Бүтээлийн нэр
ЧӨЛӨӨТ ХУДАЛДААНЫ ГЭРЭЭ- ЭДИЙН ЗАСГИЙН ШИНЭ БОЛОМЖ
Бүтээлийн хэлбэр
Эрдэм шинжилгээний нийтлэл, өгүүлэл
Бүтээлийн товч
Нийгэм, эдийн засаг, мэдээлэл технологийн харилцан хамаарал бүхий даяаршлын өнөө үе нь дэлхийн улс орнууд тэр дундаа жижиг буурай орнуудад хөгжлийн уян хатан, олон талт стратегийн сонголт хийх нөхцлийг бүрдүүлж өгч байна. Цаашид аливаа улс орны хөгжил нь энэхүү нээлттэй, өргөн боломж бүхий глобаль талбараас өөртөө ашигтай нөхцөл байдлыг олж таних, оновчтой сонгох, үр бүтээлтэй хэрэгжүүлэхээс шууд хамаарах нь ойлгомжтой. Монгол улсын хувьд шилжилтийн үеэс хөгжлийн дараах үе шат буюу орчин цагийн даяаршлын эриний хурдацтай, нээлттэй, өргөн сонголт бүхий нөхцөл байдалд өөрийн онцлогоо уялдуулан бие даасан, нэр төртэй, хүчирхэг хөгжлийн стратегийг баримтлах цаг үе тулгарч байна. Хөгжлийн уг шинэ агуулга эхнээсээ Монголын гадаад харилцаа, эдийн засгийн бодлогод биеллээ олж байна гэж үзэж байгааг энд тэмдэглэх нь зүйтэй болов уу.

Дотооддоо аж үйлдвэрлэл бага хөгжсөн, зах зээл багатай Монголын нөхцөлд тус улсын эдийн засгийн хөгжилд гадны хүчин зүйл ихээхэн чухал үүрэг гүйцэтгэх бөгөөд тэдгээрийг хир оновчтой ашиглаж чадахаас улс орны хөгжил шалтгаалах болно. Гадаад хүчин зүйлд нэн түрүүн олон улсын байдал, дэлхийн зах зээл дээрх эрэлт хэрэгцээ, гадаад худалдаа, гадаадын хөрөнгө оруулалт зэрэг багтаж буй бөгөөд Монгол улсын хувьд үүнтэй уялдуулан хэрэгжүүлж болох арга замуудыг судлах нь чухал байна. Дэлхийн улс орнуудын дунд чөлөөт худалдаа нь хамгийн сонгодог, түгээмэл хэрэглэгддэг арга зам бөгөөд энэ нь эдийн засгийн харилцааны бусад салбарт суурь нь болж өгдөг.

Энэхүү өгүүлэлд Монголын гадаад худалдааны, цаашилбал Монголын эдийн засгийн хувьд шинэлэг, өндөр ач холбогдолтой байж болох чөлөөт худалдааны нөхцөл боломжийг авч үзэх ба манай төр засгийхан, дипломатууд, мэргэжилтнүүд мэргэн оюундаа тунгаан, цаашид ажил хэрэг болгоход үнэтэй хувь нэмрээ оруулна хэмээн итгэж байна.
Түлхүүр үг
Монгол улсын гадаад худалдаа, эдийн засаг, чөлөөт худалдааны нөхцөл, чөлөөт худалдааны гэрээ, чөлөөт худалдааны гэрээ байгуулахын ач холбогдол
Бичигдсэн огноо
2000
Хуудсын тоо
5
Хэл
Монгол
Үнэ
Үнэгүй
Байршуулсан огноо
2021-10-06
Товч мэдээлэл үзсэн
93
Бүрэн эхээр нь үзсэн
6
Цуглуулганд нэмэх
Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх

Манай цахим хуудас нь Монгол Улс дахь хууль зүйн судалгааны бүтээлүүдийг нэгтгэн цахим сан бүрдүүлж, судалгааны эргэлтэнд оруулах зорилготой.

Холбоо барих

“Оюуны-Инноваци” Эрх зүйн судалгааны төв

Монгол Улс, Улаанбаатар хот,
Сүхбаатар дүүрэг, Оюутны гудамж 16/03,
Unity center, 4 давхар 405 тоот.
Э-мэйл: contact@legaldata.mn