Виртуал хөрөнгийг эрх зүйн үүднээс тодорхойлох нь (Криптовалютын жишээн дээр)

Моёорын Түвшинжаргал

Эрдэм шинжилгээний өгүүлэл

Хууль & Технологи

Сүүлийн жилүүдэд цахим технологи хөгжихийн хэрээр түүнд тулгуурласан шинэ санхүүгийн бүтээгдэхүүнүүд амьдралд нэвтрэх болсон билээ. Технологи дээр суурилсан санхүүгийн бүтээгдэхүүн, үйлчилгээг товчоор “Финтек” (Fin-financial; Tech-technology) гэж нэрлэх болсон. Финтекийн судлагдахууныг үндсэн 3 хэсэгт ангилаж болох юм. Үүнд: i) виртуал хөрөнгө (криптовалют), ii) санхүүгийн бүтээгдэхүүнийг хүргэх технологийн шинэ загварууд, iii) хиймэл оюун ухааны ашиглалт юм.
Виртуал хөрөнгийн нэг төрөл болох анхны криптовалютыг (биткойн) 2008 онд анх Сатоши Накамото нь блокчэйн технологи дээр тулгуурлан криптовалютыг үүсгэх кодлолыг тайлбарлан бичсэн өгүүлэлээ цахим сүлжээнд нийтэлснээр анх бий болсон гэж үздэг. Кодлолын тусламжтайгаар виртуал орчинд тодорхой удирдлагын (олборлогч) зүгээс үүсгэж болдог криптовалют нь биет физик шинжгүй виртуал хөрөнгө юм.
Криптовалют (биткойн) нь тодорхой нэг этгээд эсвэл тодорхой нэг эрх бүхий этгээдийн зүгээс удирдах боломжгүй бөгөөд блокчэйн технологи дээр тулгуурлан зөвхөн интернет сүлжээгээр дамжуулан тухайн хэрэглэгчийн зүгээс удирдах боломжтой юм.
Криптовалютыг (биткойн) төрийн эрх бүхий байгууллагаас зөвшөөрөл авах шаардлагагүйгээр чөлөөтэйгээр бусдад арилжаалах эсвэл худалдан авах боломжтой бөгөөд дэлхийн зарим оронд төлбөр тооцооны болон хөрөнгө оруулалтын хэрэгсэл болгон ашиглаж байна.
Манай улсын хувьд харьцангуй шинэ гэж хэлэж болох виртуал хөрөнгийн зах зээл, виртуал хөрөнгийн үйлчилгээ үзүүлэгч аж ахуй нэгж, төрийн зохицуулах чиг үүрэг бүхий байгууллагын харилцааг зохицуулсан эрх зүйн орчин одоогоор байхгүй бөгөөд энэ талаар судалсан бүтээлүүд хомс байна.
Энэхүү өгүүлэлийн зорилго нь виртуал хөрөнгийн нэг төрөл болох криптовалютыг тодорхойлох, эрх зүйн үүднээс зохицуулагдаж болох хувилбарыг олон улсын болон бусад орны туршлагаас харьцуулан судлах юм.

Виртуал хөрөнгө, Криптовалют, Блокчэйн технологи. Биткойн, Виртуал хөрөнгийн үйлчилгээ

2021-12-04

18

Монгол

Бүрэн эхээр нь үзэх

2021-09-01

5519

411

38

М.Түвшинжаргал “Виртуал хөрөнгийг эрх зүйн үүднээс тодорхойлох нь (Криптовалютын жишээн дээр)” (2021), ... дахь/дэх тал. Legaldata-аас унших боломжтой: https://legaldata.mn/b/1032

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх