1990 оны өөрчлөлт, шинэчлэлтийн үр нөлөөгөөр манай улсад цоо шинэ нийгмийн тогтолцоо бий болох нөхцөл бүрдэж, улмаар шинэ, ардчилсан Үндсэн хуулийг хэлэлцэн баталсан юм. Үүнтэй холбоотойгоор засаг захиргаа, нутаг дэвсгэрийн нэгжийн удирдлагын хувьд ямар байх талаар УБХ-ын гишүүдийн дунд өргөн хэлэлцүүлэг өрнөсний дүнд нутгийн өөрөө удирдах байгууллагыг төрийн удирдлагатай хослуулах зарчмын үндсэн дээр хэрэгжихээр зохицуулсан. Энэ хүрээнд нутгийн өөрөө удирдах байгууллагын эрх хэмжээг Үндсэн хуульдаа тусгахаас татгалзаж, ерөнхий үзэл баримтлалыг нь тусгах саналыг гаргасан. Гэтэл уг ерөнхий үзэл санааг хууль тогтоогч болон Засгийн газар үл огоорон намын мөрийн хөтөлбөр зэргээр амласан зүйлээ хэрэгжүүлэх арга хэрэгсэл болгож буй зэрэг практик жишээг түлхүү хөндөх замаар нутгийн өөрөө удирдах байгууллагын өмчийн удирдлагын талаарх эрх зүйн асуудлыг энэхүү илтгэлд авч үзэв.

Бүтээлийн хувьд Монгол Улсын Хөдөлмөрийн баатар, ардын багш, гавьяат хуульч, доктор, профессор Б.Чимидийн нэрэмжит эрдэм шинжилгээний шилдэг илтгэлийн уралдаан (2020)-д "оюутан"-ы салбарт ТЭРГҮҮН байр эзэлсэн бүтээл болно.

Орон нутгийн өмч, Нутгийн өөрөө удирдах ёс, Нутгийн өөрөө удирдах байгууллага, Иргэдийн төлөөлөгчдийн хурал, төвлөрлийг сааруулах зарчим.