ХМХ | Бэлэглэлийн гэрээ хэлбэрийн шаардлага хангаагүй нь ажилтандаа орон сууц бэлэглэхээр амлаж, батламж гардуулан, орон сууцыг эзэмшилд нь шилүүлсэн үйл баримтыг үгүйсгэхгүй

Judilogy

ХМХ | Хэргийн мэдээллийн хуудас нь шүүхээр шийдвэрлэгдэж хуулийн хүчин төгөлдөр болсон, хууль хэрэглээний нэгдмэл байдлын хангах, эрх зүйг хөгжүүлэхэд ач холбогдолтой маргаануудын товч дүн шинжилгээний цуврал

Мэдээллийн хуудас

Иргэний эрх зүй, Гэрээ & Үүргийн эрх зүй

Нэхэмжлэгч нь 2019 оны 02 сард Хариуцагч ХХК-д ажилд орсон, 2019 оны 09 сард ажил олгогч болох Хариуцагч ХХК нь Нэхэмжлэгчийг амжилт бүтээлээрээ хамт олноо хошуучлан ажилласныг үнэлж, 2019 оны шилдэг ажилтнаар тодруулж, 3 өрөө орон сууцаар урамшуулан шагнах батламж олгосон. Ийнхүү 2021 оны 01 сард 3 өрөө орон сууцыг Нэхэмжлэгчийн эзэмшилд шилжүүлэн өгч (өмчлөлийг шилжүүлээгүй буюу Нэхэмжлэгч нь үл хөдлөх эд хөрөнгийн улсын бүртгэлд тухайн орон сууцны өмчлөгчөөр бүртгэгдээгүй), үүнээс хойш Нэхэмжлэгч гэр бүлийн хамт тус орон сууцанд амьдарч байсан. Нэхэмжлэгч нь 2022 оны 09 сард эрүүл мэндийн байдлаас шалтгаалан өөрийн хүсэлтээр ажлаас чөлөөлөгдсөний дараа 2022 оны 11 сард Хариуцагч ХХК нь тус орон сууцны хаалганы голыг сольж, Нэхэмжлэгчийг байранд орох боломжгүй болгож, улмаар бусдад 102,000,000 төгрөгөөр худалдсанаар орон сууц гуравдагч этгээдийн өмчлөлд шилжсэн байна. Нэхэмжлэгчийн үндэслэл. ИХ-ийн 276.2 дахь хэсэгт зааснаар эд хөрөнгийг шилжүүлснээр бэлэглэлийн гэрээ байгуулагдсанд тооцогдоно. Миний ажил үйлс, амжилт бүтээлээрээ хамт олноо хошуучлан ажилласныг өндрөөр үнэлж 2019 оны Шилдэг ажилтнаар тодруулж, батламж олгож, орон сууцыг шилжүүлсэн байсан. Иймд, орон сууц гуравдагч этгээдийн өмчлөлд шилжсэн тул үнийг гаргуулж өгнө үү. Хариуцагчийн үндэслэл. ИХ-ийн 109 дүгээр зүйлд зааснаар үл хөдлөх эд хөрөнгө улсын бүртгэлд бүртгэгдсэнээр өмчлөх эрх үүсдэг. Мөн ИХ-ийн 276.3-т хуулиар тогтоосон хэлбэрээр гэрээ хийснээр өмчлөх эрх үүсдэг хөрөнгийн хувьд бэлэглэлийн гэрээг тухайн хэлбэрээр хийхээр заасан. Орон сууц нь үл хөдлөх эд хөрөнгийн улсын бүртгэлд Нэхэмжлэгчийн нэр дээр бүртгэгдээгүй буюу орон сууц нь Нэхэмжлэгчийн өмчлөлийн эд хөрөнгө биш байсан. Орон сууцыг тухайн ажилтан нь 5 жилийн хугацаанд тогтвортой ажилласан тохиолдолд өмчлөлд шилжүүлэх нөхцөлтэй шилжүүлсэн. Батламж өгч байгаа үйл баримт нь баяр ёслолын арга хэмжээ байсан. Нэхэмжлэгч нь ажилдаа ирэхэд хүндрэлтэй, хол байсан тул үр бүтээлтэй ажиллуулахын тулд орон сууцны эзэмшлийг шилжүүлсэн.

Бэлэглэлийн гэрээ, тусгай зориулалттай бэлэглэлийн гэрээ, үл хөдлөх хөрөнгө, орон сууц, гэрээний хэлбэрийн шаардлага, өмчлөх эрх

2025

3

Монгол

Бүрэн эхээр нь үзэх

2025-06-16

70

2

Judilogy “ХМХ | Бэлэглэлийн гэрээ хэлбэрийн шаардлага хангаагүй нь ажилтандаа орон сууц бэлэглэхээр амлаж, батламж гардуулан, орон сууцыг эзэмшилд нь шилүүлсэн үйл баримтыг үгүйсгэхгүй” (2025), ... дахь/дэх тал. Legaldata-аас унших боломжтой: https://legaldata.mn/b/2421

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх