Монгол улсын захиргааны эрх зүйн хөгжлийн түүхийг 1992 оны Үндсэн хуулиас хойш гурван үе шатанд хувааж үздэг байсан бол Захиргааны ерөнхий хуулийг батласанаас хойш дөрөвдэх үе шатын тухай ярих боломжтой болов. Захиргааны хэргийн шүүхүүд үйл ажиллагаа явуулж эхлэснээр захиргааны байгууллагуудын хууль хэрэгжүүлэх, хуулийн дагуу үйл ажиллагаа явуулах байдалд мэдэгдэхүйц өөрчлөлт гарч буй бөгөөд үүнээс шалтгаалан захиргааны байгууллага, түүний тогтолцоо, дотоод бүтэц, харилцан уялдаа хамаарал, гадагш чиглэсэн үйл ажиллагаа, ялангуяа, бусдын эрхэд халдахад чиглэсэн шийдвэрт тавигдах хууль зүйн шаардлага гэх мэт захиргааны судлагдахуунууд хөгжих, шинэ хандлага, ойлголтууд хуульчлагдах явцын үр дүн ахиц нь Захиргааны ерөнхий хууль болох юм.