Л.Анхбаяр М.Балжинсүрэн “Зээлийн гэрээг цуцалснаас хойш хүү шаардсан маргааны шүүхийн шийдвэрийн шинжилгээ” (2021), ... дахь/дэх тал. Legaldata-аас унших боломжтой: https://legaldata.mn/b/1099

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх